download HolidaySmart 假期日常 app
無限超越班|薛凱琪扮演18歲絕世美女被狠批!濃妝出事仙氣全無

無限超越班|薛凱琪扮演18歲絕世美女被狠批!濃妝出事仙氣全無

娛樂新聞
By Jennifer on 30 Jan 2023
Digital Editor

內地綜藝《無限超越班》因為薛凱琪同惠英紅引起熱議,最近幾位出演者都要化身經典武俠片主角,而薛凱琪則飾演《天龍八部》嘅神仙姐姐「王語嫣」,但造型照公開卻被網民狠批似青樓女子多啲!更指濃妝同角色完全不符。

內地綜藝《無限超越班》最近幾位出演者都化身經典武俠片主角Photo from 《無限超越班》

惠英紅指薛凱琪似陶瓷娃娃

《無限超越班》節目開播初期,影后惠英紅直言41歲薛凱琪(Fiona)似陶瓷娃娃,面臨角色尷尬期,又表示佢呢個年齡仲扮少女好肉麻,認為佢應該要盡快轉型,展現出41歲成熟女性嘅魅力。由於當時惠英紅情緒激動,更一度發火掟簿離場,掀起一陣熱話。

《無限超越班》節目開播初期,影后惠英紅直言41歲薛凱琪(Fiona)似陶瓷娃娃,面臨角色尷尬期Photo from 《無限超越班》

《無限超越班》佘詩曼再扮周芷若、薛凱琪演「神仙姐姐」王語嫣

節目現時已播出多期,最新一集幾位導師同學員就分別扮演不同嘅經典武俠角色,其中佘詩曼則重現《倚天屠龍記》周芷若;惠英紅扮演《武俠》十三娘;薛凱琪則飾演《天龍八部》女主角之一王語嫣。

佘詩曼則重現《倚天屠龍記》周芷若Photo from TVB

其中佘詩曼再扮演周芷若掀起網民關注,網民大讚佢同2000年出演《倚天屠龍記》時外型基本無咩變化,keep得好好!而飾演「神仙姐姐」王語嫣嘅Fiona則被指出事,網民似乎唔太中意佢呢扮相。

佘詩曼再扮演周芷若掀起網民關注,網民大讚佢同2000年出演《倚天屠龍記》時外型基本無咩變化Photo from 《無限超越班》

TVB《倚天屠龍記》2000版本,佘詩曼飾演周芷若Photo from 《無限超越班》

飾演「神仙姐姐」王語嫣嘅Fiona則被指出事Photo from 《無限超越班》

Fiona濃妝被批完全無絕世美女仙氣

王語嫣係金庸武俠小說《天龍八部》其中一位女主角,書中描述佢年齡約為18~19歲,清麗脫俗,係一位絕世美女,段譽更稱佢為「神仙姐姐」。歷代神仙姐姐多數都飾演過《神鵰俠侶》嘅「小龍女」一角,包括:陳玉蓮、李若彤、劉亦菲。

歷代神仙姐姐多數都飾演過《神鵰俠侶》嘅「小龍女」一角Photo from TVB

劉亦菲版本嘅「神仙姐姐」獲封為經典Photo from 《天龍八部》

而Fiona版嘅「神仙姐姐」卻被狠批一啲仙氣都無,同王語嫣嘅氣質不符。網民稱宣傳照都無咁大問題,但節目播出時即使有後期filter,明顯睇到Fiona嘅妝容非常濃艷,完全唔似清麗脫俗嘅「神仙姐姐」,反而似青樓花魁。

Fiona版嘅「神仙姐姐」卻被狠批一啲仙氣都無Photo from 《無限超越班》

《無限超越班》播出畫面都有filterPhoto from 《無限超越班》

節目播出明顯睇到Fiona嘅妝容非常濃艷Photo from 《無限超越班》

亦有人認為Fiona呢個王語嫣造型年齡感十分明顯,無以往少女味,更指佘詩曼再演周芷若毫無違和感但薛凱琪則睇出真實狀態已不如年輕時。網友感嘆惠英紅所講嘅都好符合薛凱琪現時嘅情況,勸佢盡快轉型。

有人認為Fiona呢個王語嫣造型年齡感十分明顯,無以往少女味Photo from 《無限超越班》

網友指佘詩曼再演周芷若無違和感Photo from 佘詩曼微博

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

無限超越班|惠英紅激動叫薛凱琪唔好扮後生?掟簿發火掀連環爭執

25 Dec 2022

內地綜藝《無限超越班》預告中惠英紅指薛凱琪係陶瓷娃娃而掀起熱議,節目日前播出一集中惠英紅激動以個人經歷提醒薛凱琪要把握機會,點知越講越激動更引起其他導師辯論,場面尷尬。

內地綜藝《無限超越班》預告中惠英紅指薛凱琪係陶瓷娃娃而掀起熱議Photo from 《無限超越班》

薛凱琪獲粉絲稱為「香港最後一個少女」

由浙江衞視、優酷平台、TVB聯合製作嘅真人騷《無限超越班》因為豪華嘅導師團體而引起關注,之前公開預告惠英紅直言薛凱琪(Fiona)似40幾歲嘅陶瓷娃娃,令唔少觀眾對節目內容感到好奇。

惠英紅直言薛凱琪(Fiona)似40幾歲嘅陶瓷娃娃Photo from 《無限超越班》

喺面試環節中薛凱琪粉絲稱佢為「香港最後一個少女」,導師湯鎮業指佢外型顯小係一個問題,而惠英紅則語重心長咁同佢分享自己嘅個人經歷,佢指自己38歲時突然無戲拍,令佢不禁懷疑自己。

薛凱琪粉絲稱佢為「香港最後一個少女」Photo from 《無限超越班》

惠英紅則語重心長咁同佢分享自己嘅個人經歷Photo from 《無限超越班》

惠英紅38歲遇演員尷尬期,曾睇唔開

惠英紅續指佢曾經同薛凱琪一樣都患上憂鬱症,收埋自己喺屋企,5年無出過門口,甚至有一次睇唔開,幸好家人踢開房門救佢出去。惠英紅表示自己用3年時間整理自己,又打電話為自己爭取角色。

惠英紅續指佢曾經同薛凱琪一樣都患上憂鬱症Photo from 《無限超越班》

惠英紅甚至有一次睇唔開,幸好家人踢開房門救佢出去。Photo from 《無限超越班》

惠英紅表示自己用3年時間整理自己,又打電話為自己爭取角色。Photo from 《無限超越班》

惠英紅稱當時41歲年齡好尷尬:「當姐不行,當媽不行。」然後佢對現時同樣係41歲嘅薛凱琪道:「我相信你現在也有這個尷尬期。」但許紹雄就笑住話:「沒有呀!我感覺她沒有!」

惠英紅稱當時41歲年齡好尷尬:「當姐不行,當媽不行。」Photo from 《無限超越班》

許紹雄就笑住話:「沒有呀!我感覺她沒有!」Photo from 《無限超越班》

惠英紅哽咽稱唔想薛凱琪再浪費時間

惠英紅無理會,佢繼續指:「我替你緊張。」惠英紅指薛凱琪勤力、條件好,但仍然畀人感覺係「小女孩」,非常影響佢日後嘅發展。許紹雄即叫薛凱琪快啲多謝紅姐,但惠英紅突然轉過去稱:「你真的,你不斷打岔!」講講下仲忍唔住哽咽:「我真的想他們好。」

惠英紅無理會,佢繼續指:「我替你緊張。」Photo from 《無限超越班》

許紹雄即叫薛凱琪快啲多謝紅姐,但惠英紅突然轉過去稱:「你真的,你不斷打岔!」Photo from 《無限超越班》

惠英紅激動指佢今日已決定一定要同Fiona講真心話:「我看著你很像我以前,我不想你再浪費你的時間。」惠英紅稱見到薛凱琪依然一直向同一個方向,直言佢如果再唔變就無時間:「你完了!你沒時間了!」

講講下仲忍唔住哽咽:「我看著你很像我以前」Photo from 《無限超越班》

惠英紅稱見到薛凱琪依然一直向同一個方向,直言佢如果再唔變就無時間Photo from 《無限超越班》

惠英紅突發火掟簿離場,場面超尷尬

呢個時候許紹雄可能想緩和下氣氛:「她(薛凱琪)在我心中是不會死的」,惠英紅:「我沒有說她死」,許紹雄則表示佢意思係Fiona應該唔會輕生,惠英紅突然爆seed:「你是說我很差嗎?」

呢個時候許紹雄可能想緩和下氣氛:「她(薛凱琪)在我心中是不會死的」Photo from 《無限超越班》

惠英紅突然爆seed:「你是說我很差嗎?」Photo from 《無限超越班》

氣氛變得相當緊張,薛凱琪想勸交:「不要吵架!唔好嗌交!」許紹雄亦表示:「你(惠英紅)誤會了。」本來情緒已相當激動嘅惠英紅突然企起身離場,更將手上資料掟落地,場面尷尬。

薛凱琪想勸交:「不要吵架!唔好嗌交!」Photo from 《無限超越班》

本來情緒已相當激動嘅惠英紅企起身離場Photo from 《無限超越班》

後來採訪中惠英紅表示佢唔係發脾氣,只係唔想薛凱琪再重覆佢行錯嘅路,又稱可能係一時感觸:「總歸女人就情緒化吧!」之後惠英紅重返錄影廠:「繼續吧!不好意思。」

後來採訪中惠英紅表示佢唔係發脾氣,只係唔想薛凱琪再重覆佢行錯嘅路Photo from 《無限超越班》

之後惠英紅重返錄影廠Photo from 《無限超越班》

惠英紅與趙雅芝起爭執

但跟住其他導師都發表佢哋嘅睇法,吳鎮宇就指娃娃臉好慘:「卡在那個年齡。」直言唔敢搵佢做少女亦唔敢搵佢做媽媽。惠英紅再次直言平時睇到Fiona一啲相嘅表情會覺得好肉麻:「41歲還這樣。」

吳鎮宇就指娃娃臉好慘Photo from 《無限超越班》

Fiona表情嚴肅Photo from 《無限超越班》

惠英紅模仿Fiona影相表情Photo from 《無限超越班》

惠英紅:「41歲還這樣。」Photo from 《無限超越班》

惠英紅認為41歲應該有41歲成熟嘅味道,吳鎮宇表示認同,但趙雅芝則有唔同意見:「她(薛凱琪)沒有裝嫩。」之後惠英紅同趙雅芝又開始一人一句,火藥味甚濃!結果爾冬陞見「唔對路」,即出言打圓場:「不同嘅戲種,不同年齡嘅演員都需要。

趙雅芝則有唔同意見:「她(薛凱琪)沒有裝嫩。」Photo from 《無限超越班》

結果爾冬陞見「唔對路」,即出言打圓場Photo from 《無限超越班》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel