download HolidaySmart 假期日常 app
宋仲基被爆與英籍老婆3年前開始拍拖!當時與宋慧喬僅離婚幾個月?!

宋仲基被爆與英籍老婆3年前開始拍拖!當時與宋慧喬僅離婚幾個月?!

美食推介
By Jennifer on 31 Jan 2023
Digital Editor

宋仲基宣佈同英籍女友Katy Louise Saunders結婚,更指女友已經懷孕。消息公佈後喺亞洲掀起熱議,韓國前娛樂記者李鎮浩就喺YouTube影片中大爆宋仲基曾經喺聚會中承認同女友已交往3年,時間竟係與宋慧喬離婚後不久?!

宋仲基宣佈同英籍女友Katy Louise Saunders結婚,更指女友已經懷孕Photo from 韓國傳媒

宋仲基宣佈與英籍女友Katy結婚,對方已懷孕

宋仲基喺2022年年尾承認戀情後僅一個月,佢就公佈再婚嘅喜訊,更表示妻子已經懷孕。雙喜臨門消息掀起網民熱議,宋仲基向來甚少提及感情事,佢上一段婚姻喺交往期間亦相當低調,直至結婚先向外宣佈。

宋仲基喺2022年年尾承認戀情後僅一個月,佢就公佈再婚嘅喜訊Photo from 宋仲基IG

宋仲基指同Katy經熟人介紹交往

今次宋仲基就高調得多,不但喺劇集《財閥家的小兒子》宣傳活動時已多次公開向工作人員介紹Katy係佢女朋友,就連喺頒獎禮上獲獎時都公開感謝女友及女友嘅愛犬。不過宋仲基卻未有提到佢同Katy係幾時開始交往,因此當Katy懷孕消息公開,外界都覺得好突然。

宋仲基喺劇集《財閥家的小兒子》宣傳活動時已多次公開向工作人員介紹Katy係佢女朋友Photo from 宋仲基IG

宋仲基喺頒獎禮上獲獎時都公開感謝女友及女友嘅愛犬。Photo from YouTube

有指宋仲基與Katy已同居一年

據悉Katy之前係一名演員,曾出演過電影,不過現時已退出娛樂圈,擔任私人英語教師。宋仲基公佈再婚及即將做爸爸嘅消息後,有韓國傳媒報道宋仲基母親同Katy一齊現身母嬰店購物,相信一家人都好期待BB來臨。有指Katy已經入住宋仲基別墅同居一年,而Katy懷孕後宋仲基亦接咗妻子嘅父母到韓國陪伴妻子。

Katy之前係一名演員,曾出演過電影,不過現時已退出娛樂圈,擔任私人英語教師。Photo from Katy Louise Saunders Facebook

有指Katy已經入住宋仲基別墅同居一年,而Katy懷孕後宋仲基亦接妻子嘅父母到韓國陪伴妻子。Photo from 韓國傳媒

宋仲基被爆同宋慧喬離婚後不久就同Katy拍拖

韓國前娛樂記者李鎮浩就喺YouTube影片大爆其實宋仲基同Katy已經交往咗一段時間,佢指宋仲基公開戀情後,曾出席電影劇組聚餐,並喺席上分享女友Katy嘅照片,更大方表示已經同女友拍拖近3年。而3年前佢就同宋慧喬離婚,宋仲基於2019年6月提交離婚申請書,兩人於7月正式解除夫妻關係。

宋仲基公開戀情後,曾出席電影劇組聚餐,並喺席上公開女友Katy嘅照片,更大方表示已經同女友拍拖近3年Photo from 宋仲基IG

宋仲基於2019年6月提交離婚申請書,與宋慧喬於7月正式解除夫妻關係。Photo from Blossom娛樂

按照宋仲基所講佢應該係喺拍韓劇《黑道律師文森佐》前嘅2020年初同Katy拍拖,即係話佢同宋慧喬離婚幾個月就展開新戀情。唔少網友替宋慧喬不值:「男女互換的話,女生一定被罵!」、「好心痛宋慧喬。」、「不敢想像如果是宋慧喬離婚幾個月後與他人戀愛,會被多少人批評。」

唔少網友替宋慧喬不值Photo from 宋慧喬IG

網民猜測宋仲基宋慧喬因生育計劃現分歧而離婚

事實上宋仲基同宋慧喬離婚時曾引起網民佢哋討論感情破裂嘅原因,而今次宋仲基認愛後極速宣佈再婚及做老竇則令唔少人猜測可能當時宋仲基夫婦未能就生育問題達成共識,最終分道揚鑣。雖然宋慧喬現時未有近戀情,但佢主演嘅韓劇《黑暗榮耀》第一季大獲好評,事業再創高峰,第二季亦即將於3月上線。

唔少人猜測可能當時宋仲基夫婦未能就生育問題達成共識,最終分道揚鑣Photo from Blossom娛樂

宋慧喬主演嘅韓劇《黑暗榮耀》第一季大獲好評,事業再創高峰,第二季亦即將於3月上線。Photo from 宋慧喬IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

宋仲基現身妹妹醫學博士畢業禮!3兄妹全是學霸,溫馨合照曝光假

Aug 31, 2022

韓國演員宋仲基近年集中拍電視劇同電影,佢嘅妹妹最近於首爾大學醫學系博士畢業,宋仲基同佢哥哥宋承基都有出席妹妹嘅畢業典禮,宋家三兄妹原來個個都係學霸

韓國演員宋仲基近年集中拍電視劇同電影Photo from 宋仲基IG

宋仲基妹妹首爾大學醫學博士畢業

宋仲基同宋慧喬於2019年離婚後就主力拍攝電影同電視劇,雙線發展,近日佢就同家人成為韓國網民嘅話題。原來佢嘅妹妹終於博士畢業!

近日宋仲基同家人成為韓國網民嘅話題。Photo from 宋仲基IG

宋仲基嘅哥哥宋承基喺IG發文:「曾經是小豆丁的我們老幺,呀~我們家也有博士!」又hashtag「#最小的妹妹」、「#醫生」、「#首爾大學博士」等,並公開三兄妹嘅童年照。

宋仲基嘅哥哥宋承基喺IG公開三兄妹嘅童年照Photo from 宋承基IG

原來宋仲基嘅妹妹近日首爾大學醫學系博士畢業!兩位哥哥當然都有出席妹妹嘅畢業禮,宋仲基戴上cap帽,右手搭住妹妹膊頭、左手拎住一紮花,相信係送畀妹妹嘅畢業禮物之一~

原來宋仲基嘅妹妹近日首爾大學醫學系博士畢業!兩位哥哥當然都有出席妹妹嘅畢業禮Photo from 宋承基IG

即睇更多人氣文章:

宋家三兄妹全部都係學霸!

其實宋家三兄妹都係學霸!大哥宋承基曾經於中國北京大學留學7年,識得講中文;二哥宋仲基喺入行前以全國前10嘅成績,考入成均館大學;妹妹曾經留學加拿大,現時更於韓國名牌大學首爾大學嘅醫學博士畢業,唔少人對宋家父母如何教育3個子女感到十分好奇,同時感歎佢全家都係精英!

宋仲基妹妹曾經留學加拿大Photo from 宋承基IG

宋仲基曾經係運動健將

宋仲基係家中老二,佢曾經練習短道速滑11年,仲代表過家鄉參與3次全國運動會,雖然有諗過做運動員,但最終因為中學二年級時腳踝受傷,決定放棄呢個夢想。之後佢就集中精力讀書,學業成績大幅提升,高中時英文同數學更考獲全校第一!

宋仲基係家中老二,佢曾經練習短道速滑11年,仲代表過家鄉參與3次全國運動會

入行前已憑出色外型、聰明頭腦獲網民支持

因為首次大學入學考試未能考獲理想大學,宋仲基決定重讀一年,以全國前十嘅好成績,考入韓國歷史上最悠久嘅成均館大學,雙主修企業管理系、新聞放送。在校期間宋仲基參加過好多校內活動,曾經係大學廣播員、新聞放送社團團長。

因為首次大學入學考試未能考獲理想大學,宋仲基決定重讀一年,以全國前十嘅好成績,考入韓國歷史上最悠久嘅成均館大學

佢入行前就已經有後援會,因為大學學長病咗,宋仲基就代替佢參加一個問答形式電視節目,並成功打入總決賽,雖然最終屈居亞軍,但出色嘅外型仍吸引大批網民支持。

宋仲基入行前就已經有後援會,因為大學學長病咗,宋仲基就代替佢參加一個問答形式電視節目,並成功打入總決賽Photo from KBS

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel