Angelababy古裝原圖曝光，零濾鏡被指顏值大跌！仙氣不再走下神壇？！
Angelababy（楊穎）因為靚樣走紅，最近佢新劇《相思令》開拍，出席開工儀式嘅Angelababy仙氣依舊，但當零濾鏡原圖曝光後，唔少網民都指Baby顏值不復當年勇，明顯睇出真實年齡，狀態同以往無得比。
Photo from 楊穎工作室微博
Angelababy香港豪宅公開
現年33歲嘅Angelababy（楊穎）同北上發展已久，出演綜藝節目《奔跑吧兄弟》爆紅，之後喺內地人氣穩步上升。Angelababy憑靚樣走紅，佢更曾入選亞太區百大美女前三位！
Photo from 楊穎工作室微博
不過有指同黃曉明離婚後嘅Baby工作量大減，最近Baby就返港過新年，不但同朋友一齊欣賞BLACKPINK巡迴演唱會香港站，更大晒香港豪宅，Baby家中價值$20萬嘅水晶燈更掀起網民熱議。
Photo from 楊穎工作室微博
Photo from Angelababy微博
主演古裝劇，Angelababy零濾鏡原圖曝光
Angelababy近日已重回內地，並且為古裝劇作準備，佢主演嘅新劇《相思令》開拍，Baby同男主角宋威龍現身開工儀式，俊男美女嘅組合令唔少網民表示期待劇集播出，又大讚Baby古裝look仙氣十足。
Photo from 楊穎工作室微博
Photo from Angelababy微博
Photo from 楊穎工作室微博
然而現場照原圖曝光後，Baby則被指狀態大跌，顏值已同昔日嘅巔峰時期難以比較。只見Baby皮膚又白又滑，無咩瑕疵，不過蘋果肌就不再飽滿，而且唔知係角度定陰影嘅問題，個嘴都顯得有啲奇怪。
Photo from 微博
Photo from 微博
顏值不及以往，被指蘋果肌下垂
有網民重提Angelababy初出道時未箍牙嘅舊照，質疑Baby係整容變美女，暗指佢係時候再去做「保養」，亦有人認為Baby已經年過30，蘋果肌自然無法同以前比，現時嘅狀態其實好正常。有網友則表示Angelababy以往被多次影到抽煙，應該對皮膚有唔少影響。
Photo from 微博
Photo from 微博
除咗外型，亦有唔少人擔心Angelababy嘅演技，佢雖出演唔少大製作電影、偶像劇等，但都被指演技差，令劇集評分、口碑都不佳，因此今次佢再度出演古裝劇女主角，仍有好多網民唔睇好。
Photo from 楊穎工作室微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
Angelababy或要改名！內地編劇爆廣電新禁令，已有藝人出事
2 Sep 2022
近日內地編劇汪海林喺微博發文，指廣播電視總局將發佈新禁令，唔再允許藝人改外國名或疑似外國名嘅藝名，有名字為4個字嘅女星已率先宣佈改名，而新禁令直接影響嘅藝人更有Angelababy（楊穎）。
Photo from Angelababy微博
內地編劇爆廣電新禁令：禁用外國藝名
近年內地廣電連續發佈新嘅禁令，曾要求藝人0片酬出演節目、限薪令、限籍令等，對於娛樂圈嘅監察同管理都越嚟越嚴格。最近有指廣電總局又再有新嘅政策推出！
Photo from 微博
內地編劇汪海林係中國作家協會會員，作品有電視劇《鐵齒銅牙紀曉嵐3》、電影《說好不分手》等。佢喺微博發文稱：「廣電總局的要求，叫外文名或近似外文名的藝名，將不被允許。」
Photo from 汪海林微博
Angelababy或需改名
佢更點名提到Angelababy：「楊穎不能再署名angelababy」，Angelababy由出道初期就已用藝名，同黃曉明交往之後佢就北上返內地發展，參加綜藝節目《奔跑吧兄弟》爆紅後，佢一直都未有用返本名「楊穎」，依然以藝名「Angelababy」發展演藝事業。
Photo from Angelababy微博
即睇更多人氣文章：
內地女星「辣目洋子」宣佈改名
若禁令屬實，佢的確係以英文作藝名嘅藝人中比較著名嘅一位，極有可能係首批改名藝人。不過喺佢之前已有4字女星率先宣佈改名。內地女星「辣目洋子」喺網上拍短片走紅後正式踏足影視圈，拍過唔少喜劇。
Photo from 辣目洋子微博
辣目洋子突然於微博宣佈改回本名：「大家好，即日起，我將恢復本名李嘉琦。我媽說，一切還是本來的好，聽媽媽的話！」佢微博名亦改為「小辣李嘉琦」，佢微博fans都有超過1,000萬，因此佢宣佈改名即時掀起內地網民熱議。
Photo from 辣目洋子微博
喺汪海林爆廣電新禁令後，網民相信佢必須放棄「辣目洋子」呢個仿日本名嘅藝名，改回中國名字，所以佢先會用返本名「李嘉琦」。
Photo from 辣目洋子微博
韓團中國成員多數用中文名
其實內地娛樂圈有部分韓國團體嘅中國成員，喺韓國出道時都會改一個英文名，例如GOT7嘅「Jackson」；EXO嘅「Kris」、「Lay」、「Tao」；f(x)嘅「Victoria」；aespa嘅「Ningning」；WayV嘅「Winwin」、「Lucas」等。
Photo from EXO
Photo from Jackson微博
Photo from 《奔跑吧》
但佢哋返內地發展時都會用返中文名：「Jackson」會叫返「王嘉爾」、「Victoria」叫「宋茜」、「Lucas」叫「黃旭熙」、「Kris」同「Lay」叫「吳亦凡」「張藝興」等。
Photo from 《奔跑吧》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
