download HolidaySmart 假期日常 app
彭于晏與女伴現身北海道引熱議,因好友胡歌秘婚被網民「催婚」,曾遇啱傾圈外人。

彭于晏與女伴現身北海道引熱議,因好友胡歌秘婚被網民「催婚」,曾遇啱傾圈外人。

生活熱話 娛樂新聞
By Wing Ws on 03 Feb 2023
Digital Content Writer

內地男星胡歌日前宣布秘婚兼成為爸爸一事震驚內地網民,外界嘅焦點亦紛紛落喺胡歌身邊仍然單身嘅好友彭于晏身上,唔少熱心網民更走去彭于晏嘅社交網留言催婚,「彭于晏工作室」前日(1日)先回應:「不急啊,我們慢慢來!」點知事隔一日,就有網民影到彭于晏喺北海道同一位女伴用餐,令一眾網民笑指彭于晏真係對婚事不急。

網民影到彭于晏喺北海道同一位女伴喺餐廳用餐。Photo from 彭于晏 IG

曾與胡歌被稱「仙劍留守兒童」

40歲內地男星胡歌因古裝劇《仙劍奇俠傳》爆紅,由於同劇組嘅楊冪、劉詩詩、唐嫣、霍建華幾人陸續結婚,胡歌與同劇兼同齡嘅彭于晏近年被戲稱為「仙劍留守兒童」,感情生活一直受外界關注,呢幾年兩人接受媒體訪問都互相表示:「我不着急,彭于晏還沒結婚呢」、「他(胡歌)不急,那我也不急」。點知前日胡歌突然自爆秘婚1年並育有1女,令原本同為「留守兒童」嘅彭于晏成為呢件喜事下嘅另一個焦點,網民紛紛跑到彭于晏嘅社交網站留言「催婚」。對此,彭于晏工作室回應指:「不提前預設的人生,始終相信會與美好不期而遇。2月,不急啊,我們慢慢來」,暗示對婚姻之事不着急。

胡歌與同劇兼同齡嘅彭于晏近年被戲稱為「仙劍留守兒童」。Photo from 微博

彭于晏工作室回應。Photo from 微博

網民於北海道偶遇彭于晏

不過表態唔係好耐嘅彭于晏,噚日(2日)就被網民影到現身北海道某間酒店嘅餐廳,身邊仲有一位戴灰色帽嘅同行女性一同用餐,而偶遇嘅網民表示,彭于晏係成枱人一齊,當時佢詢問合照被拒絕。不過有關照片一時間引起熱議,唔少網民猜測兩人關係,仲講笑咁話:「難怪工作室說慢慢來」、「人家身邊也有美美的」,亦有網民認為呢位女性係彭于晏家姐。

網民喺北海道偶遇彭于晏,身邊仲有一位戴灰色帽嘅同行女性。Photo from 小紅書

包到密都有人認到

同日,有網民喺滑雪場上捕獲彭于晏,並上前與他合照,當時彭于晏穿着一身滑雪裝備,並戴上頭盔、眼罩,對認出自己嘅網民都非常驚訝:「這樣也能認出我?」

有網民喺滑雪場上捕獲彭于晏。Photo from 小紅書

單身紀錄年年刷新

事實上,男神彭于晏過往曾與多位女星如張鈞甯、蔡依林、舒淇、林珈安等傳過緋聞,不過多年嚟都未曾公開承認,感情史亦成迷。但單身紀錄就年年刷新,節目中曾自爆已單身5年,其間試過遇到啱傾嘅圈外人,但最終因為工作原因未能繼續發展。咁長時間未脫單,彭于晏坦言自己其實都想拍拖。未知今年會唔會聽到男神嘅好消息呢!

彭于晏過往曾與多位女星傳過緋聞,不過多年來都未曾公開承認Photo from 彭于晏 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

彭于晏媽媽一招破解千年「男人矛盾」難題 婆媳同時跌落水原來可以咁化解?

9 Mar 2021

台灣男神彭于晏唔止有俊俏外貌同健碩身型外,仲係圈中出晒名嘅孝順仔不時都會帶媽媽四圍去玩同喺社交網大晒兩母子合照。而喺尋日三八婦女節,佢當然都有發長文公開表揚媽媽喇,仲同大家化解咗一個世紀難題添!

台灣男神彭于晏係圈中出晒名嘅孝順仔

彭于晏不時都會帶媽媽四圍去玩同喺社交網大晒兩母子合照。

彭于晏喺 IG 上傳多張同彭媽媽喺台灣出遊時影嘅相,佢留言大讚媽媽開明、大方,並寫了表示媽媽喺國際婦女節依日幫大家解決咗困擾男人千年嘅難題「阿媽同老婆跌落水會救邊個」,相信係唔少男士嘅福音嚟呀!

彭于晏喺國際婦女節依日幫大家解決咗困擾男人千年嘅難題

彭于晏指佢媽媽一早就傳咗一篇文章畀佢,文中係講一位婆婆為免兒子難做,決心學識游水嘅故事,佢喺故事嘅最後表示:「折磨全世界男人的千年難題,終於被偉大的母親破解啦! 媽媽最偉大! 」

彭于晏指佢媽媽一早就傳咗一篇文章畀佢

文中係講一位婆婆為免兒子難做,決心學識游水嘅故事

彭于晏依篇文章喺網上發布唔夠 1 日,就已經有超過 8 萬人 Like,睇嚟唔少 fans 都好鍾意以個答案喎!

彭于晏依篇文章喺網上發布唔夠 1 日,就已經有超過 8 萬人 Like

有 fans 更留言大讚彭媽媽好可愛「彭媽媽好棒???」、「好想叫你媽媽一聲婆婆」、「你媽媽缺媳婦嗎?我盡量不掉水裏。」

fans 留言問彭媽媽缺唔缺媳婦?

 width=

而彭于晏除咗出 post 大讚媽媽外,佢仲喺 story 中上傳自己小時候同媽媽嘅合照,相中嘅佢真係好得意呀!

喺 story 中上傳自己小時候同媽媽嘅合照

相中嘅佢真係好得意呀!

唔知下次彭媽媽又會幫大家解決咩問題呢?

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel