download HolidaySmart 假期日常 app
碧咸11歲女兒哈七近照曝光 告別baby fat 星味媲美兩大超模

碧咸11歲女兒哈七近照曝光 告別baby fat 星味媲美兩大超模

娛樂新聞
By jack on 03 Feb 2023
Digital Content Writer

英國萬人迷碧咸一家的生活向來備受各界關注,其孻女哈七(Harper Seven)遺傳到父母的優良基因,五官標緻甜美可愛,從小集萬千寵愛於一身。從小被溺愛的哈七早前被指身型發脹,是時候要減肥。轉眼間哈七已經11歲大,近日碧咸與Victoria都貼出哈七近照,相中可見哈七告別Baby fat,長得亭亭玉立的她打扮充滿少女感,與超模合照亦沒有被比下去,網民更大讚她有潛力成為星二代女神。

David Beckham IGPhoto from David Beckham IG

曾被網民父母過分溺愛致身型暴脹

哈七一直是家族的掌上明珠,從小到大有型爸靚媽溺愛,3位哥哥亦對她呵護備至。去年碧咸帶愛女哈七遊意大利,更在早上買雪糕給女兒吃,照片公開後引起熱議,相中哈七微胖的身形成為網民焦點,有人指碧咸過分溺愛女兒,導致她的身型逐漸「向橫發展」,擔心哈七的健康,建議她要開始控制體重。不過亦有網民表示哈七處於發育時期,有Baby fat也是正常不過,最重要是她生活得健康快樂,認為她不需刻意減重。

David Beckham IGPhoto from David Beckham IG

David Beckham IGPhoto from David Beckham IG

David Beckham IGPhoto from David Beckham IG

最新自拍照告別baby fat散發少女魅力

碧咸成立的美職聯球會國際邁阿密(Inter Miami CF)最近發布全新球衣,碧咸隨即找了細仔Cruz及孻女哈七來幫手宣傳,當中哈七對鏡自拍,拿起手機露出甜笑,可見她面型與身型都比早前瘦了不少,五官依然立體清秀,展現出可愛少女感。而Victoria最近亦於IG分享與哈七的合照,兩母女一同穿上晚裝裙,哈七穿上藍色露肩長裙,Victoria則穿上粉色吊帶長裙。這兩條晚裝裙都是Victoria設計的,相中可見哈七已長高至媽媽的眼睛位置,不少網民感嘆從小看哈七長大,現時她就快高過媽媽了,亦不少人大讚穿上晚裝的哈七盡顯脫俗氣質。

David Beckham IGPhoto from David Beckham IG

Victoria Beckham IGPhoto from Victoria Beckham IG

David Beckham IGPhoto from David Beckham IG

出席巴黎時裝騷與超模合照依然搶鏡

哈七從娘胎起就活在鎂光燈之下,由於媽媽Victoria及爸爸碧咸在時尚界都有一定地位,哈七自小跟父母出席各式各樣的時裝騷,Victoria亦經常教囡囡扮靚,哈七受媽媽薰陶,對穿搭時尚都相當講究,每次在公開場合亮相,打扮都別具特色,輕鬆駕馭不同風格。去年10月,Victoria的品牌於巴黎時裝周舉行首場fashion show,當晚哈七穿了一身黑色蕾絲Deep V晚裝,綁了孖辮,造型可愛優雅,當晚超模姊妹花Gigi Hadid與Bella Hadid更與哈七合照,兩大超模彎身貼近哈七,一臉甜笑的哈七非常可愛,更獲不少網民大讚有做模特兒的潛質。

Victoria Beckham IGPhoto from Victoria Beckham IG

David Beckham IGPhoto from David Beckham IG

David Beckham IGPhoto from David Beckham IG

David Beckham IGPhoto from David Beckham IG

Victoria Beckham IGPhoto from Victoria Beckham IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

碧咸9歲女兒哈七神還原2歲造型,被讚愈大愈有氣質!大仔布魯克林惡搞Victoria名曲放笑彈

1 Apr 2021

英國萬人迷前球星碧咸(David Beckham)女兒小哈七(Harper Seven)已經 9 歲喇,佢唔單止遺傳咗媽媽 Victoria 嘅顏值外,仲暴風長高添,9 嘅佢已經差唔多去到 Victoria 嘅膊頭,而早前佢更神還原 2 歲時包子頭造型,成功引嚟唔少網友讚佢係最美嘅氣質星二代!

萬人迷碧咸出名係女兒控,相信冇咩人唔知,自 2011 年有女兒小哈七出生後,唔止有爸爸寵小哈七外,佢仲有 3 個哥哥錫,簡直就好似公主一樣!小哈七從小就已經十分討人喜歡,白皙皮膚加上不時做出古靈精怪嘅表情,真係可愛度爆燈呀!

相信唔少粉絲都同小編一樣睇住哈七成長,碧咸成日都會帶住四個仔女一齊去睇媽媽 Victoria 嘅時裝騷,每次碧咸嘅大腿都係小哈七嘅專屬位置,而碧咸更會單手抱住小哈七周圍去添。

轉眼哈七已經 9 歲喇,能正值發育時期嘅佢喺 2020 年初時,站喺我爸爸同哥哥們身旁都只係到佢哋胸口位置,但最近佢突然增高咁唔少呀!

依家小哈七已經係一名亭亨玉立嘅小美人,五官輪廓亦變得深邃而精緻,看嚟佢盡的碧咸同 Victoria 嘅強大基因。

而早前佢就綁咁一個同兩歲多時一樣嘅小髮髻,再穿上白色吊帶連身裙,同以前相比,長大後嘅佢少咗肉肉嘅身形及稚氣,同時亦開始打扮,增添咗一份優雅嘅氣質美,十足十迷你版嘅 Victoria一樣!

另外,大仔布魯克林(Brooklyn)不嬲同 Victoria 嘅關係都好好,而最愛扮嘢嘅他最近就用換臉 app 將自己 key 咗上阿媽喺辣妹(Spice Girls)時期嘅名曲《Say You’ll Be There》 MV 上大放笑彈,依個百厭星仲驚死 Victoria 睇唔到專登 tag 埋佢添!不過佢哋咁玩得相信唔會嬲對方嘅!

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel