給十九歲的我｜張婉婷被光頭男鬧「借?妹上位」！嚇到需護送離場
電影《給十九歲的我》紀錄咗英華女學校學生成長故事，但2位學生受訪時卻表明唔同意公開上映，加上單車運動員「牛下女車神」李慧詩亦發文直斥導演未經同意將其訪問片段放入電影中，引起爭議。有網民拍到當導演之一嘅張婉婷到戲院出席分享會時被途人追罵嘅情況，場面十分混亂！
Photo from 《給十九歲的我》
《給十九歲的我》2位出演者阿聆、阿佘均表示不同意公開放映
《給十九歲的我》2022年於香港國際電影節舉行首映，更獲得第29屆香港電影評論學會大獎最佳電影獎。喺上映之前已備受期待，電影於2月2號正式上映，上映後口碑唔錯，但有份出演嘅女學生卻公開發文力斥電影未經同意就強行放映。
Photo from 《給十九歲的我》
其中一位出演學生王卓聆（阿聆）表示從拍攝開始都唔知影片會公開放映，佢雖然極力表示不同意，但校方同拍攝團隊都無視佢嘅意願堅持公開放映，甚至以2012年佢12歲時由父母簽署過嘅「通告」當為同意拍攝嘅理據。阿聆指睇完電影後需要向心理醫生求助，情緒受到困擾。
Photo from 《給十九歲的我》
Photo from 《給十九歲的我》
另一位參與拍攝嘅學生佘麗薇（阿佘）亦指佢哋未睇過最終剪接版本，但電影以過檢後已無法作任何刪改。佢坦言自己都唔中同意公開放映，但最終因「改變唔其他人，唯有改變自己」於是妥協。
Photo from 《給十九歲的我》
Photo from 《給十九歲的我》
李慧詩質疑張婉婷未經同意將訪問用於商業電影
隨後有「牛下女車神」之稱嘅香港單車運動員李慧詩亦發文稱自己唔知於2016年時接受張婉婷嘅訪問片段會被放入《給十九歲的我》電影中，質疑對方未經同意就將訪問用於商業電影公映，更直言：「這部電影，我不會看，亦不鼓勵你看。」有網民翻出張婉婷接受電台訪問時曾透露拍攝團隊扮作申請咗許可證咁進入比賽場館並肆無忌憚將攝錄機擺到賽道旁。
Photo from 李慧詩Facebook
Photo from 李慧詩Facebook
Photo from 《給十九歲的我》Facebook
宣佈暫停公映後，《給十九歲的我》午夜場爆滿
事件引起巨大爭議，導演兼旁白張婉婷就宣佈電影會於2月6日起暫停公映。喺「暫停公映」消息傳出後，唔少戲院嘅午夜場都爆滿，好多觀眾趕喺暫停公映前入場睇《給十九歲的我》呢部紀錄片，僅得少量前排位。
Photo from 《給十九歲的我》Facebook
Photo from LIHKG
Photo from LIHKG
有光頭路人爆粗鬧導演張婉婷
雖然影片暫停公映，但張婉婷仍有出席映後分享會，而於暫停公映前嘅最後一場分享會，張婉婷就被途人指罵！有網友喺IG公開片段，張婉婷於旺角出席完分享會後有一名光頭男子行近並爆粗大鬧：「X你老X！你個濕X導演，喺度借?妹上位，呃?妹錢，喺度食人血饅頭！」
Photo from 《給十九歲的我》Facebook
Photo from IG @ipkakin1022
Photo from IG @ipkakin1022
而張婉婷明顯被嚇到，即由工作人員護送離場。有網民發現光頭路人之前曾多次「搏出位」而周圍鬧人，但今次亦有唔少網民指係「唯一一次做啱」嘅事，不過亦有人認為片中光頭路人亦只係想借呢件事上位。
Photo from IG @ipkakin1022
Photo from IG @ipkakin1022
Photo from LIHKG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
