download HolidaySmart 假期日常 app
神秘女子「賣身葬父」 開價三十萬,旺角專才到港 對路人呼呼喝喝

神秘女子「賣身葬父」 開價三十萬,旺角專才到港 對路人呼呼喝喝

時事熱話 生活熱話
By Pat on 07 Feb 2023
Digital Editor

自2月6日起,香港跟大陸就正式全面通關,短短一日時間,有位神秘女子就於旺角成名,該名女子聲稱自己要「賣身葬父」,並展示一個紙牌,以簡體字寫住「賣身葬父」,吸引來不少旁人圍觀,而且還表示媽媽跟她說父親快要死了,要她拿三十萬回去,而一日內更吸引各個傳媒與及Youtuber爭先恐後採訪。

HEBEFACE@YOUTUBEPhoto from HEBEFACE@YOUTUBE

該名女子身穿碎花長裙、白色外套與及一對毛毛拖鞋,昨日於旺角先達廣場附近「擺擋」,而且身邊放有一塊用簡體字寫「認祖歸宗,家財萬貫,認鬼歸西,人去樓空,賣身葬父」嘅紙牌,並用一部平板去展示其快將死去嘅「爸爸」照片,Youtuber Hebe就特意前去到訪,當問到神秘女子嘅家鄉喺邊到時,佢就好激動地表示:「我家在哪關你什麼事啊?你有錢嗎?你沒有錢不要跟我講話!我沒有時間我很傷心你知道嗎?」

女子用簡體字寫「認祖歸宗,家財萬貫,認鬼歸西,人去樓空,賣身葬父」嘅紙牌Photo from HEBEFACE@YOUTUBE

於旺角先達廣場附近「擺擋」Photo from HEBEFACE@YOUTUBE

其後女子又不停對著鏡頭擺Pose,並於片段中更不停用英文表示:「Welcome to Hong Kong!I’m selling myself!My dad is die! Oh my god!I’m crying!」當Hebe問到佢叫咩名時,女子就無厘頭地攞出一個YSL嘅銀包:「我叫Yves Saint Laurent!」而其稱呼其實就係YSL嘅全名,令到Hebe一頭霧水。

女子稱自己叫Yves Saint LaurentPhoto from HEBEFACE@YOUTUBE

對著鏡頭擺POSEPhoto from HEBEFACE@YOUTUBE

對著鏡頭擺POSEPhoto from HEBEFACE@YOUTUBE

其後Hebe問佢識唔識講廣東話時,佢就話自己唔識,但其實hebe一直對佢講廣東話時,女子都會適當地回應佢,所以好明顯其實該名女子係識聽廣東話嘅。由影片中觀察可得,其實該名女子樣貌娟好,而且衣著又光鮮企理,實在諗唔透佢到底真傻定假癲。而根據現場商家同街坊表示,該女子早上7點已經到場,直至到晚上8點有途人聲稱要報警,佢先急急腳離開現場。

一直身穿嘅毛毛拖鞋Photo from HEBEFACE@YOUTUBE

HEBEFACE@YOUTUBEPhoto from HEBEFACE@YOUTUBE

但值得一提嘅係,其iPad中所謂「葬父」嘅照片,其實係中國內地男導演、編劇、監製、製片人徐紀周,現年46歲,而且仍然在生。

所謂「葬父」嘅照片,其實係中國內地男導演徐紀周Photo from HEBEFACE@YOUTUBE

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

女子公司活動驚喜抽中特級獎 獎品係陪太子爺食飯 網民:嫁入豪門好機會

Jan 20, 2023

踏入新一年,很多公司都會舉行聚餐及抽獎活動慶祝,現時不少公司亦講求創新,希望為同事帶來與別不同的禮物。最近有一名內地女生分享奇特的中獎經歷,她幸運地抽中特等獎,而獎品卻是「與老闆兒子共進晚餐」,令她驚嚇又無奈,苦呻:「這到底是獎勵還是懲罰?」

《愛回家 開心速遞》Photo from 《愛回家 開心速遞》

公司年會驚喜抽中特等獎

據內地媒體報道,廣西玉林一名女子近日參加公司年會,當日更舉行了抽獎活動,起初該女子看到身邊同事抽中一等獎,獎品是「一個月不用上班」,女子秒變心心眼一臉羨慕,女子心想抽中三等獎已心滿意足,最後她驚喜抽中獨一無二的特等獎,她非常興奮,表示上班多年,每年都只眼看別人中獎而自己食白果,她自覺今年終於走運了,心想同事的一等獎已經是放假一個月,自己的特等獎必然更豐富,可是她打開後一臉茫然,發現獎品竟是「與老闆兒子共進晚餐」
《愛回家 開心速遞》Photo from 《愛回家 開心速遞》

全景速遞 微博Photo from 全景速遞 微博

全景速遞 微博Photo from 全景速遞 微博

中獎無奈化身做保姆幫老闆湊B

女子把奇怪的中獎經歷分享到社交平台,不少網民直指該女子走桃花運,有機會與太子爺約會食飯,甚至進一步發展感情,隨時嫁入豪門,成為未來老闆娘。不過其後女子上載影片,公開太子爺的真面目,原來對方只是個小孩,用餐期間太子爺還吵著:「姐姐,我要吃糖」而該女子只能苦笑回應:「好,帶你去買!」得知老闆真身後,不少網民表示驚訝:「我以為老闆兒子是單身霸道總裁」、「還以為兒子多大,準備找媳婦,沒想到是找保姆」
全景速遞 微博Photo from 全景速遞 微博

全景速遞 微博Photo from 全景速遞 微博

網民叫女子先當保姆其後再發展

女子的結局令網民哭笑不得,有人笑言:「連買糖的錢也虧了」、「飯錢可claim嗎?可以的話馬上點多款貴食材」有人指老闆精打細算,找免費勞工湊B:「分明是幫老闆照顧小孩」、「肯定是老闆兩口子出去玩,不想帶兒子」有網民則認為女子可暫時擔任保姆,培養好感情後,再透過對方攀關係,打開升職大門:「先當『太子少保』,再當『太子太傅』,前景一片光明。」、「照顧好小帥哥直接躍升後母,一個月後搞定老闆兒子,你就是老闆娘了。」

《哈囉掰掰,我是鬼媽媽》Photo from 《哈囉掰掰,我是鬼媽媽》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

內地婦中頭獎 6百萬獎金全給丈夫保管 自己則如常上班 原因曝光網民感意外!

11 May 2022

不少人都幻想過中彩票,然後拿獎金爆買心頭好。但內地一名婦女就相當特別,中頭獎後直接把獎金全數轉給老公,而自己就繼續上班,彷如無中過獎一樣,當中原因都令網民感到意外。

如果你中咗彩票頭獎,又會如何運用獎金呢?Photo from 電影《一出好戲》劇照

內地婦買彩票中頭獎

綜合內媒報道,重慶市一名38歲劉姓婦人有買彩票習慣,4年來每期都會買,但每次購買金額都不高,一般維持在人民幣10元左右,並且特別偏愛買「雙色球」。

劉婦4年來都會買彩票,更係每期都會買~Photo from 微博

到今月初,劉婦出門接兒子放學時經過彩票行,頓時想起前晚選了一組號碼,還未買票嘅佢立即走進店內,花了10元人民幣買下5注「自選+電腦選號」嘅雙色球。到翌日早上,劉婦用手機時發現自己中了頭獎,驚訝嘅佢還無法相信,於是趕到了一家投注站查證,確認後才相信自己中了608萬人民幣獎金(約710萬港元)。

一天,劉婦發現中了彩票頭獎。Photo from 微博

將600萬獎金全數交畀老公保管

之後,劉女老公陪同佢去領獎,被問打算點運用呢筆獎金時,劉婦竟表示:「獎金全部存到老公的卡裡,由他管,我就不問了,等有需要再拿出來使用。」佢續稱,因為向來都係老公負責管家裡嘅錢,甚至連當年結婚嘅時候,佢都無向老公要禮金,劉婦仲話自己接下來嘅人生就係:「該上班就上班,繼續正常生活。」除了因為老公係家中嘅「財政大臣」外,劉婦心態咁淡然亦係因為佢上班不忙,所以得閒就會去投注站坐坐,佢坦言買彩票只係一種樂趣,佢唔會太在意有無中獎。

劉婦獲得高額獎金,卻表示自己會將全數金額交畀老公,自己則淡淡然繼續上班。Photo from 微博

不少網民知道劉婦經歷後,都大讚佢好信任老公,感歎「呢種老婆邊度搵」,但亦有人覺得佢太忠直。不過,如何處理獎金都係別人家庭嘅事,最緊要佢哋自在就得。

如果你中獎,會將獎金全交給伴侶保管嗎?Photo from 《魷魚遊戲》劇照

4年前曾與頭獎擦身而過?

其實,劉婦表示4年前佢曾選了一組號碼,惟最終被要事耽擱而無買彩票,意想不到嘅係,該組號碼最後真係中咗頭獎,劉婦因此「損失」了520萬人民幣獎金(約600萬港元)。所以,劉婦自此都會更記得在選號碼後買彩票。佢又稱,自己買彩票大多都用機選(電腦選碼),只會偶爾都會睇下走勢圖自選號碼。原來數年前已經差啲中獎,睇嚟劉婦贏獎金都係命中註定嘅事。

劉婦稱自己將買彩票當成興趣,並不會太介懷有否中獎。Photo from 《魷魚遊戲》劇照

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel