download HolidaySmart 假期日常 app
奇異女俠玩救宇宙|楊紫瓊成奧斯卡影后,成龍指導演本身搵佢拍先!

奇異女俠玩救宇宙|楊紫瓊成奧斯卡影后,成龍指導演本身搵佢拍先!

美食推介
By Jennifer on 13 Mar 2023
Digital Editor

楊紫瓊憑電影《奇異女俠玩救宇宙》成為首位亞裔奧斯卡影后。佢近日受訪就透露自己奪得金球獎後獲成龍send短訊祝賀,短訊中成龍提到本來導演係搵佢出演先,楊紫瓊更直言成龍走寶,掀起熱議。

楊紫瓊憑電影《奇異女俠玩救宇宙》奪得金球獎Photo from NBC

楊紫瓊進軍咗荷李活好長時間,近年佢產量好高,除咗有Marvel電影《尚氣與十環幫傳奇》、《我的超豪男友》等,票房成績十分亮眼,2022年佢擔正嘅《奇異女俠玩救宇宙》收穫極佳口碑,楊紫瓊更憑呢套戲勇奪奧斯卡最佳女主角!亦係金球獎音樂喜劇類最佳女主角。

2022年楊紫瓊擔正嘅《奇異女俠玩救宇宙》更收穫極佳口碑Photo from 《奇異女俠玩救宇宙》

楊紫瓊更憑呢套戲勇奪奧斯卡最佳女主角!Photo from ViuTV

《奇異女俠玩救宇宙》大獲好評,楊紫瓊連奪金球獎、奧斯卡影后。日前佢上節目做嘉賓,就證實導演親自到內地同成龍見面,邀請佢出演電影主角,不過最後成龍並未接拍電影。

《奇異女俠玩救宇宙》大獲好評,楊紫瓊更成為今屆奧斯卡金像獎「最佳女主角」嘅有力得獎人選。Photo from 《奇異女俠玩救宇宙》

最近楊紫瓊上節目做嘉賓,就證實導演親自到內地同成龍見面,邀請佢出演電影主角,不過最後成龍並未接拍電影。Photo from The Graham Norton Show

有指之後導演及編劇將劇本改成由楊紫瓊擔任主角,並搵嚟關繼威出演楊紫瓊嘅老公,亦即係最初設定中成龍飾演嘅角色。上映後電影大獲成功,更喺唔同嘅頒獎禮上奪得多項獎項,尤其係女主角楊紫瓊仲攞埋金球獎影后,又成為首位亞洲演員奪得奧斯卡最佳女主角。

有指之後導演及編劇將劇本改成由楊紫瓊擔任主角,並搵嚟關繼威出演楊紫瓊嘅老公Photo from 《奇異女俠玩救宇宙》

上映後電影大獲成功,更喺唔同嘅頒獎禮上奪得多項獎項Photo from 《奇異女俠玩救宇宙》

女主角楊紫瓊仲攞埋金球獎影后,又成為首位亞洲演員奪得奧斯卡最佳女主角。Photo from ViuTV

於節目中楊紫瓊就表示佢奪得金球獎影后收到成龍嘅短訊,祝賀佢攞獎,不過就指:「Congratulations for your movie, but did you know your boys came to see me first!」表示導演其實係搵咗自己先。而一向同成龍份屬好友嘅楊紫瓊亦回覆佢指係佢嘅損失:「Your loss!Bro!」

於節目中楊紫瓊就表示佢奪得金球獎影后收到成龍嘅短訊Photo from The Graham Norton Show

成龍:「did you know your boys came to see me first!」嘉賓都露出驚訝表情但楊紫瓊表示:「It's okay! We are good friend.」Photo from The Graham Norton Show

成龍雖然早已進軍荷李活,但之後佢卻未有喺荷李活繼續發展,佢於內地綜藝節目中表示以往因為英文發音而經常NG,加上拍戲時劇組關心佢嘅發音多過佢嘅動作表現,於是成龍決定:「我說我不能這樣下去,所以我放棄了美國市場。」

成龍於內地綜藝節目中表示劇組關心佢嘅發音多過佢嘅動作表現,於是放棄美國市場Photo from 《無限超越班》

楊紫瓊表示佢同成龍係好朋友,不過多年前佢曾指成龍大男子主義,認為女性應該要留喺屋企煮飯。有網友就指原劇本要成龍做慈父同佢真實形象不符,稱如果當初成龍接指電影應該無依家咁成功。

楊紫瓊表示佢同成龍係好朋友

有網友就指原劇本要成龍做慈父同佢真實形象不符Photo from LIHKG

網民稱如果當初成龍接指電影應該無依家咁成功。Photo from Oscars

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

成龍透露放棄美國市場原因!稱做演員人品好重要,遇薛凱琪勁尷尬

21 Dec 2022

現年68歲嘅成龍最近出演內地真人騷《無限超越班》,佢向一眾內地演員傳授從影多年嘅經驗。曾奪得奧斯卡終身成就獎嘅佢於節目中自爆放棄美國市場嘅原因,又對出演節目嘅演員稱做呢一行,品行係非常重要。

現年68歲嘅成龍最近出演內地真人騷《無限超越班》Photo from 《無限超越班》

成龍擔任《無限超越班》召集人,拒絕與李小龍比較

內地浙江衞視、優酷平台、TVB三方聯手製作綜藝節目《無限超越班》邀請咗好多香港演員做嘉賓,有惠英紅、爾冬陞、吳鎮宇等,仲有「國際巨星」成龍擔任「召集人」,嘉賓陣容星光熠熠。

《無限超越班》邀請咗好多香港演員做嘉賓,有惠英紅、爾冬陞、吳鎮宇等,仲有「國際巨星」成龍擔任「召集人」Photo from 《無限超越班》

第一集成龍就登場同一班內地演員見面,佢表示自己熱愛香港文化、香港電影。成龍亦提到有好多人拎佢同李小龍比較:「是李小龍的第二」,成龍表示自己無可能同李小龍比較,亦不可能成為第二個李小龍:「他(李小龍)是無可替代的。」、「我們不要做第一,我們要做唯一。」

第一集成龍就登場同一班內地演員見面,佢表示自己熱愛香港文化、香港電影。Photo from 《無限超越班》

成龍亦提到有好多人拎佢同李小龍比較:「是李小龍的第二」,成龍表示自己無可能同李小龍比較Photo from 《無限超越班》

成龍:「我們不要做第一,我們要做唯一。」Photo from 《無限超越班》

見房祖名「舊愛」薛凱琪,成龍表現尷尬

之後成龍落台同一班演員握手,當佢見到薛凱琪時窒咗一窒,笑言:「這個....好像不太熟!」然後同薛凱琪擁抱。兩人表現略為尷尬,全因薛凱琪同成龍兒子房祖名曾傳出緋聞,佢哋於2005年合作《早熟》,之後常以好友姿態結伴出現,不過有指薛凱琪不滿房祖名愛蒲,於是提出分手結束4年情。

之後成龍落台同一班演員握手,當佢見到薛凱琪時窒咗一窒,笑言:「這個....好像不太熟!」Photo from 《無限超越班》

兩人表現略為尷尬Photo from 《無限超越班》

語重心長教內地演員人品好重要

之後成龍更當眾示範拳擊動作,佢指做動作演員任何武術都要學,佢表示以前自己練500拳,打4組,每日打2,000拳係基本。被問到最唔想同咩類型嘅演員合作,成龍直言:「看人品。」佢表示電影圈好多風聲傳得好快:「記住!做一個演員,做甚麼事,先做人後做事。」

成龍更當眾示範拳擊動作Photo from 《無限超越班》

被問到最唔想同咩類型嘅演員合作,成龍直言:「看人品。」Photo from 《無限超越班》

成龍表示電影圈好多風聲傳得好快Photo from 《無限超越班》

成龍:「記住!做一個演員,做甚麼事,先做人後做事。」Photo from 《無限超越班》

因為英文差,成龍放棄美國市場

成龍分享佢進軍荷李活時深知自己英文唔好,非常擔心。佢表示當時背一句台詞要背一個月,拍戲時又因為發音而經常NG,而且令人關注佢發音多過佢嘅動作表現:「沒有人注重我打得多好,他說你今天發音標準好。」成龍指:「我說我不能這樣下去,所以我放棄了美國市場。」

成龍分享佢進軍荷李活時深知自己英文唔好,非常擔心。Photo from 《無限超越班》

佢表示當時背一句台詞要背一個月Photo from 《無限超越班》

拍戲時又因為發音而經常NGPhoto from 《無限超越班》

成龍:「沒有人注重我打得多好,他說你今天發音標準好。」Photo from 《無限超越班》

成龍指:「我說我不能這樣下去,所以我放棄了美國市場。」Photo from 《無限超越班》

成龍曾表示荷李活並唔係佢嘅天下,返到香港更自在。不過佢嘅電影的確嗎美國創下好高嘅票房紀錄,成龍更於2016年奪得第89屆奧斯卡終身成就獎。

成龍於2016年奪得第89屆奧斯卡終身成就獎。Photo from 《無限超越班》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel