download HolidaySmart 假期日常 app
泰國4間人氣猛男餐廳!大量高顏值/爆肌型男,可以指定合照!

泰國4間人氣猛男餐廳!大量高顏值/爆肌型男,可以指定合照!

旅遊攻略
By Wing Ws on 15 Feb 2023
Digital Content Writer

泰國旅行,除咗睇人妖表演、參觀寺廟,近年泰國都興起唔少以肌肉型男為噱頭嘅餐廳、酒店,吸引遊客慕名而來。以下整理咗4間肌肉型男嘅餐廳,咁大家去泰國嘅時候可以放入行程喇~

近年泰國都興起唔少以肌肉型男為噱頭嘅餐廳、酒店。Photo from Instagram @76garage_bkk

人氣男模餐廳 76Garage

「76Garage」係泰國嘅人氣餐廳,店內有唔少高顏值男模侍應,每位侍應都有唔同風格,無論係可愛定陽光帥氣都有!大家可以同佢哋單獨合照。餐廳逢禮拜五、六夜晚8點會有表演,店內嘅男侍應會上台跳舞,有可愛、性感風格嘅歌曲;另外,每晚11點都會有脫衣舞泳池party,一班侍應會落泳池,畀大家大飽眼福。如果大家想喺餐廳慶祝生日,叫一份果盤仲可以同一眾猛男影返張相!

76Garage有唔少高顏值男模侍應。Photo from Instagram @76garage_bkk

餐廳逢禮拜五、六夜晚8點會有侍應表演。Photo from 76 Garage FB

每晚11點都會有脫衣舞泳池party。Photo from 76 Garage FB

可以同侍應合照。Photo from 76 Garage FB

一班侍應會抱起客人,大派福利。Photo from 小紅書

餐廳會推出返校、情人節、新年等主題。Photo from 76 Garage FB

事實上,「76Garage」餐廳喺疫情期間推出咗個「猛男外賣」服務,只需嗌滿300泰銖(約69港元)就可以享受肌肉猛男外賣送餐服務,仲可以指定鍾意嘅猛男送餐及合照,非常受泰國民眾歡迎。

「76Garage」餐廳曾喺疫情期間推出「猛男外賣」服務。Photo from 76 Garage FB

猛男海鮮餐廳 Staneemeehoi

呢間喺華馬夜市嘅海鮮餐廳,吸引咗唔少遊客慕名前來,一班侍應會着女性裝扮喺食客面前熱舞,亦可以同佢哋影相。店內嘅侍應會定期更換唔同主題﹐換上比堅尼、性感睡衣等,非常吸睛!

華馬夜市嘅海鮮餐廳都有大量猛男!Photo from สถานีมีหอย ตลาดหัวมุม เกษตร-นวมินทร์ FB

一班侍應會着女性裝扮。Photo from สถานีมีหอย ตลาดหัวมุม เกษตร-นวมินทร์ FB

侍應會喺食客面前熱舞。Photo from สถานีมีหอย ตลาดหัวมุม เกษตร-นวมินทร์ FB

肌肉男榴槤攤 Bsamfruit

疫情期間,泰國有唔少健身室倒閉,清邁一間水果店搵咗一班健身教練賣榴槤,老闆將身材健美嘅店員放上社交網站嘅時候,吸引咗唔少人落單,店家仲推出咗外賣服務,鍾意食榴槤嘅朋友,不妨光臨門市買返個!

清邁一間水果店搵咗一班健身教練賣榴槤。Photo from ทุเรียนนักกล้ามเชียงใหม่ FB

老闆將身材健美嘅店員放上社交網站嘅時候,吸引咗唔少人落單。

猛男酒店 PJ Loft Hotel Lopburi

位於華富里府嘅「PJ Loft Hotel Lopburi」係由海鮮餐廳「Staneemeehoi」嘅老闆所開,宣傳照以爆肌猛男作生招牌,入住酒店嘅時候,會有猛男為你拎行李及清潔房間!每晚房價由499泰銖(約115港元)起,相當便宜。

PJ Loft Hotel Lopburi宣傳照以爆肌猛男作生招牌。Photo from PJ Loft Hotel Lopburi พี.เจ ลอฟต์ โฮเทล ลพบุรี FB

入住酒店嘅時候,會有猛男為你拎行李及清潔房間!Photo from PJ Loft Hotel Lopburi พี.เจ ลอฟต์ โฮเทล ลพบุรี FB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

【泰國旅遊】芭堤雅超夢幻糖果主題樂園!現實版Candy Crush世界!打卡巨型雪糕山/糖果樹!

10 Nov 2022

大家是否幻想過進入童話故事的糖果世界?泰國芭堤雅就有一個大型夢幻糖果樂園,被各種甜點包圍著不再係想像!打卡之餘仲可以嘆埋雪糕,甜點控必去~

位於芭堤雅市中心的「Great & Grand Swiss Destination」,打造了一個超巨型糖果主題樂園!Photo from FB@greatandgrandsweetdestination

位於芭堤雅市中心一間名為「Great & Grand Swiss Destination」的Cafe,以甜點為主題,於2020年尾開幕後,立即成為人氣超火爆的打卡熱點!店外設置了一個超巨型的糖果主題遊樂區,猶如現實版的Candy Crush世界,讓客人品嚐美食之餘,仲可以盡情影靚相打卡~

園內設置各種巨型甜點裝置,少女心爆發!Photo from FB@greatandgrandsweetdestination

區內的所有建築物和擺設都係以各式各樣的甜點打造,包括雪糕山、糖果屋、糖果樹、薑餅人、冬甩和波板糖等,放眼都係粉嫩色彩超夢幻,感覺誤闖入《朱古力獎門人》的世界一樣,少女心大爆發!

放眼望去,全部都係粉嫩色彩,超夢幻~Photo from FB@greatandgrandsweetdestination

巨大化的雪糕山周圍擺滿了糖果、波板糖和蛋糕等,真係好似進入咗Candy Crush的世界!

現實版Candy Crush的世界!Photo from FB@greatandgrandsweetdestination

外形趣怪的巨型糖果樹,仲有長長的滑梯可以玩啊~

超搶眼的巨型糖果樹!Photo from FB@greatandgrandsweetdestination

由不同口味雪糕組成的觀景台,沿著側邊的樓梯行上去,就會身處在園內的中心位置,可以睇晒整個景觀!

用雪糕組成的觀景台!Photo from FB@greatandgrandsweetdestination

梯級以朱古力餅乾打造~Photo from FB@greatandgrandsweetdestination

據悉糖果樂園其實係芭堤雅綿羊牧場(Pattaya Sheep Farm)的新園區,牧場老闆希望能透過這些童趣夢幻的佈置,帶給大家正能量。這裡猶如一個夢幻的甜蜜王國,可以盡情穿梭在各種巨型甜點之間,每個角落都超IGable,啱晒打卡影靚相!

樂園屬於寵物友善,可以帶埋狗狗貓貓一起來打卡!Photo from FB@greatandgrandsweetdestination

童話故事中的薑餅人糖果屋,充滿少女心!

下個月就係聖誕節,薑餅人屋超應節!Photo from FB@greatandgrandsweetdestination

用不同顏色的蛋糕仔疊成一層層的梯級!

蛋糕仔梯級同樣打卡一流~Photo from FB@greatandgrandsweetdestination

每一個區域都設置了不同的甜點裝置,甜點控切勿錯過每一個打卡位~

色彩繽紛的樂園適合各個年齡層的朋友~Photo from FB@greatandgrandsweetdestination

天氣好的時候,在藍天白雲的襯托下,影相勁好睇!

在藍天白雲下影相超靚啊~Photo from FB@greatandgrandsweetdestination

除了打卡各種巨型甜點,記得不要錯過旁邊設置品嚐美味雪糕和飲品的Cafe!兩間Cafe分別主打粉嫩的黃色和粉紅色調,再加上透明窗戶,整個環境非常明亮,又係不能錯過的打卡位~其中,推薦必食雪糕,擁有超過48種雪糕口味可選,絕對有一款啱你食,一球雪糕77泰銖起~另外,Milk Bar區域提供各式各樣的飲品和蛋糕!

黃色主題的雪糕Cafe!Photo from FB@greatandgrandsweetdestination

雪糕有超過48種口味可選!Photo from FB@greatandgrandsweetdestination

可以拿著雪糕在樂園內打卡!Photo from FB@greatandgrandsweetdestination

粉紅主題的Cafe主要售賣飲品和蛋糕!Photo from FB@greatandgrandsweetdestination

飲品的配搭色調和Cafe的風格非常契合~Photo from FB@greatandgrandsweetdestination

Great&Grand Sweet Destination Cafe
門票:成人 平日 99泰銖/週末及假日120泰銖|兒童 101cm~135cm66泰銖/100cm以下免費
營業時間:星期一至五 8.30am~6pm|星期六至日 8.30am~7pm
地址:73,12 Moo 3 Nonghuarad 6 Pattaya City,Bang Lamung District,Chon Buri 20150,Thailand

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel