曾華倩情人節晒梁朝偉憶初戀！網民反感指唔尊重劉嘉玲，曾華倩回應
影帝梁朝偉一向係眾多女生心目中嘅男神，佢同曾華倩曾有過一段情，情人節當日曾華倩更晒出合照，指見到「初戀情人」梁朝偉依家有咁嘅成就好戥對方開心，但就被批唔尊重梁朝偉老婆劉嘉玲，曾華倩之後嘅回應再掀熱議。
Photo from 梁朝偉IG
梁朝偉曾與曾華倩拍拖6年
梁朝偉嘅魅力除咗迷倒好多觀眾外，更連同過佢合作嘅女演員都大讚！梁朝偉同劉嘉玲結婚15年依然恩愛如初，兩人更不時一齊去旅行、挑戰各種運動，合照放閃！梁朝偉同劉嘉玲相戀前曾經與曾華倩拍拖6年。
Photo from 劉嘉玲微博
梁朝偉同曾華倩因為主持《430穿梭機》而撻著，但拍拖6年期間曾經3度分手，直到1988年兩人終於徹底分開，之後梁朝偉同劉嘉玲1989年公開戀愛，曾華倩正式成為前女友。
Photo from 曾華倩微博
Photo from TVB
曾華倩情人節晒「初戀情人」梁朝偉被網民狠批
喺過去嘅情人節，曾華倩就喺小紅書晒出與梁朝偉嘅舊照，仲留言：「今天，特別的日子，就給大家看看我的初戀情人！」又表示見到對方有依家嘅成就，好替佢高興。呢張合照隨即掀起網民熱議。
Photo from 曾華倩小紅書
Photo from TVB
Photo from 劉嘉玲微博
有人認為梁朝偉已婚多年，喺情人節呢個節日公開晒初戀情人唔係幾好，亦唔尊重人哋嘅現任妻子劉嘉玲：「太沒分寸了！」甚至有人質疑帳號並非曾華倩本人：「真勇，是本人嗎？」亦有網友表示人哋只係懷緬青春晒下初戀都唔算過分，但就被人反駁：「要是你老公的前女友在情人節分享他們的合照，你真的不會不爽？」
Photo from 劉嘉玲IG
曾華倩疑回應指網友諗太多
其實曾華倩以前都不時會喺微博晒下合照，兩人分手仍是朋友。不過眼見網民討論得越嚟越熱烈，曾華倩再發文：「一件簡單單純的事情，有些人想多了一點點了。」再有網友批評：「不是別人想多了，是不合適」
Photo from 曾華倩小紅書
Photo from 曾華倩小紅書
劉嘉玲曾表示唔介意
曾華倩同劉嘉玲本來係閨蜜，當時曾華倩同梁朝偉一齊嗰陣更令劉嘉玲留下一個壞印象！劉嘉玲上黎芷珊嘅《最佳女主角》時就提到曾華情講過「我們的梁朝偉」，而劉嘉玲就表示唔介意，因為佢覺得梁朝偉係屬於大家，喺梁朝偉首奪影帝時劉嘉玲為佢舉辦party，仲親自邀請曾華倩到場為偉仔慶祝。
Photo from 曾華倩微博
Photo from 《最佳女主角》
Photo from 《最佳女主角》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
梁朝偉過去3段深刻情史一覽！ 與曾華倩拍拖6年/曾深陷三角戀？！
8 Sep 2021
梁朝偉（Tony）最近憑住MARVEL電影《尚氣與十環幫傳奇》，人氣再度急升，世界各地唔少粉絲都大讚佢有型！而佢過去嘅感情史亦成為咗焦點，其實佢喺結婚前就曾經有過幾段轟轟烈烈嘅愛情故事，當中曾華倩、張曼玉等都係佢嘅緋聞對象。
Photo from 梁朝偉微博
#拍攝MARVEL電影 人氣再度飆升！
影帝梁朝偉（Tony）近日因為參與MARVEL電影《尚氣與十環幫傳奇》而再度人氣急升，憑住飾演「文武」一角成功俾網民大讚演技同顏值都兼備，獲世界各地嘅網民封為「男神」！
Photo from 《尚氣與十環幫傳奇》海報
Photo from 《尚氣與十環幫傳奇》預告
#曾與曾華倩拍拖6年！
魅力沒法擋嘅梁朝偉婚前亦有過深刻嘅感情經歷，過去亦曾經迷倒唔少合作過嘅女演員。佢喺1982年嘅時候加入TVB，參與過唔少戲劇嘅演出。其中佢同曾華倩嘅戀情就係因為拍攝《430穿梭機》而撻著！
Photo from 曾華倩微博
Photo from 梁朝偉微博
據悉兩人拍拖6年，不過由於兩人性格截然不同，所以經常吵架。有傳，兩人交往嘅6年間，曾經3度分手，直到喺1989年嘅時候決定徹底分手，永不複合。不過兩人分手後依然保持良好關係，曾華倩就曾經喺微博上載同梁朝偉以前嘅合照，緬懷過去～
Photo from 曾華倩微博
#傳曾對張曼玉有好感
之後，梁朝偉就喺拍攝《新紮師兄》被傳同張曼玉互相對大家有好感，但一直都未有一齊。其後，梁朝偉就當時亦有份拍攝《新紮師兄》嘅劉嘉玲一齊。不過3人嘅關係曾一度變得撲朔迷離，喺2000年拍攝《花樣年華》時梁朝偉同張曼玉就疑似擦出愛火！
Photo from 《新紮師兄》
Photo from 《花樣年華》
Photo from 《花樣年華》
#《花樣年華》令兩人再續情緣？！
其實張曼玉於1998年嘅時候就已經同法國導演Olivier Assayas結婚，根據當時媒體報導，張曼玉婚後同老公關係並唔好，仲曾經被對方傷害過，因此拍攝《花樣年華》嘅時候，經常都會同梁朝偉傾訴，兩人亦因而日久生情！當時唔少人就猜測梁朝偉同劉嘉玲嘅戀情可能已經不如以前！
Photo from 《花樣年華》
#傳劉嘉玲張曼玉因此不和？
隨後，張曼玉亦同法國導演離婚，不過佢同梁朝偉嘅戀情亦隨住電影拍攝完畢而不了了之。2000年5月，佢哋3人就首度於康城電影節同場，仲要一齊行紅地毯。有傳，劉嘉玲同張曼玉自此就「有你無我」，冇再同場過！
Photo from 微博
#事隔13年世紀破冰！
然而，劉嘉玲同張曼玉於2013年冰釋前嫌咁一齊出席台灣金馬獎頒獎典禮，雖然兩人並冇公開碰面，不過佢哋就乘搭同一班機返港，兩人仲一齊合照，被網民稱為「世紀大合照」！
Photo from 劉嘉玲微博
#同劉嘉玲1989年戀愛至今！
而梁朝偉最深刻嘅就一定係同老婆劉嘉玲嘅戀情喇！佢哋因為舞台劇《花心大丈夫》而相戀，並於1989年公開戀愛！雖然兩人交往期間，都有過唔少緋聞，不過兩人嘅感情非常穩定，並冇因為呢啲傳聞而受到動搖。
Photo from 劉嘉玲微博
#曾公開表示「劉嘉玲係最了解我嘅人」！
梁朝偉曾經講過自己拍攝電影嘅時候，好容易因為陷入角色遲遲都未能走出嚟，不過劉嘉玲每次都默默喺佢身邊陪伴佢，令佢十分安心。即使後來台灣富商郭台銘極力追求劉嘉玲嘅消息傳得沸沸揚揚，梁朝偉都表示十分信任對方！
Photo from 劉嘉玲微博
#兩人2008年結婚！
直到2008年，梁朝偉同劉嘉玲於不丹結婚，有情人終成眷屬！婚後兩人繼續愛得低調，不過劉嘉玲經常都會喺微博轉載有關老公嘅消息以示支持，而最近就罕有地上載咗一張「老婆視角」嘅相片祝賀梁朝偉生日，兩人嘅感情依然十分好～
Photo from 劉嘉玲微博
Text: HolidaySmart Editorial
相關文章：
相關文章：
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
