download HolidaySmart 假期日常 app
阿媽重返校園半工讀GPA爆4 大專女成績差自愧不如 網民:真係親生嘅?

阿媽重返校園半工讀GPA爆4 大專女成績差自愧不如 網民:真係親生嘅?

生活熱話
By jack on 21 Feb 2023
Digital Content Writer

不少人出社會工作後,都會回想讀書時期的美好日子,同時想自我增值,所以很多人都會選擇重返校園半工讀進修。最近一名大專女生表示媽媽在這兩、三年間重新讀書,平日要兼顧工作及學業,但她的成績依然很好,GPA更爆4,大專女看到自己成績比媽媽差,自愧不如,發文向網友訴苦,貼文公開後引起網友熱論。

《阿媽有咗第二個》Photo from 《阿媽有咗第二個》

媽媽半工讀成績超好GPA爆4

事源近日一名就讀大專1年級的女生在Dcard討論區發文,她表示媽媽沒有讀過大學,但兩、三年前心血來潮想讀書增值自己,於是選擇了一個與現時工作有關的學科進修。事主透露媽媽一邊上班,一邊修讀兼職副學士課程,她直言平日很少看到媽媽溫書,直至近日她問及媽媽的學業,發現媽媽成績優異,她指媽媽很早就會把功課做完,而且幾乎每份功課都有A或B+的成績,GPA更是爆4,現時正考慮透過Non-JUPAS報讀大學。

《偶然與想像》Photo from 《偶然與想像》

事主讀全日制課程成績差過媽媽感羞愧

事主自言是個全日制大專學生,但自己成績遠比媽媽差,她表示第一個學期GPA還不到3,反觀媽媽每日上班,更不時要OT,仍可兼顧學業,她為此感到羞愧。她指出媽媽年少時家境貧困,沒有金錢升讀大學,所以媽媽中學畢業便去工作幫補生計,不過事主大讚媽媽理解能力、記性及表達能力都很好,所以她十分支持媽媽重返校園這個決定,亦非常開心看到媽媽取得優良成績可升讀大學。事主又指自己雖喜愛讀書,但天資不及媽媽,坦言上學期已盡力學習,惟最終只有少數有把握的科目取得A,擔心自己未能升上大學。

《等一個人咖啡》Photo from 《等一個人咖啡》

網民勸事主不要跟媽媽比較

有網民叫事主請教媽媽讀書心得,亦有不少人大讚事主媽媽有學習天份,亦有人笑言:「你有冇問佢你係咪親生嘅,基因好似差咁多咁」、「媽咪心諗:唔係生左你件叉燒、我博士都讀完」同時有人分析事主媽媽成績優異的原因,指出媽媽修讀與自己工作有關的學科,已具備相關知識,又有人指出「出完社會係自己想翻去讀 VS 跟遊戲規則一路讀」的心態截然不同,表示媽媽踏足過社會,待人處事較成熟,會有自己一套學習方法及懂得處理問題。有網民則建議事主不要跟媽媽比較,盡力做好自己,無愧於心就足夠。

《現正分手中》Photo from 《現正分手中》Dcard 留言Photo from Dcard 留言

Dcard 留言Photo from Dcard 留言

Dcard 留言Photo from Dcard 留言

Dcard 留言Photo from Dcard 留言

Text: HolidaySmart Editorial(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

單親媽獨力撫養孩子,從事地盤工長達10年!失業港男跟隨母親到工地工作,卻不禁落下男兒淚?

9 Jun 2022

父母含辛茹苦養大子女並唔容易,花大量時間工作都只係為咗俾子女有安穩嘅生活!最近,出身自單親家庭嘅港男討論區發長文剖白,表示自己因為失業所以決定跟隨已經從事地盤10年嘅媽媽開工,但第一日返工就已經體力耗盡,食飯期間仲不忍落下男兒淚,深深體會到媽媽多年來嘅工作辛酸。

港男跟隨媽媽到地盤工作,第一日就忍唔住做到喊?!Photo from 《做工的人》劇照

單親媽媽獨力撫養兒子

相信大家小時候都可能會埋怨工作中嘅父母甚少花時間陪伴自己?!近日,一位港男喺討論區分享指父母喺年幼時離異,跟隨母親生活。由於母親學歷並唔高,所以一直以來都係做保安等藍領工作,經常都早出晚歸。

港男表示自己來自單親家庭,媽媽獨自撫養佢長大Photo from 連登討論區

媽媽從事地盤工作長達10年!

喺機緣巧合之下,母親經朋友介紹搵到一份地盤工作,一下就做咗10年!雖然地盤工作人工比較高,而且工作時間亦冇以前咁長,但就成日聽到媽媽抱怨「呢度痛果到痛」,然而港男都不以為意。

媽媽經朋友介紹下到地盤工作,一做就10年!Photo from 《做工的人》劇照

疫情下失業成為「廢青」

另一邊廂,港男畢業後都有出來工作過「一直打份hea工,返工就上連登果種」;可惜受疫情影響,佢亦因此而失業導致變成「廢青」,直到近日佢下定決心跟隨母親到地盤工作!

港男畢業後都曾經出來打工,但就自稱係比較hea嘅工作。Photo from 《未生》劇照

發現地盤工作比想象中辛苦!

港男表示第一日開工前就見到媽媽為佢預備飯盒,但佢詢問「點解唔夜晚果餐煮多啲」,媽媽就回答「隔夜唔好食 想比我食好啲」。抵達工地現場後,佢表示未開始工作已經汗流浹背。正式開工時,港男大呻更加辛苦「我自問做gym 2年都頂唔順」,當日佢需要將3包40KG嘅英泥搬上手推車,然而重量比佢想象中重!喺佢想調整姿勢時,佢仲唔小心搞到成架車反咗,最後需要媽媽幫忙。

港男表示自己平常有健身習慣,但都要一次過搬運120KG嘅英泥都十分吃力!Photo from 《激戰》劇照

港男最終不忍落下男兒淚!

等到中午12點放飯時間,港男突然諗起過往自己曾睇唔起「地盤佬」,不過現時佢就同其他地盤工人一齊蹲坐喺地上食飯。突然身旁嘅媽媽關心詢問佢「夠唔夠食啊?」,而佢就忍唔住落下男兒淚,低頭望著飯盒「夠啊!你食啦...」,深深體會到媽媽呢10年來喺地盤嘅工作並唔容易!

食飯嘅時候,港男不禁諗起往事落下男兒淚!Photo from 《激戰》劇照

大部分網民大讚港男媽媽偉大!

唔少網民睇完港男嘅post後都深受感動,直言「係真就快啲發奮圖強,俾好日子媽媽過!」、「睇到眼濕濕」等,大讚港男嘅媽媽十分偉大,絕對係一位好媽媽!部份網民仲窩心勸告港男搬運重物時,一定要注意姿勢,否則好大機會受傷導致後患無窮。

網民深受感動,認為港男媽媽真係非常偉大!Photo from 連登討論區

網民都鼓勵港男努力工作,等媽媽可以享受下生活!Photo from 《藍色海洋的傳說》

部份網民分享於地盤工作辛酸經歷!

部份網民就講述自己過往喺地盤工作嘅經驗,指於工地工作比想像中辛苦「試過搬到腳都軟埋,跌咗落地當下真係好想喊」等,亦有網民表示一向都非常敬佩需要體力勞動嘅工作!

部份網民分享曾經喺地盤工作嘅經驗Photo from 連登討論區

網民都表示敬佩身體勞動嘅工作!Photo from 《做工的人》劇照

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

移英男教師轉行做地盤 歎不夠強壯曾想放棄 全靠信念和老婆撐下去

8 Jun , 2022

近年,不少港人都選擇移民英國,但到埗後難免要面對就業問題。一名移英港男原本任職老師,到英國後轉行做地盤,雖然曾想放棄,但在家人支持下,佢都保持正面心態撐下去。

近年不少港人移民英國,男教師阿聰就係其一,佢最近接受YouTuber訪問,分享轉行做地盤嘅各種變化。Photo from 有線新聞

男教師移民英國做地盤

不少在英港人都設立YouTube頻道,分享在當地生活嘅實用貼士,和所見所聞。早前,移英老師阿聰接受頻道「UK Mumma Cheng」訪問,分享佢由以往從事文職,到今天做勞力工作嘅轉變。

阿聰以往在港任職教師。Photo from YouTube @UK Mumma Cheng

每日返工有老婆煮愛心午餐

影片開頭,就見到穿著地盤裝嘅阿聰剛回家。其實,當日訪問是在阿聰午休放飯時進行。佢表示,其工作地方離屋企好近,只需5分鐘步程,所以每日都能夠回家午膳。由於英國午餐通常都是冷冰冰嘅三文治,所以阿聰太太每天都特意煮好暖笠笠食物,讓老公暖胃又暖心,工作都更有力量。

影片一開始,便直擊阿聰剛從工作地方回家準備食午飯。Photo from YouTube @UK Mumma Cheng

英文漸漸進步

阿聰一邊食麵,一邊與身旁嘅太太接受訪問。太太提及,初到英國時未能順利與鄰居聊天,只能在旁邊陪笑。但鄰居們都很體諒,會主動放慢語速和找新話題,讓佢參與對話。而阿聰都指,現時都開始跟同事「吹到水」,所以英文進步不少。

太太一同受訪。Photo from YouTube @UK Mumma Cheng

體力不及外國同事,曾想放棄

阿聰表示,西方人體質確實比亞洲人強,佢嘅黑人同事更有六嚿腹肌,太太還笑言外國人個個猶如美國隊長。雖然阿聰講笑話自己只有腩肉,但做地盤一段時間後,佢身材都健碩不少、手瓜起腱。不過,受訪前數天,阿聰曾有辭職念頭,因為自己體力不及外國人,例如佢哋一次能搬10道門,自己只能搬1至3道。於是,佢開始思考:「會不會成為負累?」、「工作上係咪幫唔到手?」

阿聰曾認為自己勝任不了地盤工。Photo from YouTube @UK Mumma Cheng

阿聰讚英國職場3大好處

有時,阿聰會累到連揸筆都無力。但外國同事都好友善,會叫佢休息,回復體力後才繼續工作。而且,當地人很注重職業健康與安全意識,工人入行前都要上有關課程。除此,佢工作地方亦有Happy Friday文化,雖不會提早放工,但可以放慢步伐,較休閒地工作,與同事有更多聊天時間。

阿聰指,其工作地方在星期五會較為輕鬆。Photo from 有線新聞

英國公司鼓勵員工進修

除了以上2點好處,英國公司亦會讓員工進修,佢有同事任職1年便獲得進修機會,之後再累積工作經驗,現時已成為師傅級別。另外,英國脫歐後都對木工、電工和水工有更高需求,所以薪金不俗。

英國脫歐對特定工種有更高需求,所以不少港人都考慮從事那些工作。Photo from 有線新聞

憑信念與家人支持撐下去

對於由文職轉為藍領嘅巨大轉變,阿聰坦言「一早預咗」,雖然佢移英前從未踏足歐洲和英國,但佢懷著信念,相信最重要係「踏出第一步」,之後繼續向前走,咩都試下便可以。同時,佢強調有家人嘅支持都非常重要。

保持信念對踏出第一步好重要。Photo from 有線新聞

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel