菊梓喬驚傳耳膜震傷！多次嗌痛示意「細聲啲」，網民錯重點：唔同晒樣

By Wing Ws on 22 Feb 2023

Digital Content Writer

菊梓喬(Hana)日前（18日）舉辦嘅巡迴演唱會澳門站完騷，但就傳出Hana發生舞台意外嘅消息。有指現場音響機器發生故障，導致Hana被耳機中高分貝聲音傷到耳膜受損，但Hana未有退台，堅持完成演出，至返港後即到醫院求醫。

Photo from 菊梓喬 IG

多次嗌痛示意「細聲啲」

喺澳門開演唱會嘅Hana當晚以多個造型現身，更化身「Rock Hana」，以一身搖滾造型，非常型格！據悉，中途有fans聽到Hana大叫、扯甩Ear Mon（耳機），兼聽到佢嗌痛，又指住耳機多次示意工作人員：「好痛呀」、「要細聲啲」、「炸聾我隻耳」、「可唔可以細聲啲，唔該」、「真係要細聲啲，我隻耳仔好痛！」據現場觀眾所指，當晚Hana不時用手掩耳，大部分時間都係靠單邊耳機聽，表情唔自然。另有樂手指，當晚音響超標至100分貝，令Hana耳膜受傷。

Photo from TVB USA Official YouTube

堅持完成演唱會兼同fans影相

雖然當下受傷，但Hana仍堅持完成演唱會，據報，喺完騷後，Hana覺得一邊耳仔似失聰咁，聽唔到聲，但得知有fans等佢，Hana由工作人員攙扶下到外同fans合照。當日Hana接受訪問時表示，有唔少fans特登喺外地過澳門，有啲完騷喺門口等咗好耐，所以Hana留到同大家影完相為止。

Photo from TVB USA Official YouTube

IG報平安

就今次嘅意外，Hana昨晚於IG限時動態貼出一張喺醫院嘅照片，並留言指：「痛痛」，令唔少網民擔心。今日下午，Hana再喺IG同大家報平安，未有否認耳膜受傷：「醫生說只要好好休養，等我耳仔休息一陣，就應該好快好返架啦！」又提到意外問題：「呢三年疫情演藝行業停頓，剛剛才復甦，所以難免會有點混亂，這次是很單一的個別事件，所以感謝大家關心」。

Photo from 菊梓喬 IG

網民錯重點：個樣唔同咗

對於Hana受傷一事，唔少fans都表示心痛，但就有網民錯重點，紛紛指出Hana「唔同晒樣」，對比2014年參加台灣歌唱節目《金牌麥克風》，Hana嘅鼻樑睇落直咗咁，令網民懷疑「整過」。

Photo from 《金牌麥克風》節目截圖

後台都出現問題？

除咗喺台上嘅意外，原來澳門場嘅後台都出現問題，據悉，Hana當時正在更衣，點知有人意外衝咗入房，門外又有人行過，Hana嚇到叫出聲，非常委屈。

Photo from 菊梓喬 IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

菊梓喬被星夢冷待曝光率大減指被炎明熹取代一姐地位本人現身澄清

25 Aug 2022

現年35歲嘅菊梓喬（Hana）一向被稱為「聲夢一姐」，但近日有網民質疑電視台換班子，力捧新人炎明熹而冷待菊梓喬，更疑問佢嘅「唱歌生涯係咪已經玩完」，事件更引黎本人現身回應！

Photo from 香港討論區截圖

菊梓喬曝光率大減！

近日有網民係香港討論區以「菊梓喬唱歌生涯係咪已經玩完」為題，認為菊梓喬近日慢慢被「異軍」炎明熹取代，引起網民熱烈討論。樓主認為電視台換班子後Hana未參與過電視台嘅節目，有網民亦同意話佢只係出席過7月嘅《香港金曲頒獎典禮》同8月嘅《樂韻警聲頌銀禧》，而金曲獎更加被影到「疑似悶到瞓著」！

Photo from Youtube 截圖

Photo from 《香港金曲頒獎典禮》截圖

唔少網民表示自從新一代聲夢出現之後，菊梓喬嘅曝光率就愈黎愈少，更表示「一朝天子一朝臣」、「連綜藝都冇得上，擺明被棄用」、「佢比矮仔邊緣化晒，前景真係窄窄哋」、「好慘，TVB只係捧聲夢，啲舊將被遺忘了」。有網民更認為菊梓喬唔係被聱夢淘汰，而係電視台有心封殺黎造就《聲夢傳奇》一班新人，更對此忿忿不平。

Photo from IG＠hana_kuk

網民建議過檔/北上發展

對於Hana曝光率愈黎愈少，有網友認為佢「一係北上，一係嫁人，一係跳糟去開電視搵舊老細，但人哋都捧緊d後生啦」、「離開或嫁唱k算了」，有熱心網友就建議佢過檔開電視做《就是青春》嘅導師，亦有人認為佢再苦練唱功北上發展，加上樣唔差，應該大把前途。

Photo from IG＠hana_kuk

網友爆「被冷待」真正原因？

後來有網友就爆料話自己知道Hana「被冷待」嘅真正原因，佢指Hana黎緊準備出新歌，製作方都話新歌正到可以紅過《呼吸有害》！佢認為Hana似乎有合約問題，多過因為被《聲夢》兩屆新人淘汰而曝光率下降，佢又話應該參考同Hana年齡差唔多嘅歌手，例如：JW、Gin Lee、泳兒，佢地都經常係電視台有工作，而Hana就可能係因為新合約未傾掂，佢更指「幾乎任何藝人處於呢種狀態都會被冷待。」

Photo from IG＠hana_kuk

呢位網友再分享睇法，佢認為Hana係《香港金曲頒獎典禮》獲得最佳唱片獎，已經係電視台女歌手入面最大嘅獎項，JW和譚嘉儀只係得到最佳劇集歌曲獎，而《聲夢》得新人獎。佢指呢個情況係「一邊畀D好處、一邊冷待，可能係新合約雙方傾緊條件，角力中。」不過最後都戴返頭盔，表示以上都係佢個人睇法，不能作實。

Photo from IG＠hana_kuk

本人回應無被冷待

而原來菊梓喬曾經親自回應過疑似「被冷待」嘅傳聞，佢指自己係工作上無被冷落嘅感覺，亦無對網友嘅意見上心。佢指自己近日準備緊推出3至4首新歌，更準備出新碟，所以工作好忙，亦以「咁啱撞期」回應點解近日曝光率減少。而有一位網友都話Hana曾經透露係10月會有表演，似乎真係眾網民諗多咗！

Photo from IG＠hana_kuk

無懼「一姐」地位動搖

菊梓喬日前接受商台《星光背後》訪問，被問到公司高層換班子，又有《星夢》一班後輩崛起，會唔會擔心自已嘅資源會被分薄。佢當時已經表示唔怕後起之輩：「年年都有新人，最緊要做好自己，根本唔同generation，唔覺有壓力」，又指自己有歌出已經好好。菊梓喬加入星夢後曾力壓師姐吳若希，被問到會唔會怕地位動搖，佢就自稱入行只有5年，仲係新人，對於拎過「最受歡迎女歌星獎」成為「一姐」唔會飄飄然！

Photo from IG＠hana_kuk

曾被批形象單一

自從曾志偉任電視台高層後，星夢娛樂CEO何哲圖被換走，身為愛將嘅菊梓喬去向自然備受關注。而佢亦透露新星夢話事人何麗全曾經批評佢「形象被定格」，一直都以楚楚可憐嘅歌手形象示人，無辦法好似其他歌手咁多方面發展，而Hana就指自己之前仲係公司新人，當時嘅高層叫佢「做好一樣嘢先」，佢就尊重老闆決定，佢自己都想作多方面嘗試。