download HolidaySmart 假期日常 app
63歲鍾楚紅自拍拒用美顏濾鏡!大方晒素顏真實狀態,網民:真女神

63歲鍾楚紅自拍拒用美顏濾鏡!大方晒素顏真實狀態,網民:真女神

娛樂新聞
By Jennifer on 23 Feb 2023
Digital Editor

鍾楚紅(紅姑)係八、九十年代嘅女神,佢喺影壇有好多經典作品,不過佢淡出多年,近年周遊列國、不時行山、同好友相聚。近日佢喺微博晒出近照,年逾60歲嘅鍾楚紅無懼歲月洗禮,大方晒素顏自拍,獲網民大讚係永遠嘅女神!

鍾楚紅(紅姑)係八、九十年代嘅女神Photo from TVB

鍾楚紅淡出影壇多年,但佢依然係唔少人心目中嘅女神,哥哥張國榮曾經指:「鍾記(鍾楚紅)就太靚喇!靚到就算佢做得唔好,你都會原諒佢。」紅姑早已過上退休生活,去旅行、約下朋友食飯,十分寫意。

紅姑早已過上退休生活,去旅行、約下朋友食飯,十分寫意。Photo from 鍾楚紅微博

鍾楚紅淡出多年,近年周遊列國Photo from 鍾楚紅微博

養尊處優嘅紅姑都會喺社交網站分享近況,即使年過半百亦容光煥發,狀態極佳!最近佢去咗馬來西亞沙巴過生日,並喺微博晒出近照:「在京那巴多岸河上,謝謝大家的祝福」

養尊處優嘅紅姑都會喺社交網站分享近況,即使年過半百亦容光煥發,狀態極佳Photo from 鍾楚紅微博

最近鍾楚紅去咗馬來西亞沙巴Photo from 鍾楚紅微博

戴上cap帽嘅紅姑晒出超近自拍,現年63歲嘅佢無懼素顏,亦無P圖或用美顏filter,大方公開真實狀態,即使有明顯嘅眼紋都睇得出紅姑過得好開心,而且皮膚都好好。

戴上cap帽嘅紅姑晒出超近自拍,現年63歲嘅佢無懼素顏,亦無P圖或用美顏filterPhoto from 鍾楚紅微博

紅姑平時都會行山Photo from 鍾楚紅微博

唔少網民都表示紅姑夠晒自然美,又讚佢氣質出眾:「永遠的女神」、「還是那麼美」、「紅姑的狀態真好真健康!」

唔少網民都表示紅姑夠晒自然美,又讚佢氣質出眾Photo from 鍾楚紅微博

有指紅姑有投資房地產,現時更持有3套物業,過億身家生活無憂。紅姑更係有名嘅環保人士,對環境問題十分關注。

有指紅姑有投資房地產,現時更持有3套物業,過億身家生活無憂Photo from 鍾楚紅微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

61歲鍾楚紅素顏勁搶鏡 面色紅潤與鄭秀文慶祝杜琪峯66歲生日!網民:似食咗防腐劑

23 Apr 2021

鄭秀文(Sammi)同杜琪峯(杜 sir)2000 年時因電影《孤男寡女》而認識,二人多年嚟喺電影上合作無間,私底下二人更係非常老友,不時都相約聚會,感覺就好似一家人咁。而尋日正正係杜 sir 嘅 66 歲生日,Sammi 當然要相約一齊慶祝喇!

Photo from sammi/IG

每年嘅 4 月 22 日就係導演杜琪峰嘅生日,但今年 66 歲生日嘅佢就因為疫情關係同往年有少少唔同,今年並冇盛大派對,同圈中紅星到賀,佢哋只係相約幾位好友一齊食飯,而其中 Sammi 同楚紅都係座上客之一。

Photo from 鍾楚紅/weibo

Sammi 更喺社交網中貼出佢哋同 杜sir 嘅合照,留言:「杜sir家宴。對我而言,每年非常重要的日子,就是杜sir 的生日。??昨晚,還有紅姑,韋生(韋家輝)韋太和阿叔(張叔平),當然還有杜太啦!☺️簡單在杜sir家中吃飯聊天,就是幸福的一夜。」佢更加上 hashtag 「#二十一年前認識杜sir至今」、「#我最尊敬的杜sir」、「#亦師亦友亦女兒」睇得出佢哋嘅感情有幾好。

Photo from sammi/IG

而 Sammi 嘅相片睇嚟就冇加任何 filter,相中大家素顏都依然咁省鏡,尤其係今年已經 61 歲嘅紅姑(鍾楚紅)呀!近年紅姑一直處於養尊處優嘅狀態,得閒就會去行山或者約朋友食飯,尋日佢就身穿紅色上衣到賀,整個人睇起嚟容光煥發!

Photo from sammi/IG

相中嘅紅姑雖然睇落有少少眼肚同皺紋,但面色紅潤又精神飽滿,再加上佢嘅招牌甜美笑容,睇見都心花怒放呀!

Photo from sammi/IG

而唔少網民除咗紛紛留言祝杜 sir 生日快樂外,仲留言大讚紅姑好靚,完全唔似 61 歲,好似食咗防腐劑添~

Photo from sammi/IG

Photo from sammi/IG

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel