download HolidaySmart 假期日常 app
蔡天鳳案累《愛回家》「食軟飯」劇情被批?網民力勸唔好搵家庭條件差距大男性

蔡天鳳案累《愛回家》「食軟飯」劇情被批?網民力勸唔好搵家庭條件差距大男性

時事熱話 生活熱話
By Wing Ws on 27 Feb 2023
Digital Content Writer

28歲名媛蔡天鳳遇害案全港轟動,前夫於日前(25日)被捕,涉案人士亦陸續落網。但有關事件於網絡上仍引申出不少討論,有網民甚至因此批評TVB處境劇《愛回家之開心速遞》中嘅「送水輝」、KC等角色,認為當中嘅「食軟飯」劇情「三觀不正」、「教壞細路」,仲叫《愛回家》快啲大結局完咗佢。

網民批評《愛回家之開心速遞》劇情。Photo from 《愛回家之開心速遞》劇照

為保業權動殺機,前夫疑有詐騙前科

據報,蔡天鳳前夫一家嘅作案動機係為咗保住何文田豪宅業權,而該豪宅物業係約10年前由蔡天鳳購買,但當時為咗慳返15%印花稅,於是由前夫嘅爸爸掛名買下。當時雙方協議,假如將來出售物業,所得嘅款項歸於蔡天鳳。至去年底,蔡天鳳打算出售豪宅時,前夫一家疑蔡天鳳打算將佢哋趕走,於是種下殺機。但事實上,據蔡天鳳好友所指,蔡天鳳只係投資決定,會為前夫一家安置更好住處。另外,有指前夫一家均有案底,網民翻查舊聞,發現與前夫同名男子有詐騙前科,年齡、背景等似乎都吻合。

蔡天鳳前夫一家嘅作案動機據報係為咗保住何文田豪宅業權。Photo from 蔡天鳳 IG

網民斥《愛回家》宣揚「夫憑妻貴」

唔少網民都為蔡天鳳嘅遭遇感到不值,至昨日(26日)更有網民上傳一組《愛回家之開心速遞》劇照並發文,要求TVB「不要再宣傳夫憑妻貴了」,認為編劇筆下有唔少「有錢女無可救藥愛上窮小子、男人主動或被身邊人逼着吃軟飯」嘅劇情,套劇都有唔少「軟飯男」,發文樓主更引申至蔡天鳳案件,力勸女性唔好搵家庭條件相差太遠嘅對象:「因為你永遠不會知道人心有多麼陰暗和險惡,這是婚姻不幸的源頭,千萬不要被電視劇蒙蔽眼睛,以為真的有所謂的『豪門童話』,都是瞎扯的~」不過,有網民就留言話男性「娶白富美」係「香港比較常見的生態」。事實上,蔡天鳳遇害案引起不少迴響,內地、台灣媒體均有報道,網民更紛紛開帖,籲女性「認真反思」、「引以為鑑」。

網民上傳一組《愛回家之開心速遞》劇照。Photo from 小紅書

網民認為《愛回家》宣揚「夫憑妻貴」嘅信息。Photo from 小紅書

網民認為編劇筆下有唔少「有錢女無可救藥愛上窮小子、男人主動或被身邊人逼着吃軟飯」嘅劇情。Photo from 小紅書

網民就留言話男性「娶白富美」係「香港比較的生態」。Photo from 小紅書

網民力數「送水輝」罪狀

對此,唔少網民表示認同,紛紛留言力數呢類條件相差太遠嘅CP,發文樓主認為「阿孝和Liza真心相愛,條件也匹配,在一起會幸福」,反而賈名媛係「強扭的瓜不甜」。相對之下,唔少網民力數「送水輝」同「大小姐」CP,認為「送水輝」係《愛回家》中嫁入豪門嘅「軟飯男」:「如果阿輝有真本事肯認真學習上進也就算了,他一切手段都是討好女人的」、「有集KC被媒體嘲笑吃女朋友軟飯,阿輝還在會議上帶着嘲笑的表情說他,嘲笑別人吃軟飯這事兒最不該從阿輝嘴裏說出來」、「送水輝最噁心的是住龍家吃龍家,但是大龍生去大小姐家住的時候竟然想趕人家走」,加上「送水輝」係二婚有小朋友,網民認為個仔宋飛立「小小年紀心機那麼重」、「心思深沉不用在正路上」。

網民力數「送水輝」罪狀。Photo from 《愛.回家之開心速遞》劇照

被指為洗白最勁角色?

同時,網民認為「送水輝」係洗白得最勁嘅角色,留言區有唔少觀眾提出該角色嘅「劣跡」:「最開始送水輝和Mary那集......那個時候好像還是騙女人錢」,又認為「送水輝」後來莫名奇妙咁被編劇「洗白」,有網民提到其他CP作對比:「Mary那時候跟MAX談戀愛多少人罵她痴心妄想不配嫁入豪門,到了送水輝就寬容的不得了」,因此戥劇集中嘅女角色唔抵。另外,有網民認為《愛回家》都有唔少精英女性為愛情而放棄更好嘅男性,如Mia、Helen:「還有人記得Helen為KC放棄了遺產嗎?無語了這些劇情」。

網民提出「送水輝」過往嘅「劣跡」。Photo from 小紅書

網民認為「送水輝」係洗白得最勁嘅角色。Photo from 小紅書

網民認為《愛回家》都有唔少精英女性為愛情而放棄更好嘅男性。Photo from 小紅書

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

愛回家|再抽水袁偉豪?編劇疑間接回應:我係諷刺佢食軟飯呀!吹咩!

24 Feb 2023

一向題材貼地嘅TVB處境劇《愛回家之開心速遞》早前「抽水」袁偉豪引起討論,袁偉豪亦就此事於活動訪問中回應指:「會搵編劇傾吓偈」,疑似以講笑方式向編劇施壓,有關訪問相隔數月後,事件似乎有後續發展!《愛回家》今晚(24日)將播出嘅一集疑似再以KC一角影射,編劇更間接回應袁偉豪!

《愛回家》編劇疑似透過劇情間接回應袁偉豪。Photo from TVB (official) YouTube

編劇勸袁偉豪Let it go?

最新第1875集《愛回家》預告集名為「Let it go, KC」,再由早前影射袁偉豪嘅KC主導。預告中,《揸流灘》加咗一個新角色,講咗句對白:「啲飯咁硬,你叫我點食呀!」令KC認定編劇熊尚善係利用新角色串佢「食軟飯」,面對KC質問,熊尚善未有否認,直言:「我係諷刺佢食軟飯呀!吹咩!」更打算再寫劇集影射KC,似係《愛回家》透過劇情回應事件,串到盡!

編劇熊尚善直言:「我係諷刺佢食軟飯呀!吹咩!」Photo from TVB (official) YouTube

再抽水袁偉豪向太太撒嬌方式?

未能成功打壓嘅KC返到屋企喺富家女友朱茜懷中撒嬌傾訴,朱茜於是承諾幫KC,搵大小姐逼熊尚善cut走角色兼向KC道歉,劇情發展就好似早前袁偉豪發生嘅事咁!講到同太太張寶兒嘅相處方式,袁偉豪曾經喺節目中提到自己於家中對太太撒嬌方式,又指:「其實做一個弱者聽老婆話,有乜咁難啫?幾好呀,唔會有咩困難,好開心,好舒服喎﹗」KC於家中撒嬌行為似乎係編劇借角色諷刺袁偉豪嘅「軟飯」形象。不過之後有大小姐打壓,到底「編劇」會唔會低頭,後續都令人相當期待。

KC返到屋企喺富家女友朱茜懷中撒嬌傾訴。Photo from TVB (official) YouTube

袁偉豪曾經喺節目中提到自己於家中對太太撒嬌方式。Photo from 《人夫放假約出去滾》節目截圖

網民留言話根本係影射緊袁偉豪!Photo from TVB (official) YouTube

曾於訪問中串《愛回家》編劇

數月前,《愛回家》就已經借KC呢個角色,抽水袁偉豪小器爆seed「我欠咗你哋班傳媒?」一事。當時,袁偉豪接受TVB娛樂新聞台訪問時回應劇情,一開始仲大方回應:「出咗都好呀」、「咁都幫到件事,幫到個演出,出嚟咁大反應,咁咪開心囉」,但中途就暗串:「處境劇唔知係咪寫到冇題材呢?」仲講笑話:「不過我都會搵編劇傾吓偈嘅」,似乎《愛回家》編劇同袁偉豪嘅「愛恨情仇」就喺呢度開始。全程旁聽住嘅蔡思貝就「補刀」,建議袁偉豪「加入《愛回家》,跟住演返自己。」

《愛回家》之前就試過借KC呢個角色抽水袁偉豪。Photo from TVB (official) YouTube

袁偉豪曾暗串《愛回家》編劇:「處境劇唔知係咪寫到冇題材呢?」Photo from YouTube TVB 娛樂新聞台

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel