鄭秀文小薯茄分享「雪櫃冷笑話」，自抽身材獲激讚好玩得：真係天后級

娛樂新聞

By Jennifer on 28 Feb 2023

Digital Editor

樂壇天后鄭秀文（Sammi）近年除咗推新歌外更參演唔少電影，佢最近與小薯茄合作，並喺小薯茄經典系列《雪櫃冷笑話》中分享笑話，Sammi大方自抽成功令在場嘅幕前幕後工作人員大笑出聲，網友更力讚佢好玩得：「天后氣度！」

Photo from 鄭秀文IG

Sammi出道多年，近日與小薯茄合作

Sammi早於1990年已出道，至今入行超過30年，身為樂壇大前輩嘅Sammi近年喺紅館召開世界巡迴演唱會，又推出唔同嘅新歌，依然活躍於樂壇，除此之外Sammi更拍攝多套電影，挑戰唔同角色。

Photo from 鄭秀文IG

Sammi圈中好友甚多，佢同甘比、古天樂等係好朋友。雖然出道多年，但Sammi向來都走在潮流尖端。佢近日為宣傳新戲《流水落花》出席好多公開活動，仲同小薯茄合作！

Photo from 鄭秀文IG

「雪櫃冷笑話」Sammi自抽令小薯茄台前幕後爆笑

小薯茄成員都係90後，即係話Sammi出道時佢哋先啱啱出世！不過Sammi同佢哋一啲代溝都無，喺小薯茄經典系列《雪櫃冷笑話》仲玩得好開心，以往《雪櫃冷笑話》都會有唔同嘅藝人分享一個冷笑話，Sammi當然都唔例外。

Photo from 小薯茄IG

雪櫃門一打開Sammi就話：「鄭秀文跑步，估一個男藝人嘅名。」之後Sammi自己答返：「吳鎮宇（唔震乳）」，仲要做埋動作，搞到坐喺Sammi隔離嘅阿J，以及後面嘅幕前幕後都忍唔住「O晒嘴」，表現到十分震驚！

Photo from 小薯茄IG

網民激讚Sammi好玩得！

更有人直言：「唔敢比分呀！」而Sammi表情十分淡定，最後大部分人都舉咗「5分」，網民亦大讚Sammi好玩得：「天后嘅氣度」、「佢好大方呀！好可愛」、「睇得出鄭秀文完全冇架子！」、「你居然敢用自己既魔法對付自己！」

Photo from 小薯茄IG

Photo from 鄭秀文IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

50歲鄭秀文晒超近鏡側顏照，網民嗌認唔出：似關之琳、范冰冰

5 Sep 2022

向來穿衣打扮走在潮流尖端嘅鄭秀文（Sammi）係好多品牌嘅寵兒，近日佢喺IG晒出一張側顏相片，吸引唔少網民留言，有網友指佢呢張相似關之琳同范冰冰，亦有人直言完全認唔出佢！

Photo from 鄭秀文IG

50歲鄭秀文晒超近鏡側顏照

樂壇天后Sammi上個月迎嚟50歲生日，佢與家人低調慶祝。「入伍」後Sammi嘅生活似乎未有咩變化，平時仍然堅持做運動，對潮流十分關心嘅佢仲會分享下佢嘅衣著打扮。

Photo from 鄭秀文IG

最近Sammi就喺IG大晒近照，並分享感悟：「The strongest soul has developed from life’s difficulties. （堅強的心智和靈魂是通過人生困難而尋獲得）What u plant now, you will harvest later. (讓我們用心栽種明天）」