曾淑雅Jumbo教普拉提驚現全男班！變相推動男士運動？網民：好多醉翁！

藝人曾淑雅(Jumbo)一向有做運動嘅習慣，亦不時會喺社交平台上分享行山、跑步等運動心得及健美姿態，佢嘅YouTube頻道都係運動影片為主，因此被fans封為「健身女神」。近日，Jumbo開普拉提班，並於社交網站分享上課情況，不過就有網民錯重點，發現現場學生都係男人，仲有唔少大叔，有關照片引起熱議，搞到Jumbo要再post story回應。

Photo from 曾淑雅 Jumbo Tsang FB

除咗演藝工作，考獲普拉提導師資格嘅Jumbo亦會拍片教大家做普拉提。日前Jumbo決定再開班教學，今次係第一次喺戶外草地上現場教做普拉提，Jumbo噚日（28日）於社交平台分享相片及感受：「好耐冇教普拉提班啦！」、「好開心，可以見到一大班同學仔」、「希望同學們喜歡今次的普拉提班」。