download HolidaySmart 假期日常 app
口罩令完結存貨清唔完點算好? 5大實用隱藏絕技不私藏

口罩令完結存貨清唔完點算好? 5大實用隱藏絕技不私藏

生活熱話 生活教學
By Pat on 01 Mar 2023
Digital Editor

隨著口罩令正式地結束,人人遮擋臉上笑容嘅時代終於都完結,但相信唔少人同小編一樣屋企都囤積咗一大堆口罩唔知點算好,有網民就表示就算口罩令已經完結,但都會堅持用到屋企存貨清曬嘅一日先會唔再帶,有日本同內地嘅網民就好醒目地將口罩改造成生活上一定會用到嘅日用品, 今次就將佢哋一次過整合比大家分享吓啦!

《愛回家之開心速遞》劇照Photo from 《愛回家之開心速遞》劇照

用途一)除塵口罩

有日本家庭主婦兼打掃達人「よしママ」(Yoshimama)就分享,原來口罩面嘅不織布質地可以去除污垢,仲可以輕鬆吸住灰塵就好似我哋平時用開嘅除塵紙一樣,只要將收藏喺口罩入面嘅鐵線取出,再將三個口罩平排地綁喺除塵拖把上面,就可以即時利用口罩清潔地板,除塵紙都唔使買!

將口罩鐵線取出Photo from ESSE-online

再將三個口罩平排地綁喺除塵拖把上面Photo from ESSE-online

就可以即時利用口罩清潔地板Photo from ESSE-online

ESSE-onlinePhoto from ESSE-online

真係同除塵紙無分別㗎!Photo from ESSE-online

用途二)口罩塵掃

同上面嘅原理一樣,只係將拖 把變成即棄筷子,搖身一變就可以變做口罩塵掃,就同雞毛掃一樣,首先將口罩內嘅鐵線取出,綁喺一對即棄筷子上面,再用橡筋將口罩綁緊,適合用喺啲窿窿罅罅位,但緊記要將口罩面放喺表面先有用㗎!

首先將口罩內嘅鐵線取出Photo from ESSE-online

綁喺一對即棄筷子上面,再用橡筋將口罩綁緊Photo from ESSE-online

適合用喺啲窿窿罅罅位Photo from ESSE-online

真係簡單又方便!Photo from ESSE-online

用途三)寵物行動尿布

有外國網民就發揮創意,將口罩當成女性衛生用品一樣,將佢放喺貓貓嘅屁屁上面,仲可以連鐵線都唔需要取出,只要將一塊女性衛生用品黏住口罩,再將佢綁喺貓貓嘅屁屁位置,因為年老嘅寵物未必可以好好咁控制到自己嘅大小便,坊間都有寵物專用嘅尿布出售,自製行動尿布就唔怕貓貓再突然四圍小便啦!

將一塊女性衛生用品黏住口罩,再將佢綁喺貓貓嘅屁屁位置Photo from HOUSE of CAT

自製寵物專用尿布完成!Photo from HOUSE of CAT

用途四)防蟲神器

唔講都唔知,原來昆蟲唔鍾意花椒、八角嘅氣味,只要將口罩剪開一半,再將花椒八角裝入口罩入面包好綁實,然後放置喺昆蟲出沒嘅地方,就可以幫助防蟲,真係又實用又方便啊!

將口罩剪開一半Photo from 一只小七崽@小紅書

將花椒八角裝入口罩Photo from 一只小七崽@小紅書

放置喺昆蟲出沒嘅地方Photo from 一只小七崽@小紅書

用途五)番梘清潔器

可以先將口罩剪開一半,再從中間位置打開放入番梘,再於下面打上一個死結,掛上水龍頭上就可以充當一個番梘座方便洗手清潔,而且番梘仲可以放入馬桶沖水位置,有助去除異味同清潔馬桶,真係一舉兩得!

將口罩剪開從中間位置打開放入番梘Photo from 一只小七崽@小紅書

打開放入番梘再於下面打上一個死結Photo from 一只小七崽@小紅書

充當一個番梘座方便洗手Photo from 一只小七崽@小紅書

而且放入馬桶沖水位置,有助去除異味同清潔馬桶Photo from 一只小七崽@小紅書

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

口罩令一旦解除會造成恐慌? 網民列出4大原因表示罩不離口

Feb 24, 2023

自疫症開始至今口罩令將快三年,呢段時間除咗無得衝出香港之外,最大嘅轉變就係街上面人人都變成「口罩俠」,財政司司長陳茂波日前上電台節目就表示政府最快可能將於今季尾解除口罩令,但到底係咪人人都想解除口罩令?有網民就表示希望早日可以「除罩相見」,但亦有網民表示希望口罩令可以繼續維持落去,更列出4大原因支撐永續口罩令咁話。

《瀑布》電影劇照Photo from 《瀑布》電影劇照

1)一罩遮三醜

帶咗口罩之後,好多網民表示平時身邊再唔起眼嘅同事都突然變得順眼起嚟,仲話而家周街都係靚仔靚女,而且帶口罩令到人同人之間嘅感覺更加神秘增加吸引力,亦令好多無自信嘅朋友重新打起精神嚟,啱晒社交恐懼嘅人士,活喺呢個蒙面世界好似都唔錯!

《瀑布》電影劇照Photo from 《瀑布》電影劇照

2)皮膚變得靚咗又好咗

疫情前唔少女仔每次出街見人都要化個全妝,而家因為帶咗口罩唔需要露全相見人,所以好多時都只係需要重點化返靚對眼就攪掂,除咗因為化小咗妝令到皮膚變得更加透氣之外,亦都將平時嘅化妝品用小咗好多,而且女生們出門前裝扮嘅時間大大縮短咗,睡眠嘅時間又多咗,慳錢之餘仲慳埋時間,仲唔係皮膚靚靚心情靚靚?

natalietong@IGPhoto from natalietong@IG

3)帶口罩令身體健康啲

有唔少網民都表示,口罩不但可以阻擋飛沫,仲可以有效地抵禦空氣中嘅灰塵同花粉等,為咗身體健康啲,防止病毒入侵。的而且確呢段時間大家嘅傷風感冒都少咗好多,而且喺街上面有太多人會隨街亂「打乞嚏」同「擤鼻涕」,帶咗口罩個感覺衛生咗,而且而家空氣質素咁差,帶住口罩就連鼻敏感都少咗。

《Doctor X》劇照Photo from 《Doctor X》劇照

4)隔絕口臭人士

以往出門在外,車廂中間少不免有口氣嘅人士,但為怕尷尬有時候又真係避無可避焗住強忍,有咗口罩之後大家就唔使再怕尷尬,有時候食完蒜頭榴連想同人講嘢,仲可以將味道隔走,真係一舉兩得!

《他人即地獄》劇照Photo from 《他人即地獄》劇照

雖然口罩令暫時要再延長到2023年3月8日,但大家都已經習慣咗咁耐時間,都唔爭在等多嗰一時三刻。最近台灣同日本等嘅地區對於口罩令都逐漸開放,但各國嘅網友大多表示就算口罩令消失,都會選擇繼續配戴。其實最緊要係選擇嘅自由,就算取消咗口罩令都好,大家都仍然有選擇嘅權利,咁先至係最正確嘅!

《愛回家》劇照Photo from 《愛回家》劇照

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

日本混血網紅戴口罩神秘樣貌 吸粉無數 被要求脫口罩後 觀看人數急速下降!

Jan 22, 2023

基於疫情關係,大家而家出門嘅時候都必須配戴口罩,亦因此而出現咗好多「口罩靚女/型男」~最近,有位日本網紅就喺進行直播時,表示如果觀眾人數超過500人就會將口罩脫下。然而,當佢脫下口罩嘅時候,真面目嚇咗大家一跳,令直播人數隨即下降!

momo haha YouTubePhoto from momo haha YouTube

現時嘅修圖同化妝技巧都變得越來越進步,令唔少人都覺得網絡上所見到嘅都不能盡信!最近,大家都因為疫情而需要配戴口罩,而網民們就成日都話會喺街上見到「口罩靚女/型男」~有位日本網紅「momohaha」從來都冇曝光過自己嘅樣貌,並且憑嬌嗲聲線同水汪汪嘅大眼睛,成功吸引唔少粉絲!

momo haha YouTubePhoto from momo haha YouTube

由於「momohaha」經常都帶著口罩,非常有神秘感,令唔少粉絲都留言希望佢可以脫下口罩,一睹佢嘅可愛樣貌!隨住要求嘅粉絲數量越來越多,佢就答應粉絲們「如果直播觀看人數超過500人,就脫口罩!反正應該冇可能!」。但過咗一段時間之後,觀看人數就不斷飆升到500人,令佢不得不實現承諾,仲話「好驚!你哋唔可以討厭我同離開直播㗎!」

momo haha YouTubePhoto from momo haha YouTube

然而,當「momohaha」脫下口罩嘅時候,真面目同大家想像中嘅大眼甜美少女有啲差別!脫下口罩嘅佢有少少哨牙,嘴唇比較厚,顯得嘴巴非常大,有好大嘅落差感。喺公開咗樣貌之後,觀看嘅人數隨即急速下降,令佢忍唔住好憤怒咁話「又係你哋話要睇嘅!」

momo haha YouTubePhoto from momo haha YouTube

momo haha YouTubePhoto from momo haha YouTube

呢段影片喺Twitter不停咁流傳緊,唔少人都對「momohaha」感到十分好奇。但原來呢個影片係佢自製嘅搞笑影片,利用化妝技巧做出效果,再模仿口罩靚女同觀眾們嘅直播互動。得知事實嘅網民們就忍唔住留言「網上嘅美女果然唔可以相信!」、「口罩嘅威力太強大喇」等。

IG@momo8haha Photo from IG@momo8haha

IG@momo8haha Photo from IG@momo8haha

現年22歲嘅「momohaha」係一位美日混血兒,經常都會喺YouTube頻道上分享美妝技巧,仲曾經拍過一段整容級嘅化妝!平時嘅佢毫無架子,經常都會素顏上鏡,十分受日本網民嘅歡迎。

momo haha YouTubePhoto from momo haha YouTube

IG@momo8haha Photo from IG@momo8haha

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel