方力申新女友曝光？！單身5年，新歡美貌不輸陳瀅、馮盈盈
現年43歲嘅方力申自從同鄧麗欣（Stephy）分手後一直單身，曾與陳瀅、馮盈盈傳過緋聞。近日有報道指方力申單身5年終於搵到女友，新歡係圈外人，仲係一名藝術家，顏值極高，可媲美唔少女藝人！
Photo from 方力申IG
方力申單身5年自爆玩交友app
方力申與Stephy分手後緋聞多多，先後同過陳瀅、港姐冠軍馮盈盈傳緋聞，緋聞對象位位都係靚女，不過佢上《晚吹-有酒今晚吹》時就透露自己5年無拍過拖，所有緋聞都唔係真！
Photo from TVB
Photo from ViuTV
單身多年嘅方力申更自爆一直都有用交友app，可惜無乜人like，又表示擇偶要求得一樣：「如果你係我腦入面，你就係我心入面」，而「金牌媒人」Bob就大爆方力申係最難撮合，每次介紹女仔畀佢都會被婉拒。
Photo from ViuTV
Photo from 方力申IG
「真命天女」出現？圈外藝術家Maple疑為方力申新女友
不過方力申似乎終於「出pool」終結單身！近日方力申出席活動時表示獲堪輿師傳指點，未來兩三年有機會遇到「真命天女」，更有機會結婚！錯過咗就可能要等十年八年。
Photo from TVB
Photo from TVB
有報道指方力申蜜運中，女朋友係圈外人，從事藝術行業，叫Maple，方力申更有follow Maple嘅兩個IG account。Maple IG簡介寫上中英韓「Maple 보배 映彤」，似乎熟悉中文、英文、韓文三語。
Photo from 方力申IG
Photo from Maple IG
Maple顏值不輸陳瀅、馮盈盈，與方力申興趣相投
Maple雖然係圈外人，但顏值極高，黑色長直髮十分清純，美貌不輸方力申以往嘅緋聞對象陳瀅、馮盈盈！唔少網友都表示方力申真係好幸福。
Photo from Maple IG
Photo from TVB
方力申有收藏名畫嘅愛好，爸爸方毓仁就曾大爆兒子喺2005年開始收藏第一幅名畫，至今已珍藏過百件，價值高達幾千萬，相信佢同藝術家Maple都有好多共同話題。
Photo from 方力申IG
Photo from Maple IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
林盛斌Bob大呻最難撮合方力申，介紹對象屢遭拒絕！自爆現時身家達8位數
9 Nov 2022
Photo from 林盛斌IG
出演《美麗戰場》演技獲讚有進步
43歲林盛斌（Bob）口才了得，過往主持過唔少節目及慈善騷獲稱為「金牌司儀」，亦偶爾客串出演劇集或電影，吸金力驚人！早前佢有份出演台慶劇《美麗戰場》飾演「徐富貴」成功引起觀眾關注，仲被指有望入圍今年「最佳男配角」。
Photo from TVB
Photo from 《美麗戰場》
有信心能夠透過「徐富貴」一角入圍男配角
近日，Bob獲邀出演由林柏希主持嘅網絡節目《月傾會》接受訪問，大談自己入行後嘅經歷及趣聞等。喺節目開頭，佢率先感謝觀眾對「徐富貴」嘅喜愛，仲揚言自己都有信心可以入圍「最佳男配角」最後5強，似乎對自己嘅表現非常滿意！
Photo from 《月傾會》
自爆現時身家達8位數！
投資有道嘅Bob亦有拍片分享理財心得，仲被爆身家豐厚；而佢就話「如果我宜家唔做嘢變賣晒所有資產，維持返宜家嘅生活狀況，應該可以用到細仔中學畢業嘅」，並自爆現時身家大約係8位數！
Photo from 《月傾會》
Photo from 《月傾會》
曾被男歌手冷眼對待
入行多年嘅Bob亦提及最難堪嘅一次經歷，指某年喺電台頒獎典禮後台幫手，被上司指派佢搵唔同嘅歌手錄音。但其中一名歌手嘅態度卻令佢非常吃驚，對方喺聽到呢個請求後竟然直接將手上嘅紙條扔走並且立刻行開；而對方嘅唱片公司亦代該歌手道歉，令Bob得悉對方嘅脾氣平時應該唔太好！
Photo from 《月傾會》
Photo from 《月傾會》
Photo from 《月傾會》
而佢就忍唔住大爆對方「係男仔嚟嘅，都真係當時得令」形容外型靚仔；令唔少網民都開始猜測呢位男歌手嘅身份！
Photo from 《月傾會》
Photo from 《月傾會》
即睇更多人氣文章：
大爆方力申最難撮合！
除咗被稱為「金牌司儀」之外，Bob亦被網民封為「金牌媒人」，過往曾先後撮合過朱慧敏、張秀文，令二人都成功嫁得好歸宿。主持人就詢問「邊個係最難撮合嘅？」，Bob隨即回應係方力申！佢表示自己向方力申介紹女仔「我話睇下呢個啦真係幾好，而且人哋對你有好感啊」，但對方都婉拒。
Photo from 《月傾會》
Photo from TVB
直指對方擇偶條件高！
Bob忍唔住講笑咁話方力申「大佬！你連交友app都玩，咁點解你唔要個Friend介紹」，對此感到不解！佢明白對方有要求，希望能夠尋覓更好嘅另一半「但你連試下都唔話唔好」，認為咁樣難以令佢脫離單身一族。
Photo from 《月傾會》
林柏希代方力申解釋原因？！
不過主持人林柏希就話方力申曾向佢大呻「佢話你（Bob）太chur」，而Bob亦坦承曾經令對方感到尷尬「一去到即刻拉佢（方力申）去見個女仔，要佢哋握手交換電話咁。」
Photo from 《月傾會》
Photo from 《月傾會》
其實過往方力申喺出演節目《Tiger`s Talk》嘅時候就已經話Bob成日都會介紹新對象俾佢，但當時佢就大爆Bob介紹嘅對象「唔係剛剛離婚嘅，就係喪夫嘅」，似乎唔係太接受到由朋友幫手撮合戀情。
Photo from 《Tiger`s Talk》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
