download HolidaySmart 假期日常 app
內地膠囊旅館馬桶當床頭櫃,相比香港劏房竟係天淵之別?

內地膠囊旅館馬桶當床頭櫃,相比香港劏房竟係天淵之別?

時事熱話 生活熱話
By Pat on 02 Mar 2023
Digital Editor

香港住屋問題一直於社會上最為人討論,房租超貴空間又狹窄,但仍不少人選擇屈居於板間房上,但原來除了香港土地問題之外,近日內地就瘋傳一間旅館,除了房間的空間極度狹窄之餘,最令人咋舌的是床頭的位置居然對正廁所用的馬桶,等於大小二便都要在同一空間內進行,而且臉就在馬桶的旁邊細菌超多,有內地網民就大叫好嘔心!

與馬桶共眠的房間成為網民熱話Photo from 黑猫长@Youtube

馬桶房間一晚只需六十元人民幣

內地的土地廣闊,物價又偏向便宜,與馬桶共眠的房間其實應該不太常有,但內地一位博主「黑貓長」就於網上分享一條叫《0室0廳1衛》的影片,紀錄一下他在河南鄭州市小區內一間旅館體驗到的「特別感覺」,事緣「黑貓長」於團購網站上發現這個旅館房間覺得好震驚,更稱「覺得很離譜,怎麼可以會有這樣子的房間」,而且房間一日一晚只需要60元人民幣(約68元港幣),所以就決意要去拍片體驗一下。

房間一天只需60蚊人民幣Photo from 黑猫长@Youtube

「黑貓長」到達旅館後,其實當地員工曾提出幫他更換另一間較好的房間,但他仍然拒絕,更詢問該員工所謂「更好的房間」有什麼差別,員工就指出其實其他房型都採用類似的結構,「但至少馬桶有一個玻璃分隔」,聽完之後其實覺得沒差的他更想感受最原始的體驗,於是選擇逗留。但其實影片可見,房間內的間隔除了有一個奇怪的馬桶設計之外,其餘其實都好乾淨,而且配套齊全,有冷氣、可以見到陽光的窗戶、洗面盆、馬桶,最重要居然還有暖氣爐。

房間其實配套齊全Photo from 黑猫长@Youtube

居然仲有暖爐架!Photo from 黑猫长@Youtube

馬桶可以當凳坐Photo from 黑猫长@Youtube

「黑貓長」確實地感受過由睡床睡醒睜眼就見到馬桶的體驗之後,並且形容剛開始「與馬桶共眠」時,其實還能接受,但躺了一會就有點反胃撐不下去,覺得「給人的感覺就是很衛生,然後又很不衛生」。有網民就留言「這是在衛生間放了床嗎」、「馬桶細菌超多的」,並覺得鄭州也不是什麼寸金尺土的地方,不明白為什麼會有這些小酒店的存在。

「黑貓長」表示這個小區附近都是這種小酒店Photo from 黑猫长@Youtube

香港住屋環境相對惡劣

但綜合影片的資料,其實上述的旅館價錢跟環境對比香港的劏房已經很好,社企銀杏館早前就去探望一些劏房戶,同樣一晚差不多60幾元港幣的劏房,衛生環境跟配套設施簡直是天淵之別,月租逾2000元港幣,不單止共用廚房的環境骯髒又惡劣,而且中間位置無緣無故同樣竟擺放一個馬桶,煮食跟大小二便混在同一空間內實在令人嘔心,而且住客的居住空間只夠容納一張單人床,就連少許的多餘活動空間都沒有,網民不禁認同香港的貧富懸殊確實非常嚴重,希望將來的日子可以逐漸改善。

廚房的環境骯髒惡劣,中間位置竟擺放一個馬桶Photo from 銀杏館@Facebook

住客居住空間只夠容納一張單人床,就連少許的多餘活動空間都沒有Photo from 銀杏館@Facebook

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

人妻等6年獲派新公屋,呻樓層太高、返工太遠!網民:咁自己買樓囉

May 20, 2022

喺香港輪候公屋需時起碼要幾年,近日小紅書一位人妻就分享佢等咗6年終於獲派位於粉嶺嘅新公屋「皇后山邨」,不過佢有唔少顧慮,掀起網民熱議,有人直言佢要求多!

喺香港輪候公屋需時起碼要幾年Photo from 《幻愛》劇照

人妻同老公等6年獲派粉嶺新公屋二人單位

香港輪候公屋嘅人數持續上升,輪候時間平均亦超過6年。近日小紅書一位網民就分享佢終於獲派公屋嘅通知書,網友喺小紅書嘅個人資料所在地中寫咗「廣東深圳」。

近日小紅書一位網民就分享佢終於獲派公屋嘅通知書Photo from 小紅書

網友喺小紅書嘅個人資料所在地中寫咗「廣東深圳」。Photo from 小紅書

佢表示同老公自2016年起就輪候公屋,屆時6年終於喺老公生日當日收到信,佢哋獲派位於粉嶺嘅新公屋「皇后山邨」嘅二人單位。

人妻表示同老公自2016年起就輪候公屋,屆時6年終於喺老公生日當日收到信Photo from 《戲子》劇照

怕高、離返工地方遠、怕曬

人妻指佢上網睇過戶型圖同周邊環境都幾滿意,不過單位係超高層,人妻稱:「有點怕高」,又話不足之處係公屋距離返工嘅地方好遠,糾結緊好唔好再搏下,但又擔心下一次會派啲條件更差嘅畀佢哋。

人妻指佢上網睇過戶型圖同周邊環境都幾滿意,不過單位係超高層,人妻稱:「有點怕高」Photo from 小紅書

人妻糾結緊好唔好再搏下,但又擔心下一次會派啲條件更差嘅畀佢哋。Photo from 《我的野蠻女友》劇照

人妻回應網民時表示佢見到唔少人拒絕咗後,第二次都係派到去舊樓,佢又稱獲派單位似乎係朝西北,驚會好曬。

人妻回應網民時表示佢見到唔少人拒絕咗後,第二次都係派到去舊樓Photo from 小紅書

佢又稱獲派單位似乎係朝西北,驚會好曬。Photo from 《82生的金智英》劇照

網民:新樓都唔要,等派舊樓

有好多網友留言指佢獲派新樓已經好好彩:「以後你會後悔!」、「新樓都唔要,等派舊樓喇!」人妻就表示佢無話唔要,但仍未確定要,仲喺度權衡利弊。

有好多網友留言指佢獲派新樓已經好好彩:「以後你會後悔!」、「新樓都唔要,等派舊樓喇!」Photo from 小紅書

人妻就表示佢無話唔要,但仍未確定要,仲喺度權衡利弊。Photo from 小紅書

人妻話新樓好好,佢同老公都好幸運,但老公喺屯門工作,如果住粉嶺皇后山邨每日要好早起身,又要轉好幾程車,如果熬唔住可能會辭職,所以仲喺份工同新樓之間做選擇。

老公喺屯門工作,如果住粉嶺皇后山邨每日要好早起身,又要轉好幾程車,如果熬唔住可能會辭職Photo from 《幻愛》劇照

佢哋仲喺份工同新樓之間做選擇。Photo from 《幻愛》劇照

有網民直言:「自己買吧,想買邊都得」,人妻即反擊:「是哪裡看得不爽???」有人就認為收到信嘅都會考慮有關嘅問題,所以先有3次機會,指人妻嘅顧慮係人之常情。

有網民直言:「自己買吧,想買邊都得」,人妻即反擊:「是哪裡看得不爽???」Photo from 小紅書

有人就認為收到信嘅都會考慮有關嘅問題,所以先有3次機會,指人妻嘅顧慮係人之常情。Photo from 《鯊魚》劇照

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

女士返內地避疫情痛失公屋單位!大呻已輪候8年,卻獲網民一面倒批評!近況更新,疑似失而復得?

7 Apr 2022

香港住屋問題一直都存在,市民輪候公屋嘅時間逐年上升,現時平均輪候時間為6年。日前,有位女士大呻等咗8年成功獲分配公屋,但卻因為佢返內地避開第五波疫情導致錯失機會!然而事件引起網民不滿,批評佢係佔用社會資源!

香港公屋平均輪候時間係6年,再創新高!Photo from ViuTV

# 女士選擇返內地避疫情!

香港地少人多,房屋問題成為主要嘅社會問題!最近,一位女士表示自己已經輪候公屋長達8年,但由於早前爆發第五波疫情,所以佢喺新年期間選擇返內地2個月過年同避疫。

早前香港爆發第五波疫情!Photo from 韓劇《幽靈醫生》

女士新年期間就選擇返內地避疫!Photo from 韓劇《我的室友是九尾狐》

# 不幸錯失公屋單位!

直到女士回港後,發現房屋署喺佢離港期間編配咗位於深水埗海達邨公屋單位俾佢。可惜,佢未能夠及時向房屋署作出答覆,導致與公屋「擦身而過」!3月初,女士獲得通知佢已經錯失是次編配機會,由於佢冇回覆嘅原因並唔合符「可被接納」理由,所以佢只剩下2次機會。

但原來女士返內地期間,已經獲分配公屋單位!Photo from 小紅書

# 向網民尋求方法

女士對此感到非常懊惱,仲表示「跟房屋處(署)約好保留單位」,對於突然失去分配公屋嘅機會感到失望,詢問網民有冇其他方法可以挽救!

女士對於錯失機會而感到痛心,自稱與房屋署預留公屋單位?!Photo from 小紅書

失望嘅佢詢問網民解決方法!Photo from 《暖男爸爸》

# 網民批評佔用資源?!

然而,女士嘅post並未能夠獲得網民嘅同情!唔少網民都認為佢既然能夠返內地避疫,即係代表仲有其他地方可以居住,應該將公屋單位留俾更有需要嘅人「證明你不是常住香港吧」、「房屋署為什麼要等你?香港這麼多人」等留言。

網民認為會選擇返內地避疫,即係代表佢並非長期留喺香港!Photo from 小紅書

網民批評女士佔用香港房屋資源!Photo from 小紅書

# 網民羨慕能獲分配新建成公屋

有網民就指樓主獲分配嘅海達邨係新建成嘅,而且地段非常好,交通十分方便,認為樓主今次真係錯失良機「如果真係派到,我幾遠都趕返嚟」!部份網民就非常羨慕,當中唔少應該都仲等待緊公屋單位。

唔少網民都好羨慕女士擁有獲分配公屋嘅機會!Photo from 韓劇《喪屍偵探》

網民大讚深水埗海達村嘅地段方便~Photo from 小紅書

# 女士更新最新情況!

其後,女士於昨日(6日)再上載空置單位嘅照片,並寫上「謝謝你們的關注,也謝謝政府給予我個家」,但就並未有多作解釋,未知道係咪成功爭取到「約定保留」嘅公屋單位呢?!

女士昨日又再上載照片,唔知道圖中嘅係咪相關嘅公屋單位呢?!Photo from 小紅書

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel