download HolidaySmart 假期日常 app
楊紫瓊男友相愛19年正式結婚!一見鍾情相識個半月就求婚!為事業拒當少奶奶

楊紫瓊男友相愛19年正式結婚!一見鍾情相識個半月就求婚!為事業拒當少奶奶

娛樂新聞
By Jennifer on 28 Jul 2023
Digital Editor

楊紫瓊成首位亞裔奧斯卡影后,再創事業高峰!佢喺得獎感言中為女性發聲,楊紫瓊演藝事業十分成功,佢同樣收穫美好愛情,與前法拉利CEO Jean Todt相愛19年,近日兩人終拉埋天窗,正式結婚!

楊紫瓊成首位亞裔奧斯卡影后,再創事業高峰!Photo from ViuTV

楊紫瓊大熱奪得奧斯卡最佳女主角

楊紫瓊從影近40年,曾經拍攝過多部經典嘅電影,佢好早就已經喺荷李活發展,直到2022年佢憑住《奇異女俠玩救宇宙》,橫掃多個頒獎典禮嘅「最佳女主角」,包括極具份量嘅金球獎最佳音樂及喜劇類電影女主角,更再下一城,大熱奪得奧斯卡最佳女主角!

2022年楊紫瓊憑住《奇異女俠玩救宇宙》,橫掃多個頒獎典禮嘅「最佳女主角」Photo from 楊紫瓊 IG

楊紫瓊獲金球獎最佳音樂及喜劇類電影女主角Photo from 楊紫瓊 IG

成為首位亞裔奧斯卡影后,楊紫瓊嘅職業生涯再創巔峰,近年佢出演多套電影《我的超豪男友》、《尚氣與十環幫傳奇》,今年60歲嘅佢依然活躍於演藝圈。事業獲得成功嘅楊紫瓊,愛情同樣得意。

事業獲得成功嘅楊紫瓊,愛情同樣得意。Photo from 楊紫瓊 IG

楊紫瓊與前法拉利CEO Jean Todt愛情長跑19年終結婚

近日一級方程式賽車手Felipe Massa喺IG公開楊紫瓊與前法拉利CEO Jean Todt嘅喜帖,當中透露兩人於2004年6月4日喺上海相識,到7月嘅時候Jean更求婚成功,求婚19年後佢哋終於喺2023年嘅7月於瑞士日內瓦成婚!

近日一級方程式賽車手Felipe Massa喺IG公開楊紫瓊與前法拉利CEO Jean Todt嘅喜帖Photo from Felipe Massa IG

兩人於2004年6月4日喺上海相識,到7月嘅時候Jean更求婚成功,求婚19年後佢哋終於喺2023年嘅7月於瑞士日內瓦成婚! Photo from Felipe Massa IG

楊紫瓊男友Jean Todt對佢一見鍾情

楊紫瓊與Jean相戀19年依然甜蜜。Jean Todt係法國人,曾任國際汽聯主席、一級方程式法拉利車隊執行董事。男友大楊紫瓊17歲,但年齡並未成為兩人嘅阻礙。

楊紫瓊與現任前法拉利CEO Jean Todt感情穩定Photo from 楊紫瓊 IG

Jean Todt係法國人,曾任國際汽聯主席、一級方程式法拉利車隊執行董事Photo from 楊紫瓊 IG

楊紫瓊2004年大方認愛,當時佢表示喺一次晚宴Jean Todt對佢一見鍾情,更向佢表白示愛。確定關係後男友亦一直都好尊重同支持楊紫瓊嘅事業,因此公開戀愛近20年佢哋感情依然不變。

楊紫瓊2004年大方認愛,當時佢表示喺一次晚宴Jean Todt對佢一見鍾情,更向佢表白示愛Photo from 楊紫瓊 IG

男友亦一直都好尊重同支持楊紫瓊嘅事業,因此公開戀愛近20年佢哋感情依然不變。Photo from 楊紫瓊 IG

楊紫瓊曾與潘迪生結婚,不甘做少奶奶離婚

同男友拍拖之前,楊紫瓊曾有過一段婚姻,佢與電影公司創辦人潘迪生結婚,婚後更息影將精力放喺家庭,然而好快佢就發現自己唔想過少奶奶嘅生活,於是喺1992年離婚並復出拍戲。楊紫瓊早喺1997年就已經擔任007系列《新鐵金剛之明日帝國》(Tomorrow Never Dies)嘅女主角,但荷李活之路絕對唔易行。

楊紫瓊曾有過一段婚姻,佢與電影公司創辦人潘迪生結婚,婚後更息影將精力放喺家庭,然而好快佢就發現自己唔想過少奶奶嘅生活Photo from 楊紫瓊 IG

荷李活之路不易,楊紫瓊積極出演亞裔電影

楊紫瓊坦言當時荷李活對亞裔、華裔嘅刻板印象好深,佢喺拍攝《臥虎藏龍》前有2年都無工作。之後佢亦參演唔少亞裔主題嘅電影,如《藝伎回憶錄》、《我的超豪男友》等。除咗積極參與荷李活嘅亞裔電影外,佢喺奧斯卡得獎台上亦不忘為女性發聲。

楊紫瓊坦言當時荷李活對亞裔、華裔嘅刻板印象好深Photo from 楊紫瓊 IG

之後楊紫瓊亦參演唔少亞裔主題嘅電影,如《藝伎回憶錄》、《我的超豪男友》等Photo from 《我的超豪男友》

楊紫瓊喺奧斯卡得獎台上亦不忘為女性發聲。Photo from 《奇異女俠玩救宇宙》

楊紫瓊感言中提到女性唔好畀任何人對自己下定義,話佢哋年華已逝:「Never give up!」楊紫瓊更獲Hermès推出一款以佢姓氏「楊」為名嘅手袋「Yeoh bag」!

楊紫瓊感言中提到女性唔好畀任何人對自己下定義Photo from ViuTV

楊紫瓊更獲Hermès推出一款以佢姓氏「楊」為名嘅手袋「Yeoh bag」!

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

奇異女俠玩救宇宙|楊紫瓊成奧斯卡影后,成龍指導演本身搵佢拍先!

13 Mar 2023

楊紫瓊憑電影《奇異女俠玩救宇宙》成為首位亞裔奧斯卡影后。佢近日受訪就透露自己奪得金球獎後獲成龍send短訊祝賀,短訊中成龍提到本來導演係搵佢出演先,楊紫瓊更直言成龍走寶,掀起熱議。

楊紫瓊憑電影《奇異女俠玩救宇宙》奪得金球獎Photo from NBC

楊紫瓊進軍咗荷李活好長時間,近年佢產量好高,除咗有Marvel電影《尚氣與十環幫傳奇》、《我的超豪男友》等,票房成績十分亮眼,2022年佢擔正嘅《奇異女俠玩救宇宙》收穫極佳口碑,楊紫瓊更憑呢套戲勇奪奧斯卡最佳女主角!亦係金球獎音樂喜劇類最佳女主角。

2022年楊紫瓊擔正嘅《奇異女俠玩救宇宙》更收穫極佳口碑Photo from 《奇異女俠玩救宇宙》

楊紫瓊更憑呢套戲勇奪奧斯卡最佳女主角!Photo from ViuTV

《奇異女俠玩救宇宙》大獲好評,楊紫瓊連奪金球獎、奧斯卡影后。日前佢上節目做嘉賓,就證實導演親自到內地同成龍見面,邀請佢出演電影主角,不過最後成龍並未接拍電影。

《奇異女俠玩救宇宙》大獲好評,楊紫瓊更成為今屆奧斯卡金像獎「最佳女主角」嘅有力得獎人選。Photo from 《奇異女俠玩救宇宙》

最近楊紫瓊上節目做嘉賓,就證實導演親自到內地同成龍見面,邀請佢出演電影主角,不過最後成龍並未接拍電影。Photo from The Graham Norton Show

有指之後導演及編劇將劇本改成由楊紫瓊擔任主角,並搵嚟關繼威出演楊紫瓊嘅老公,亦即係最初設定中成龍飾演嘅角色。上映後電影大獲成功,更喺唔同嘅頒獎禮上奪得多項獎項,尤其係女主角楊紫瓊仲攞埋金球獎影后,又成為首位亞洲演員奪得奧斯卡最佳女主角。

有指之後導演及編劇將劇本改成由楊紫瓊擔任主角,並搵嚟關繼威出演楊紫瓊嘅老公Photo from 《奇異女俠玩救宇宙》

上映後電影大獲成功,更喺唔同嘅頒獎禮上奪得多項獎項Photo from 《奇異女俠玩救宇宙》

女主角楊紫瓊仲攞埋金球獎影后,又成為首位亞洲演員奪得奧斯卡最佳女主角。Photo from ViuTV

於節目中楊紫瓊就表示佢奪得金球獎影后收到成龍嘅短訊,祝賀佢攞獎,不過就指:「Congratulations for your movie, but did you know your boys came to see me first!」表示導演其實係搵咗自己先。而一向同成龍份屬好友嘅楊紫瓊亦回覆佢指係佢嘅損失:「Your loss!Bro!」

於節目中楊紫瓊就表示佢奪得金球獎影后收到成龍嘅短訊Photo from The Graham Norton Show

成龍:「did you know your boys came to see me first!」嘉賓都露出驚訝表情但楊紫瓊表示:「It's okay! We are good friend.」Photo from The Graham Norton Show

成龍雖然早已進軍荷李活,但之後佢卻未有喺荷李活繼續發展,佢於內地綜藝節目中表示以往因為英文發音而經常NG,加上拍戲時劇組關心佢嘅發音多過佢嘅動作表現,於是成龍決定:「我說我不能這樣下去,所以我放棄了美國市場。」

成龍於內地綜藝節目中表示劇組關心佢嘅發音多過佢嘅動作表現,於是放棄美國市場Photo from 《無限超越班》

楊紫瓊表示佢同成龍係好朋友,不過多年前佢曾指成龍大男子主義,認為女性應該要留喺屋企煮飯。有網友就指原劇本要成龍做慈父同佢真實形象不符,稱如果當初成龍接指電影應該無依家咁成功。

楊紫瓊表示佢同成龍係好朋友

有網友就指原劇本要成龍做慈父同佢真實形象不符Photo from LIHKG

網民稱如果當初成龍接指電影應該無依家咁成功。Photo from Oscars

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel