TVB客戶苦呻搵唔到徐小姐落廣告 身份成謎! 阿Bob解答:營業部要出返糧俾我
TVB多年來經常推銷自家廣告套餐，當中不斷提到「營業部徐小姐」，相信各位觀眾對這個名字也不會陌生，不過近日有人聯絡林盛斌（Bob）查詢向TVB營業部徐小姐落廣告的方法，大爆TVB廣告部電話無人接聽，一直找不到「徐小姐」此人，開始質疑「TVB徐小姐」只是一名虛構人物。
Photo from Bob Lam 林盛斌 FB
TVB營業部徐小姐身份成謎
TVB一直以來都有推銷自家廣告套餐及活動策劃服務，而這些宣傳影片尾段通常都會以一句話作結，就是「大家快啲搵TVB營業部徐小姐查詢」不過這些片段中，徐小姐都沒有出鏡，每次都是由TVB自家藝人代表宣傳，其中阿Bob曾在某個廣告中扮演徐小姐。雖然「TVB徐小姐」的名字廣為人知，但有網民表示從沒看過「徐小姐」本人的真面目，其真實身份成謎，更質疑根本從來沒有此人存在。
Photo from TVB
Photo from TVB
客戶無法聯絡徐小姐 轉搵阿Bob求肋
阿Bob昨日（12日）在社交平台分享照片，表示有客戶向他的經理人查詢有關在TVB登廣告的詳情，該客戶爆料指一直找不到營業部徐小姐，又稱TVB廣告部的電話完全無人接聽，無奈之下只好找曾於廣告扮演過徐小姐的阿Bob求肋。阿Bob坦言不時都收到類似的私信，自言上次拍廣告扮徐小姐，形象太深入民心，讓很多人都誤會了他有兼任TVB營業部的工作，笑稱：「我覺得TVB營業部要出返一份糧俾我。」不少網民都非常好奇徐小姐的真實物份，紛紛留言問阿Bob：「其實有冇徐小姐呢個人？」、「廣告部唔係真係有徐小姐咩」阿Bob則回應：「你估吓」、「應該係」
Photo from Bob Lam 林盛斌 FB
Photo from Bob Lam 林盛斌 FB
阿Bob扮徐小姐形象深入民心
阿Bob近年為TVB廣告套餐拍宣傳片，當中更假扮「徐小姐」演出，片中他以紅色毛衣配恤衫煲呔的造型亮相，然後為觀眾推介TVB 家傳戶曉廣告套裝，尾段他戴上眉上瀏海假髮，身穿OL裝扮女人，他表示：「其實我就係TVB營業部徐小姐，你估我唔到呢，快啲打嚟搵我啦！」阿Bob在廣告出街後亦有分享假扮「徐小姐」的照片，更寫道：「呢排出街好多人叫我「徐小姐」........」當時亦有不少網民讚他造型搞笑，有人笑言：「槌小姐」，睇到妳嘅尊容，真係有一股想「錘」妳嘅衝動！」
Photo from Bob Lam 林盛斌 FB
Photo from TVB
Photo from TVB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
Bob林盛斌自稱小學係校草！做金牌媒人指40歲仲單身一定性格有缺憾
7 May 2022
Photo from Bob IG
小學係校草風頭躉
Bob聲稱佢小學係校草！更公開咗唔少童年照做證，佢表示自己小學已經開始做司儀、成績係全級前10名，又係足球隊隊長，當時係校內風頭躉。
Photo from 陳敏之 YouTube
Photo from 陳敏之 YouTube
不過可惜中學時期身型發生咗異變，阿Bob表示佢喺中學時期係小霸王，會幫同學仔出頭，陳敏之即表示佢可能係當時造就佢依家咁中意幫人。
Photo from 陳敏之 YouTube
「金牌媒人」成功撮合至少十對情侶
提到佢係「金牌媒人」，阿Bob透露佢撮合過嘅couple圈內圈外起碼有十對八對，包括朱慧敏、張秀文等。不過佢指自己成功係經過無數歷煉：「係唔容易㗎！大把人約到出嚟先話（對象）唔得喎」
Photo from 陳敏之 YouTube
Photo from Bob IG
Photo from Bob IG
40歲仲單身一定有缺憾？
阿Bob又指佢做過統計去到30歲中後至40幾歲都仲係單身嘅男女，性格一定有嚴重缺陷：「例如口不對心」佢指男性會稱擇偶條件「唔使靚」但其實要樣靚身材正；女性稱「唔使有錢」但又會不滿對方揸太平嘅車。
Photo from 陳敏之 YouTube
佢指通常條件好嘅人要求會比較合理，反而自身條件唔太好會提出好多要求：「當我介紹咗畀佢哋之後呢，男嘅又話佢蛀牙，女嘅又話佢個樣唔夠精神」阿Bob稱眼緣係好重要，但眼緣係可以越睇越順眼！
Photo from 陳敏之 YouTube
揚言下一個撮合對象係胡定欣！
阿Bob揚言下一個要「搞掂」嘅人係胡定欣，佢稱胡定欣有好多優點：獨立、搵到錢。佢表示曾向男性朋友介紹，但對方會覺得胡定欣好似好惡，阿Bob指：「佢嘅溫柔、可愛、女性化係好正！」
Photo from 陳敏之 YouTube
Photo from 胡定欣 IG
Photo from 陳敏之 YouTube
佢表示了解到胡定欣都有啲要求，曾經同對方討論過，覺得要搵到一啲令胡定欣欣賞嘅對象會適合啲，阿Bob：「我會努力㗎！胡定欣等等。」
Photo from 胡定欣 IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
林盛斌Bob被爆一年賺$2000萬！由電台Sales變隱形富豪！身家達半億住3層獨立豪宅
21 Apr 2021
《大整蠱》首集阿Bob（林盛斌）再成整蠱對象，節目中C君@農夫爆料佢曾一年賺$2,000萬，入行初期佢僅獲底薪6、7千，至今已成圈中隱形富豪！
Photo from TVB
41歲嘅阿Bob喺2013年出演李思捷節目《玩嘢王》，做婚禮司儀嘅佢被連番整蠱，但仍盡力「執生」，當年更成為「金牌婚禮MC」。
Photo from TVB
Photo from TVB
喺《大整蠱》第一集，主持人之一嘅C君就大爆：「佢嗰年賺咗$2,000萬，係真㗎！」，有傳阿Bob係「爆騷王」，各種商業活動都會邀請佢做司儀，酬勞亦相當可觀，每場高達6位數字。
Photo from TVB
Photo from TVB
雖然阿Bob未曾正面回應收入，但佢一家6口由加多利山3,000呎豪宅搬去九龍塘三層獨立屋，相信近呢幾年應該賺唔少。
Photo from 林盛斌IG
Photo from 林盛斌IG
其實佢大專畢業後喺新城電台做咗9個月sales，呢份係佢人生中第一份工，阿Bob回想起當年嘅銷售成績，認為算唔錯，阿Bob曾經喺IG長文中指：「由起初底薪六七千蚊，只係短短半年時間，到我離職嘅時候差唔多出緊六七萬一個月」
Photo from 林盛斌IG
到2003年佢正式成為電台DJ，並參與節目《新香蕉俱樂部》，2012年加入TVB後佢有更多做MC嘅機會，呢幾年除咗做電視節目嘅主持，亦接咗好多job，甚至仲開埋公司做老闆。
Photo from 林盛斌IG
阿Bob密密做司儀，job接job，吸金力超驚人，有指佢已成圈中隱形富豪，身家達半億，現時一家六口住九龍塘豪宅，連C君都感歎「大過地球」！
Photo from 林盛斌IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
