download HolidaySmart 假期日常 app
麥當勞經理戴勞力士被嘲?網民提2點返工唔應該戴勞力士原因被批

麥當勞經理戴勞力士被嘲?網民提2點返工唔應該戴勞力士原因被批

生活熱話
By Wing Ws on 14 Mar 2023
Digital Content Writer

網絡上對戴名牌返工似乎仍有唔少爭議,近日,就有網民發現有麥當勞員工戴勞力士手錶返工,甚至引起返工應否戴勞力士嘅討論。

網民上對戴名牌返工仍有唔少爭議。Photo from 《Matrix 3》劇照

日前,有網民於FB群組分享指:「而家做m記都可以戴勞力士?」,照片中,該名身穿麥當勞經理制服嘅員工左手戴勞力士手錶,並正在炒薯條。有關照片引起網民熱議,網民紛紛留言,認為唔係奇事,並批評樓主說法:「執紙皮都可以有成百萬身家」、「應該係假嘢又或者攞住老豆隻勞戴住先」、「樓主真系好無聊!唔抵得人地做麥記有勞戴」、「打工搵錢買 冇咩問題啫」。

網民發現有麥當勞員工戴勞力士手錶返工。Photo from 好fashion呀你 FB群組

據指,呢款名為「Oyster Perpetual Cosmograph Daytona」、編號116500LN嘅勞力士手錶喺官網上售價115,500蚊,不過網上炒價已經超過20萬。

呢款勞力士網上炒價已經達20萬。Photo from Rolex 官網

同日,有網民疑似暗指該名麥當勞經理,於「連登討論區」以「戴勞力士返工正一onX」為題開帖,提出2點打工仔唔應該戴勞力士返工嘅原因。樓主認為「除非你係老細」,唔係嘅話,「中低層」打工仔唔應該戴勞力士返工,否則會有2個後果:第一,會被人以為「你搵好多」,但事實上,「你title(職位)同grade(等級)大家都已經知你搵幾多 無意思亦無得呃」;第二,老細或會認為員工「工作以外搵好多錢」或「可能屋企有錢」,因此認為員工「本身都有錢 番工可以懶懶閒 無心做」,又或者「老細見到你咁有錢 都唔洗點加你人工啦 不如留比d有需要既同事」。

網民認為「中低層」打工仔唔應該戴勞力士返工。Photo from 連登討論區

對於樓主睇法,網民幾乎一面倒批評,認為帶勞力士返工好正常:「大把普通非名店sales戴」、「都係一個月糧到幾個月糧姐 有幾咁巴閉」、「其實勞好平民」,又認為樓主多管閑事:「人地搵錢返嚟點樣洗係人地嘅事」、「樓主你係咪買唔起所以唔抵得」、「鐘意戴咪戴洗咩諗咁多 貧窮會限制思想原來係真」,另有網民提出戴名錶同賺錢能力無關:「子華神都話,戴勞力士先代表時間係寶貴 搵幾多唔緊要,大家時間觀念唔同已經唔需要溝通」。不過,都有網民表示認同:「雖然好多人話無問題,但事實上真係好多onX老細因為你有多兩個錢就搵d野難下你」。

網民覺得勞力士好平民。Photo from 連登討論區

網民認為情況正常。Photo from 連登討論區

網民認為樓主多管閑事。Photo from 連登討論區

網民留言。Photo from 連登討論區

網民出動埋子華神格言!Photo from 連登討論區

有網民表示認同。Photo from 連登討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

港女住公屋被姑奶勸唔好用名牌手袋:一定當你用緊A貨!

19 Apr 2021

有網友喺親子王國討論區開post指自己買咗Hermès姑奶提醒佢住公屋記住唔好再用名牌,仲話會畀人當係A貨,令佢怒火中燒!

有網友喺親子王國討論區開post指自己買咗Hermès姑奶提醒佢住公屋記住唔好再用名牌Photo from 三十而已

近日網上有一位人妻喺討論區親子王國開post「『住公屋就唔好用H袋喇!』唔知咩邏輯既姑奶」,直指佢姑奶「發癲」。

網上有一位人妻喺討論區親子王國開post「『住公屋就唔好用H袋喇!』唔知咩邏輯既姑奶」Photo from TVB

樓主表示最近受到H牌VVVIP嘅老闆娘所影響,自己都買咗幾個H牌袋,而姑奶見親都會望下再讚兩句,但樓主就指:「我都無咩畀大反應佢,多謝下算。」

樓主表示最近受到H牌VVVIP嘅老闆娘所影響,自己都買咗幾個H牌袋,而姑奶見親都會望下再讚兩句Photo from TVB

本來相安無事,但有次樓主同老公去奶奶度食飯,姑奶都在場,樓主同老公即將搬入公屋,佢指姑奶:「佢唔知咩事咁HIGH,成晚係咁講野,又關心我地間公屋裝修成點、幾時搬」

有次樓主同老公去奶奶度食飯,姑奶都在場Photo from TVB

點知樓主姑奶無啦啦講:「遲啲搬咗就要收埋晒啲靚袋喇!住公屋用H袋,人哋一定當你用緊A貨!」令樓主非常嬲!樓主指自己忍唔住即刻冷笑一聲,本來唔想應對方,但都禮貌回:「係咩?」

樓主姑奶無啦啦講:「遲啲搬咗就要收埋晒啲靚袋喇!住公屋用H袋,人哋一定當你用緊A貨!」Photo from TVB

樓主表示平時姑奶經常講嘢扮cute、反應勁大勁誇張已經好令人反感:「不過你唔搞著我就無問題。依家無啦啦發癲,今年內都唔想再見到佢!」

樓主表示平時姑奶經常講嘢扮cute、反應勁大勁誇張已經好令人反感Photo from 親子王國討論區

雖然樓主無直接指手袋嘅品牌,不過大部分人都認為係Hermès。有網友認為樓主姑奶可能當咗樓主啲袋係A貨,所以諗住chok下佢,樓主直言:「井底之蛙,自己買唔起就以為全世界人都買唔起」亦有網友認為姑奶係妒忌樓主:「我覺得佢係葡萄你咋喎,我係你,我真係次次見佢都咩唔同款H呀,激死佢」

雖然樓主無直接指手袋嘅品牌,不過大部分人都認為係HermèsPhoto from 三十而已

有網友認為樓主姑奶可能當咗樓主啲袋係A貨,所以諗住chok下佢Photo from 親子王國討論區

親子王國討論區Photo from 親子王國討論區

不過有網民就質疑樓主買得起名牌袋點解要住公屋:「你買得起就唔好住公屋啦!係咪呃緊政府資源?」、「事實上公屋真係比生活唔富裕嘅人住、手頭上唔算鬆動嗰啲人住,你買得呢個牌子仲住公屋住到理直氣壯」、「一個H袋分分鐘係幾年嘅公屋租金價錢!不如你呢位公屋有錢人分享下點先可以咁容易呃到公屋嘅入息資產審查比大家見識下」、「其實唔係住公屋唔好用H袋,應該話用H袋就唔好住公屋啦。就算買唔到樓,都肯定有能力租樓啦,最無恥係仲上網大言不慚咁講。」

親子王國討論區Photo from 親子王國討論區

親子王國討論區Photo from 親子王國討論區

親子王國討論區Photo from 親子王國討論區

親子王國討論區Photo from 親子王國討論區

樓主就回應:「度度都有窮人有有錢人啦,住山頂代表有錢咩?可能揹住幾層2按/3按樓呢?邊個知」,對於被指呃緊政府資源,樓主表示:「呃唔呃呢就見人見智啦」

樓主就回應:「度度都有窮人有有錢人啦,住山頂代表有錢咩?可能揹住幾層2按/3按樓呢?邊個知」Photo from 親子王國討論區

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel