download HolidaySmart 假期日常 app
小儀自爆曾想嫁余迪偉!原來當奴都承諾過娶小儀?試過放飯途中買咗部車?

小儀自爆曾想嫁余迪偉!原來當奴都承諾過娶小儀?試過放飯途中買咗部車?

娛樂新聞
By Wing Ws on 14 Mar 2023
Digital Content Writer

ViuTV節目《晚吹-讓我一次買個夠》下周一(20日)邀請到小儀擔任嘉賓,節目中談及小儀日常花費,小儀更自爆曾因一事想嫁余迪偉,連當奴都話曾經想娶小儀!

小儀將於下周播放《晚吹-讓我一次買個夠》擔任嘉賓。Photo from ViuTV

當奴曾承諾娶小儀

現年52歲嘅小儀係圈中有名嘅「黃金盛女」,有樓有車又開鋪,但感情事未有着落,2010年與出版社CEO黃志暉分手後,一直自稱單身,雖多次傳出緋聞,但本人就未有證實消息。節目中,當奴就自爆,當年曾經承諾,如果無拖拍就會娶小儀,又講笑咁解釋,因為嗰陣小儀係電台入面最早買樓嘅人,所以要泊定個「好碼頭」︰「因為佢(小儀)係儲好多錢,仲早過少爺占買樓,所以我就諗娶佢都正,可以有層樓。」當奴去年被爆與張致恆家姐張詠恩離婚5年,兩人於2011年結婚。

小儀於節目中談及日常花費。Photo from ViuTV

當奴就自爆當年曾經承諾,如果無拖拍就會娶小儀。Photo from ViuTV

自爆曾想嫁余迪偉

小儀聞言即指,原來同一時間,小儀亦都向余迪偉表明想嫁畀佢:「因為佢(余迪偉)有加拿大籍,所以我同佢講如果第日無人要嘅話,可唔可以嫁畀佢。」

小儀都自爆曾想嫁余迪偉。Photo from 余迪偉 IG

放飯途中買咗部車

小儀嘅吸金力極強,消費力都有咁上下!講到最瘋狂嘅一次購物經歷,小儀表示試過喺拍節目放飯途中買咗部車。小儀解釋,由於當時某品牌嘅指定車輛有折扣,加上購物慾旺盛,於是放飯時,與金剛、導演一齊睇車,試坐嘅時候有問金剛意見︰「我話金剛你咁肥大,坐得舒唔舒服?金剛話有少少頂但係OK,咁跟住我就買咗。」

小儀表示試過喺拍節目放飯途中買咗部車。Photo from ViuTV

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

49歲小儀每段戀情都輸畀第三者 曾遇7年之癢飽受情傷!想向每一位前度道歉

7 Oct 2020

ViuTV節目《吃掉前男友》邀請小儀做嘉賓,佢自爆情史,話每段戀情都輸畀第三者。難忘一段7年感情,男友出軌令佢深受情傷。小儀又指想向每一位前度道歉:「只係我做得唔好」

一連兩集,小儀會做嘉賓出演ViuTV節目《吃掉前男友》,佢更於節目中大談感情生活。

小儀會做嘉賓出演ViuTV節目《吃掉前男友》,佢更於節目中大談感情生活。Photo from 《吃掉前男友》

小儀提到傷得最深嘅一段情係同前度交往7年,由讀書到工作,佢憶述當年兩人做嘢後各有各忙,都集中於工作方面,漸漸感情變淡。

小儀提到傷得最深嘅一段情係同前度交往7年,由讀書到工作Photo from 《吃掉前男友》

小儀憶述當年兩人做嘢後各有各忙,都集中於工作方面,漸漸感情變淡。Photo from 《吃掉前男友》

佢指對方出軌:「我無再追究,但當中一定牽涉第三者!」呢段情令佢花好多時間療傷,甚至重遊舊地會無法自控默默流淚。

小儀指對方出軌:「我無再追究,但當中一定牽涉第三者!」呢段情令佢花好多時間療傷Photo from 《吃掉前男友》

小儀又表示:「我次次都衰畀第三者,唔知點解,可能係命!」佢更指有諗過同呢個拍拖7年嘅男友結婚,可惜最後兩人都係分手。

小儀又表示:「我次次都衰畀第三者,唔知點解,可能係命!」Photo from 小儀Facebook

雖然飽受情傷,但小儀自言仍憧憬結婚,佢一度感觸落淚,表示想向每一位前度道歉:「以前會埋怨對方,點解咁對自己?可能只係我做得唔好。」

雖然飽受情傷,但小儀自言仍憧憬結婚Photo from 小儀Facebook

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel