王晶女兒王子涵買衫被指老土？曾留學英國時裝設計，開網店賣衫未返《愛回家》
現年33歲嘅王子涵係導演王晶嘅女，2015年加入TVB，曾於清談節目《姊妹淘》擔任節目主持，參演唔少電影電視劇，去年憑處境劇《愛回家之開心速遞》中飾演「蔡玉皎」一角成功入屋，始為觀眾熟悉。
Photo from 王子涵 IG
近日，王子涵於社交平台上分享7套衣服穿搭，指：「韓國onni小姐姐穿搭 逛了東大門三天讓你們看看我的收穫」，大晒於韓國旅行時購買嘅戰利品，另於IG上tag咗個人服裝網店，其中，有標語Tee配鮮粉色長褲、短版上衣搭蛋糕紗裙等造型，睇落簡約休閑，不過卻有指王子涵揀品味老土，襯出嚟嘅配搭唔好睇。
Photo from 王子涵 抖音
Photo from 王子涵 抖音
Photo from 王子涵 抖音
Photo from 王子涵 抖音
據知，王子涵出道前曾留學英國修讀時裝設計，於倫敦藝術大學化妝及髮型形象設計系畢業。王子涵與爸爸王晶於媒體訪問中提到，自己海歸後決定進入演藝圈，告知家人後，爸爸王晶表示理解及支持，而王子涵亦坦言感謝屋企畀佢任性，令佢可以踏足娛樂圈嘗試。
Photo from 王子涵 IG
近年，王子涵拍劇次數大減，唯憑《愛回家之開心速遞》中「蔡玉皎」一角受觀眾矚目，但王子涵上年8月時於社交平台發帖指：「皎皎先小休一下」，暫別《愛回家》。殺青另一部電影劇後，王子涵今年連去兩次旅行，上月更開咗間服裝網店，列出上述於韓國東大門購買嘅多套衣服，現時起步有60多位粉絲，唔知之後會唔會見佢喺服裝事業上有所發揮呢！
Photo from 王子涵 FB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
王晶女兒王子涵加入《愛回家》被嫌把聲嘈強硬回惡評！入行13年唔想靠爸爸
23 Nov 2020
近日播出嘅《愛回家之開心速遞》有新角色加入，就係王晶女兒王子涵，飾演送水輝女秘書蔡玉皎，佢喺劇中造型搶鏡，不過被指把聲「太嘈」。入行13年嘅佢曾講過唔想畀人話靠爸爸：「感覺唔好受」。
最近《愛回家之開心速遞》有新角色加入，大小姐為新任接龍總監嘅送水輝聘請秘書，其中造型獨特搶鏡嘅蔡玉皎成功獲聘請。
Photo from 《愛回家之開心速遞》
Photo from 《愛回家之開心速遞》
不過蔡玉皎身份無咁簡單，原來佢仲係三太兒子Joe嘅女朋友，相信呢個角色日後仍會有出場嘅機會。
Photo from 《愛回家之開心速遞》
飾演蔡玉皎嘅係王晶嘅愛女王子涵，原來佢2007年拍攝爸爸出品嘅電影出道，至今已有13年。
Photo from 王子涵IG
喺出道初期，佢因為係王晶嘅女兒而備受關注，王子涵亦曾經指唔想靠父親，雖然參演唔少爸爸嘅作品，但佢表示爸爸喺片場從來唔會偏私，如果佢演得唔好，王晶會更嚴厲咁批評佢。
Photo from 《愛回家之開心速遞》
提到佢最出名都係「王晶個女」，王子涵亦表示感覺唔好受。佢之前就喺Facebook度留言：「靠父母你可以成為公主，靠老公你可以成為皇后，只有靠自己才可以成為女王」
Photo from 王子涵IG
Photo from 王子涵Facebook
佢2015年簽約成為無綫電視合約藝人，今次首次挑戰處境喜劇，好評唔算多，有唔少網友指佢把聲「好嘈好煩」。
Photo from 《愛回家之開心速遞》
有人指：「可唔可以講野細聲少少或者唔好咁大聲嗌出聲 聽得好辛苦?」佢回覆：「你校細聲啲個電視咪得囉」有毒舌網民甚至留言：「整污糟愛回家」，王子涵即反擊：「你兩位又何嘗唔係整污糟我個IG呢?」
Photo from 王子涵IG
Photo from 王子涵IG
《愛回家之開心速遞》片段：
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
