72歲李龍基將7個物業轉到36歲未婚妻名下！女友怒晒碩士證書，霸氣回應負評！

前TVB「御用皇帝」72歲李龍基與36歲女友有指打算今年拉埋天窗，而基哥更已將名下物業全數轉到未婚妻名下。被爆婚事後，外界對於兩人關係有唔少言論，面對網民負評，女友Chris近日晒出學位證書，更霸氣回應！

Photo from Chris IG

將7個物業全數轉女友名下

72歲李龍基與36歲女友Chris Wong年齡差超過30歲，雖然未結婚，但感情依然融洽！早前，李龍基更於媒體訪問中指，會於今年娶Chris入門。據指，基哥已將名下7個香港及內地物業全數轉到Chris名下，而唔係留畀仔女，以保障對方將來嘅生活。

Photo from 楊柳青 IG

即睇更多人氣文章：
台灣兩大媽為75歲情人當街MMA！老翁直認多女友：冇計，我就係一生風流！
全球顏值最高國家排名公布 印度人榮登榜首 中國/韓國10大不入

女友晒碩士證書霸氣回應

據女友Chris喺IG上自我介紹標示，佢曾就讀史丹福大學、萊頓大學，更於太平洋國家航空公司擔任工程師，去年曾分享自己位尖沙咀柯士甸學校寫有自己名嘅經理房，非常叻女！近日，Chris更晒出課程證書，並指自己已由北京航空航天大學「高級管理人員工商管理碩士」EMBA畢業，並留言指：「沒有不付出的名成利就！」事實上，自爆出與女友戀愛事後，網絡上對2人始終存在唔少負評，更有網民認為係Chris「貪錢」先同大自己30年嘅人結婚，面對有關言論，Chris去年於社交平台上貼出證書，並霸氣回應：「我有足夠知識才華和才能！」此外，李龍基曾於訪談中，提及與女友都鍾意飛機，不過基哥就因為有近視揸唔到飛機，淨係可以揸遙控飛機，而Chris識揸飛機，基哥仲講笑話：「第日我都旨意佢養㗎喇！」

Photo from Chris IG

Photo from Chris IG

Photo from Chris IG

Photo from Chris IG

Photo from Chris IG

有藝術才華，曾送贈畫作予多位藝人

除咗學業，Chris喺藝術上都非常有才華，不時於社交平台上分享畫作、毛筆字，仲試過將畫作送畀叻哥、煒哥、黃嘉樂等藝人！

Photo from Chris IG

Photo from Chris IG

Photo from Chris IG

Photo from Chris IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

72歲李龍基與內地老婆原來未結婚！自爆相差逾30歲夫妻生活超和諧

15 Feb 2023

李龍基與「內地嫩妻」Chris Wong感情要好，但近日李龍基接受訪問時卻表示佢哋原來仍未結婚！不過李龍基亦表示今年內會成婚，又有意將財產留畀未婚妻，雖然兩人相差逾30歲，李龍基自爆夫妻生活十分和諧！

Photo from 香港開電視

李龍基內地「老婆」Chris背景公開

李龍基曾有兩段婚姻，近年有指佢於20年前認識內地女子Chris Wong，雖然兩人有年齡差距，卻十分投契並無代溝，戀愛4、5年後步入婚姻殿堂，結成夫婦。Chris一向低調，早前李龍基受訪時就公開過Chris背景，原來Chris係一名飛機工程師，而且仲好有繪畫天份，幫過唔少圈中人畫畫。

Photo from Chris IG

Photo from Chris IG

Chris真實年齡成謎，李龍基爆兩人未結婚

Chris嘅真實年齡成謎，李龍基同Chris本人之前都未曾公開過兩人年齡差，有指佢哋相差28年，而Chris就表示自己係「30代」，從Chris嘅IG可見佢兩位閨蜜年齡層都係30歲左右，相信Chris年紀應該與好友相仿。

Photo from Chris IG

Photo from Chris IG

李龍基與Chris感情要好，佢於內地香港兩邊工作Chris都陪伴喺身邊，兩人形影不離相當痴纏。近日李龍基就接受傳媒訪問，「跟得夫人」Chris亦與李龍基一齊受訪，李龍基透露兩人原來未正式結婚！

Photo from 楊柳青 IG

即睇更多人氣文章：
徐子珊神隱3年現身英國倫敦！息影後被網民偶遇，大讚真人又高又靚
英國新娘結婚當日被悔婚，舉辦1人婚禮同親友徹夜狂歡

Photo from Chris IG

傳李龍基將名下財產轉予Chris，自爆兩人夫妻生活協調

雖然外界早已將Chris視為「基嫂」，兩人亦向來高調，即被指係「父女戀」亦懶理，李龍基表示佢本來有意北上拜見未來外父外母，但因為疫情未能成事，不過佢亦指今年內應該會成婚，到時可能簡單食飯，唔會擺酒。

Photo from TVB

為咗拉近同未婚妻嘅距離李龍基更染上粉紅色頭髮，增添年輕人氣息！作為70年代當紅歌星，李龍基曾被肥媽大爆係「夜店歌王」，工作一個月已經買到一層樓，有指佢多年喺香港同內地至少擁有7個物業，更將所有物業轉至Chris名下，果然係真愛！

Photo from TVB

Photo from Chris IG

兩人咁恩愛，李龍基仲大爆二人閨房生活相當和諧，直言如果唔協調：「佢咁後生點忍？」實際上Chris曾經懷孕，可惜最終小產，對於生育計劃，李龍基表示會順其自然。

Photo from TVB

Photo from Chris IG