台南新開8層高雪糕店！沉浸式慢活體驗～每一個空間都係專屬打卡點！

By Wing Ws on 17 Mar 2023

Digital Content Writer

近年有唔少特色餐廳，無論係改名、裝橫等都別具心思。台南喺上年9月就有間新開嘅雪糕店爆紅，因為間店有8層咁高，而且由著名建築師設計，充滿藝術感，每位客人喺各個空間都可以搵到自己嘅專屬打卡點！

Photo from 南埕衖事 FB

大門唔係真正嘅「大門」

台南上年開業嘅人氣雪糕店「南埕衖事」一共有8層，分為兩個區域，每一個空間都各有特色！值得注意嘅係，建築以台南巷弄為主題，即使大樓有大門，真正進入嘅「正門」喺巷內，大家要經過庭院嘅綠色小徑進入。雖然大門喺人流最多嘅馬路上，但館方表示，希望「將客人行進的節奏放緩」，所以喺巷口慢慢散步入內會喺最適合嘅進場方式！

Photo from 南埕衖事 FB

逾10款雪糕口味及限量發售甜品

大樓嘅1樓係售票處，由2樓開始就係堂食區域，2樓及4樓係點餐區，當中，雪糕有數十種口味，水果類選用台灣在地水果製作，如季節精選嘅芒果、草莓、鳳梨台灣等，亦有「大人系」及不時出現嘅隱藏版「巷仔內」口味。除咗雪糕，仲有每日限量發售嘅「散步甜品」，如甜筒泡芙、南埕衖柿、玫瑰金磚費南雪等，有十足風味之餘，每款甜品都非常適合打卡！

Photo from 南埕衖事網站

每個空間都係專屬打卡點！

講到「南埕衖事」嘅特色，除咗因為佢係一間8層樓咁高嘅雪糕店，更重要嘅係遊客體驗！官網上介紹指：「『南埕衖事』賣冰也不賣冰，賣的是體驗、是感受、是一場饗宴」。大樓嘅每個空間都有唔同風貌，大家可以從中感受探索嘅樂趣，揀返個自己鐘意嘅空間chill住食雪糕，一邊休閑咁度過半日閑暇～

Photo from 南埕衖事 FB

佈滿綠植嘅露天空間

大樓內外設置咗唔少綠植，除入口嘅花園小徑，大廳有天井植生牆延伸至4樓戶外區，更有懸掛嘅蕨類，令整橦大廈充滿令人放鬆嘅綠意。一路行到5樓，仲有一個佈滿綠植嘅露台區，加入泥牆、藤編、鐵花窗等元素，就好似置身溫室花園咁寫意！

Photo from 南埕衖事 FB

雪糕店
票價：200台幣（約港幣51元）
*當中150台幣（約港幣38元）可用於餐飲及零售消費

交錯樓梯

另一區域「衖 Lòng Stairs」喺主樓嘅另一邊，由日本建築大師藤本壯介操刀，大樓外觀就可以見到交錯嘅樓梯，內部係樓梯、灰牆、圓燈重疊帶嚟嘅視覺盛宴，由唔同角度觀賞都別有風味，大家不妨從中感受台南「巷弄」文化！

Photo from 南埕衖事 FB

衖 Lòng Stairs
票價：150台幣（約港幣38元）
*一小時體驗

南埕衖事
地址：台南市中西區中正路38、40號間巷底
開放時間：10am-7pm
官網：www.longstory.com.tw

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【台灣旅遊】台南最新老房子咖啡店！每日自家製甜品手沖咖啡／愛文百香果氣泡飲

29 Oct 2019

最近不少人想離開香港，去到一個遠離是非，遠離荒謬的地方。今次記者就帶大家去到台南，最新開幕的老房子咖啡店沼澤，咖啡店在古舊公寓內，非常懷舊，配上陣陣啡香。早前更曾經與香港的習作工作室合作，推出香港風味的自家製甜品，支持香港。

台南屬於台灣發源地，古早懷舊食物多，而且周圍更保留了不少老房子，成為台南的標記。近年不少人都去到台南觀光，探索這個懷舊味甚濃的地方。而記者就發現在7月中，新開了一間咖啡店沼澤，由幾個女孩主理。咖啡店置身於老房子內，非常懷舊，提供咖啡與甜品，甜品都是一班主理人自家製的，每天都有機會提供不同甜點。在幾個月前，更曾經與香港的習作工作室合作，辦了幾天的港台聯乘，沼澤更為此製作了多款港式風味甜品，希望藉此為香港送上暖意。不過活動已經結束，不知道大家還有沒有機會嘗試到老闆自家製的港式甜品呢？