download HolidaySmart 假期日常 app
樓上鄰居每日疑似掉大小便紙巾落街,下層居民大呻:唔好咁變態得唔得!

樓上鄰居每日疑似掉大小便紙巾落街,下層居民大呻:唔好咁變態得唔得!

時事熱話 生活熱話
By Pat on 17 Mar 2023
Digital Editor

鄰居真係好重要,住埋同一個屋宇,樓上樓下「朝見口晚見面」,有無諗過如果遇著一個變態鄰居,日日都掉啲污糟嘢落嚟,個居住環境都真係十分之污糟,有將軍澳村民近日就喺專頁「 將軍澳主場」大呻由2月開始樓上住戶就日日掉啲疑似大小二便嘅紙巾落嚟,又稱搵管理處投訴咗兩個星期都無用,只係日日上嚟影相,實在唔知點算好,仲指自己已經報咗上「東張西望」,但都無人聯絡佢好似「乜都做唔到」咁。

廣告
廣告

「 將軍澳主場」@FacebookPhoto from 「 將軍澳主場」@Facebook

2月份開始突然每日掉紙巾

樓主指自己住喺將軍澳怡情樓,估計係怡明邨街坊,日前於群組貼出多張照片,指自己在此居住4年,從來無發生過咁嘅事,上層11樓住戶由2月份開始突然無故每日掉「有污漬」嘅紙巾落嚟,又指「唔似係向外掉落嚟囉,全部向入囉,好似有心咁,正常人掉垃圾係向外,但佢就係跌晒我啲衫度」。

「 將軍澳主場」@FacebookPhoto from 「 將軍澳主場」@Facebook

「 將軍澳主場」@FacebookPhoto from 「 將軍澳主場」@Facebook

從照片可見,單位露台位置嘅石壆、冷氣機位,甚至窗框上都有多張用過嘅紙巾,而且仲清晰可見紙巾上有「一撻撻」黃色嘅污漬,樓主就質疑黃色污漬係其大小二便。自2月26日開始,每日定時定候都會出現紙巾於晾衫衣物上,令佢覺得非常困擾。又指屋企唔只佢一個,家中老人家都問佢點算好,表示自己經已「攞野遮住啲衫,點知仲過份,掉到個窗上面,依家窗都唔敢開。」

「 將軍澳主場」@FacebookPhoto from 「 將軍澳主場」@Facebook

廣告
廣告

「 將軍澳主場」@FacebookPhoto from 「 將軍澳主場」@Facebook

「 將軍澳主場」@FacebookPhoto from 「 將軍澳主場」@Facebook

網民建議以其人之道還治其人之身

網民就建議樓主「報東張!1823!call食環!通知衛生署!報警話比高空摘物掉到!」其後樓主稱其實已經打咗電話去,但可能「東張西望」覺得係小事,所以未有回覆,不過對佢哋一家人嚟講就好大件事,因為又有老人家又有小朋友,小朋友返學又要日日換衫,而家係「洗咗冇得曬,點有校服返學呀」,有網民更發揮創意指「不如拎舊錢買條長既淋花水喉U字型高水壓噴返上去由窗口射入佢屋企仲好啦」。

「 將軍澳主場」@FacebookPhoto from 「 將軍澳主場」@Facebook

「 將軍澳主場」@FacebookPhoto from 「 將軍澳主場」@Facebook

亦有網民比到啲實際建議「「可以搵啲硬身卡紙貼窗口出面四邊,當佢拋過嚟就會擋晒落街,到時成街垃圾自然有人會查,當然要小心安全」、「唯有裝部迷你cam喺窗邊,希望影上去拍到啲罪證,然後交畀警方又好食環署又好,一定要對付呢啲人,太冇公德心」嚟個人贓並獲咁話!其實公屋亂拋垃圾係會被扣分的,嚴重者更會被終止租約,各位千祈唔好以身試法啊!

廣告
廣告

「 將軍澳主場」@FacebookPhoto from 「 將軍澳主場」@Facebook

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

東張西望|公屋樓上倒水氣味超刺鼻!事主疑係漂白水,化驗結果出人意料?!

Dec 14, 2022

TVB節目《東張西望》新一集就有住喺葵涌邨嘅馮小姐指佢樓上經常會倒水,但水中有白色粉末,令馮小姐單位嘅窗戶經常留下一條條白色痕跡,加上味道難聞,馮小姐估計係漂白水,不過節目組將成份檢驗後結果卻出乎意料?!

TVB節目《東張西望》新一集就有住喺葵涌邨嘅馮小姐指佢樓上經常會倒水Photo from 《東張西望》

公屋樓上單位倒漂白水?!

廣告
廣告

有一個好嘅隔離鄰舍十分難得,如果大廈住戶有奇怪行為,其實都會對其他人造成影響。近日住喺葵涌邨嘅馮小姐表示兩年幾前佢就發現大廳嘅窗台經常會有積水,起初佢以為係樓上冷氣機滴水,但後來發現竟然係樓上倒出!

住喺葵涌邨嘅馮小姐表示兩年幾前佢就發現大廳嘅窗台經常會有積水,起初佢以為係樓上冷氣機滴水,但後來發現竟然係樓上倒出!Photo from 《東張西望》

而且水中有白色粉末,絕對唔係一般嘅清水。水中嘅白色物體更黏住咗馮小姐家中嘅窗戶,喺玻璃上留下一道道白色痕跡,十分礙眼,另外亦令窗門非常難打開,馮小姐稱最近樓上倒水次數越嚟越頻密,令佢不勝其煩。

水中嘅白色物體更黏住咗馮小姐家中嘅窗戶,喺玻璃上留下一道道白色痕跡,十分礙眼Photo from 《東張西望》

由於樓上倒水附有漂白水嘅刺鼻味道,馮小姐曾經做實驗,將一條藍色毛巾放喺窗外,結果一夜間毛巾就甩色,令馮小姐認為樓上倒嘅係漂白水。

馮小姐曾經做實驗,將一條藍色毛巾放喺窗外,結果一夜間毛巾就甩色Photo from 《東張西望》

外牆出牆身剝落嘅情況!

馮小姐更觀察到大廈外牆出現大片疑似白色痕跡,甚至出現牆身剝落嘅情況,馮小姐更相信樓上倒嘅係漂白水。節目組就訪問咗專家,專家表示漂白水經過長時間積累,變乾後的確有機會留低白色嘅物體或痕跡,但大廈外牆一般都係混凝土,石屎對鹼性嘅抗性非常好,如果唔係長期、大量傾倒漂白水,對外牆嘅影響其實唔大。

廣告
廣告

馮小姐更觀察到大廈外牆出現大片疑似白色痕跡Photo from 《東張西望》

甚至出現牆身剝落嘅情況Photo from 《東張西望》

馮小姐稱漂白水氣味刺鼻影響健康

馮小姐稱佢身體亦受到樓上倒「漂白水」影響,刺鼻嘅味道令佢鼻腔都覺得好痛,另外最近佢都起皮疹,表示情緒受到壓力。馮小姐樓上係空置單位,而再上一層就有人居住,馮小姐懷疑「漂白水」嚟自該單位。

馮小姐稱佢身體亦受到樓上倒「漂白水」影響,刺鼻嘅味道令佢鼻腔都覺得好痛Photo from 《東張西望》

樓上單位住戶拒回應倒漂白水

節目組上樓上竟恰好撞到該單位住戶出門,立即上前詢問,不過主持人梁敏巧提到「倒漂白水」後,樓上住戶即刻「耍手擰頭」拒絕回應,梁敏巧一直追問:「點解要咁做?」對方都無回答,一直搖手,更將手指放唇上做出「安靜」手勢,最後更衝入後樓梯避開節目組。

節目組上樓上竟恰好撞到該單位住戶出門,立即上前詢問,不過主持人梁敏巧提到「倒漂白水」後,樓上住戶即刻「耍手擰頭」拒絕回應Photo from 《東張西望》

廣告
廣告

化驗結果出人意料!竟無漂白水成份

為咗證實樓上倒嘅係漂白水,馮小姐喺家中唔同嘅窗戶採集樣本並交由節目組轉交去化驗。經化驗,5個樣本都發現無漂白水成份,不過專家指出漂白水長時間放喺室外,有陽光、空氣嘅情況下可能已還原成普通嘅鹽,可能未必能檢測出漂白水成份。

馮小姐喺家中唔同嘅窗戶採集樣本並交由節目組轉交去化驗。經化驗,5個樣本都發現無漂白水成份Photo from 《東張西望》

設置遮擋物但仍然影響馮小姐

節目組通知馮小姐有關結果,佢亦十分意外,馮小姐坦言如果唔係漂白水嘅話佢更擔心樓主唔知倒啲咩落嚟。馮小姐決定向屋邨辦事處備案,職員表示同過樓上住戶溝通,傾過兩次對方從來都無承認佢做過有關行為,最終職員指會喺相關單位設置遮擋物,雖然情況略有改善,但仍未徹底解決,馮小姐指佢可能會去其他地方住半年,雖然想返屋企,但實在太討厭家中會聞到嘅刺鼻味道。

馮小姐決定向屋邨辦事處備案,職員指會喺相關單位設置遮擋物Photo from 《東張西望》

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

東張西望|老人院女負責人想將86歲伯伯財產據為己有?要求與家姐結婚!利用美人計成功奪取歡心?

14 Jul 2022

早前《東張西望》曾報導有關聾啞女被女保安奪取公屋單位一事,估唔到同類事件再次出現!最新一集節目組訪問陳太太,佢指二伯因為生病曾短暫居住於老人院。然而,老人院負責人阿玲突然向佢哋提議俾二伯假結婚,希望可以俾佢姐姐申請來港,後來仲變本加厲要求二伯將房屋賣俾佢哋?!

最新一集《東張西望》陳太就表示二伯被老人院負責人慫恿與家姐結婚?!Photo from 《東張西望》

2019年二伯因患病短暫於老人院居住

廣告
廣告

陳太太(化名)表示多年裡啊經常都會去探望獨居嘅二伯,同佢感情十分好。直到2019年二伯生病,所以陳太太就喺附近尋找一間老人院,希望俾佢暫住養病。然而,二伯入住老人院不久後卻發生各種事情!

陳太表示同二伯本身關係融洽,經常都會探望獨居嘅佢。Photo from 《東張西望》

老人院負責人要求二伯同姐姐假結婚?!

有一日,老人院負責人「阿玲」居然向陳太建議俾二伯假結婚,希望可以俾佢家姐順利申請來港居住;其後突然叫二伯將房屋賣咗俾佢哋,不過陳太就堅拒賣樓,指二伯好返之後將會搬回家中居住。眼見以上嘅方法都並唔可行,「阿玲」就開始施展「美人計」,各種行為都令陳太睇到好嬲!

2019年,二伯因為生病所以佢哋就尋找附近嘅老人院,俾佢好好養病Photo from 《東張西望》

陳太憶述有一次見到「阿玲」親密地坐喺床邊摟住二伯嘅腰,而陳太立刻詢問「點解要咁」,而對方就指二伯因為扭傷條腰需要攙扶。過咗5個月後,二伯亦痊癒回到家中居住,點知「阿玲」依然不停私底下聯絡二伯獻殷勤,目的就係為咗要對方收留剛剛來港嘅家姐「阿娟」!

阿玲曾經親暱地摟住二伯條腰,指因為對方扭傷腰先咁做?!Photo from 《東張西望》

喺二伯離開老人院後,阿娟依然不停聯絡對方,目的係想對方收留家姐!Photo from 《東張西望》

廣告
廣告

目的只為二伯收留剛來港家姐「阿娟」!

「阿玲」不停向二伯講述家姐可憐嘅處境,而二伯就從來都冇答應過要收留「阿娟」。然而,對方卻突然搬咗入二伯屋企住;而二伯就表示「佢直接搬晒啲傢俬上嚟」,亦覺得報警處理十分麻煩,所以任由對方繼續居住。

阿玲不停向二伯講家姐嘅處境非常可憐!Photo from 《東張西望》

而二伯就表示對方突然就搬咗去佢屋企居住!Photo from 《東張西望》

而阿娟就繼續喺二伯屋企住,至於有冇交租亦唔太清楚!Photo from 《東張西望》

二人突然開聯名帳戶,並轉移二伯資產到戶口!

更不尋常嘅事情再次發生!二伯嘅銀行戶口本身係同陳太嘅兒子聯名所開嘅,裡面大約有一百萬;但陳太發現二伯竟然同阿娟一齊聯名開咗第二個戶口!陳太指阿娟同二伯聯名嘅戶口本身只係得$2,000,一個星期後就將二伯原先嘅聯名戶口取消咗,並將所有金額轉到二人全新嘅戶口。

二伯同阿娟聯名開咗新戶口,初時只係得二千幾蚊!Photo from 《東張西望》

廣告
廣告

但係過咗幾日,阿娟就將二伯本身嘅聯名戶口取消咗,仲將裡面嘅100萬轉入全新開嘅戶口入面!Photo from 《東張西望》

陳太發現阿娟真正身份?!

由於二伯本身就非常著重金錢,陳太認為佢並唔會無緣無故將金錢轉到剛剛認識嘅女人手中,所以佢亦更加懷疑對方係有目的地接近二伯!其後,佢喺二伯屋企發現阿娟嘅手寫筆記,裡面寫咗唔少「行銷策略」,包括:「倒行逆施」、「用方向解決問題」等,似乎非常有計劃?!

陳太表示二伯一向都非常著重金錢嘅去向,咁樣嘅行為十分反常!Photo from 《東張西望》

之後,陳太喺二伯屋企發現阿娟嘅行銷筆記?!Photo from 《東張西望》

與二伯排期結婚!

而陳太就坦承自從阿娟搬咗去同二伯居住,佢哋同二伯嘅關係亦逐漸疏遠「想搵二伯,阿娟都會話佢唔喺屋企」,甚至連二伯住院都並唔知情!而阿娟仲向佢哋展示與二伯嘅擬結婚通知書,表示已經排期打算上年年尾結婚。

而阿娟入住二伯屋企後,陳太亦同二伯嘅關係變得疏離?!Photo from 《東張西望》

直到有一日,阿娟向佢哋展示擬結婚通知書!Photo from 《東張西望》

二伯向陳太堅稱:從沒答應結婚!

陳太曾詢問二伯是否與阿娟發展成情侶關係,而佢就否認「阿玲催我快啲出院,話搞緊同阿娟結婚嘅嘢」,事實上二伯表示從來冇答應要同阿娟結婚!

二伯堅拒否認同阿娟係情侶關係,仲話被催促盡快出院結婚!Photo from 《東張西望》

陳太就話二伯話並冇答應過要結婚!Photo from 《東張西望》

但二伯似乎同阿娟關係不錯?!

另一邊,節目組就獲得一段二伯喺醫院時同阿娟嘅視訊對話,情況似乎又同陳太所講嘅有啲唔同?!只見阿娟熱情咁話「今日見到你(二伯)我好開心」、「一個星期淨係可以見你一次」等,而二伯亦表現得十分受落。

節目組獲得一段阿娟與二伯嘅視訊對話!Photo from 《東張西望》

只見阿娟好熱情咁話要把握同二伯見面嘅機會,並且會帶食物探訪佢;二伯亦似乎非常開心Photo from 《東張西望》

二伯住院期間,阿娟不停要求做二伯監護人!

陳太曾當面與阿娟對質,當對方卻一直唔肯出聲。與此同時,86歲嘅二伯當時被發現患上早期嘅認知障礙,令陳太更擔心二伯會因此而做錯決定!而阿娟繼續「變本加厲」,要求成為二伯嘅監護人,而陳太就質疑對方做監護人只係為咗「操控」二伯嘅所有財物?!

86歲嘅二伯後期被發現有初期認知障礙!Photo from 《東張西望》

而阿娟仲不停寫信俾二伯主治醫生,希望成為對方嘅監護人!Photo from 《東張西望》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel