吳林峰評雙Jer＠MIRROR歌藝，嘆作歌紅過自己唱：唔通我太樣衰？

By Wing Ws on 22 Mar 2023

Digital Content Writer

歌手兼作曲人吳林峰日前接受訪問時，談及對作為幕前歌手及幕後創作人嘅感受，並提到與兩位MIRROR成員柳應廷(Jer)及李駿傑(Jeremy)solo歌嘅合作及其歌藝評價。

Photo from Viu1 HK

曾經玩過busking、做過社工嘅吳林峰，前年因參與《樂壇已死》作曲為人熟悉，不過唔少人對佢嘅印象都係歌曲創作上，過去數年為MIRROR成員、雲浩影、吳嘉禧、許廷鏗、陳柏宇等歌手作歌，但事實上，吳林峰亦係一位歌手，曾推出個人作品，如《巴士光年》、《俄羅斯套娃》、《土撥鼠之日》等約10首歌。

Photo from 吳林峰 IG

嘆作歌畀人紅過自己唱

作為一位歌手，有時見到其他歌手唱嘅歌反應更好，難免會覺得失落。吳林峰坦言，曾經因此感到迷惘：「啲人咁鍾意聽首歌係因為我寫得好聽，如果係嘅話，咁即係我唱得難聽？我成日咁樣諗，後嚟覺得......諗嚟都冇用，風水輪流轉，都唔會咁快轉到我㗎啦，咁不如畀心機寫好算啦，唔好諗咁多」、「即係嗰個失落感喺呢一度嚟」、「大家鍾意我嘅melody，呢一樣嘢係開心，只不過我會覺得首歌都係我寫，我自己啲歌都係我寫，點解唔同呢？」吳林峰表示自己曾為此感到困擾：「唔通我真係太樣衰？」並感嘆「歌有歌命」，越奢求越唔會得到，不如順其自然。

Photo from Viu1 HK

睇好Jeremy做唱作人

過去與兩位MIRROR成員Jer及Jeremy合作數次嘅吳林峰，提及兩人對歌曲要求，吳林峰指，Jer認為自己寫嘅歌太難唱：「Jer有叫我唔好寫咁難唱，但我冇理佢......因為咁樣好聽啲」，但Jeremy就要求增加難度，當中《阿波羅》就難到佢：「佢(Jeremy)得一個要求，就係寫到神降臨嗰種感覺......真係寫到好困難，我未試過寫一首歌要寫個幾、兩個月」，吳林峰特別提到與Jeremy合作火花，大讚對方係有諗法嘅人，認為佢未來有潛質做一個唱作人。

Photo from Jeremy IG

評價雙Jer唱歌

對於兩位Jeremy唱歌嘅建議，吳林峰表示曾與Jer探討過，認為佢唱長音或起伏大嘅歌遊刃有餘，但對輕鬆、有律動嘅歌反而難掌握；Jeremy嘅空間則較大，可以練習得更好，同時大讚對佢嘅現場唱歌感到驚喜，因Jeremy喺咬字、壓場感及聲音運用上都冇失準，認為係努力嘅成果。

Photo from Jer IG

網民評價兩極

但對於吳林峰嘅訪問，網民評價兩極，有人讚賞吳林峰有才華、有實力，不過亦有留言狠批：「人地D歌紅過佢係正常。講作曲，佢的歌其實好悶」、「第幾次訪問講呢D野呀... 唔介意同睇化就唔使次次講完又講... 唔紅真係有原因」、「太醜樣」，另有人建議吳林峰搵個形象設計，包裝自己。其後，更有網民以「吳林峰痴咗線葡萄Mirror到成個訪問喺度數Jer同Jeremy」為題開post，斥責吳林峰，而吳林峰事後透過IG逐一回應，並強調自己冇妒忌Jer同Jeremy，會繼續努力。

Photo from Viu1 HK YouTube

Photo from 吳林峰 IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【阿媽有咗第二個】Jer柳應廷首擔正主角！多次拒入MIRROR/做過娛記/2年零收入細數金Jer追夢之路

11 Aug 2022

MIRROR主唱擔當Jer（柳應廷）歌唱實力毋庸置疑，今年轉戰電影界，孖著姜濤及毛舜筠一起主演的電影《阿媽有咗第二個》，於8月11日正式上映！可惜兩子未能出席首映，Jer就透過IG Story表達心情~Jer現時歌影視三棲發展，但其實他的追夢之路一點都不容易！

Photo from IG@Jer

#歌影視三棲發展

Jer在樂壇的成績有目共睹，今年進軍影壇首次登上大銀幕，孖著隊友姜濤與毛舜筠合作主演電影《阿媽有咗第二個》！其實這部作品並非Jer首次演戲，他於2020年在ViuTv原創劇《男排女將》，飾演愛讀書重成績，經常木無表情又獨行，驚青怕受傷的「方丈」，突出的造型讓觀眾留下深刻印象。

Photo from 《阿媽有咗第二個》海報

Photo from 《阿媽有咗第二個》劇照

Photo from IG@Jer

Photo from ViuTV

#自小堅定歌手夢

Jer自小喜歡音樂，年紀輕輕已萌生做歌手的念頭，所以在讀書時期活躍於各種歌唱比賽，仲獲得不俗的成績！另外，Jer對表演及戲劇亦有極大興趣，曾參與過「天比高創作伙伴」的訓練班，以及香港電台的音樂劇訓練班，積極尋找進入演藝圈的機會~

Photo from IG@Jer

#曾二次自組樂隊

Jer早年曾組過兩個樂隊，2012年與朋友自組流行音樂樂隊「Bromance」，身兼主唱及低音結他手。之後，他再另組一個搖滾樂隊「子非愚」，創作過不少粵語原創歌曲。大專畢業之後，為了專注夾Band搞音樂，Jer經常做街頭表演。不過，街頭Busking的兩年，他幾乎一直過著零收入的生活，賺到有錢都是用來買音樂器材等硬件設備。

Photo from IG@Jer

#做過娛樂記者

雖然追夢非常重要，不過Jer為了生活以及給屋企人生活家用，不得不暫時停下追夢的念頭，由街頭表演轉做娛樂記者。曾修讀浸大修讀傳理系副學士的他，在那段時間做過採訪、旁白及拍片等，一做便做了3年。Jer就曾在訪談節目《Stephen·傾》中分享過自己曾以記者身份訪問過偶像Supper Moment~

Photo from IG@Jer

#《全民造星》首回合遭淘汰

直至2018年，Jer為了繼續追夢，毅然決定辭去記者工作，全心投入參加ViuTV選秀節目《全民造星》第一季。豈料，抱著破釜沉舟決心的他，卻在99强首回合就遭到評判全紅燈淘汰！Jer後來曾在訪問中透露，那次淘汰對自己帶來極大打擊，「人生第一次跳出舒適圈追夢，怎料第一步就要走，很不甘心。」所幸之後得到導師賞識，獲得復活機會，「主唱」實力更獲得肯定，但可惜最後仍然在20强再次出局。

Photo from ViuTV

·多次拒絕加入MIRROR

雖然在《全民造星》未能走到最後，不過獲得花姐賞識，邀請加入MIRROR組合，近年更獲得越來越高人氣！但是，其實Jer曾多次拒絕加入MIRROR，因為他當時覺得MIRROR是一個唱跳偶像組合，成員必定要擅長跳舞，但自己的强項是唱歌，並非跳舞，難以想象加入組合後的發展，所以婉拒了花姐的邀請。最後，Jer還是點頭加入MIRROR，不過為了追上組合的唱跳風格，他坦言自己比其他隊友花上多出10倍的努力去練舞，相當不容易~

Photo from IG@Jer

·「金Jer」之年橫掃新人獎

MIRROR於2018年出道之後，Jer的人氣雖然不算太高，但陸續推出的音樂作品大獲好評！2020年以個人歌手之姿出道，推出「物語三部曲」《水刑物語》、《迴光物語》及《風靈物語》，同年橫掃樂壇多個新人獎，更成為MIRROR中第一位獲得「叱咤新人金」殊榮的成員，一度被封為「金Jer」。之後，2021年推出的「重生三部曲」《狂人日記》、《砂之器》及《人類群星閃耀時》，仲有為電影《媽媽的神奇小子》獻唱主題曲《神奇之路》，同樣受到高度關注！