download HolidaySmart 假期日常 app
何廣沛個人IG unfollow朱晨麗,疑六年「情侶檔」關係終止?

何廣沛個人IG unfollow朱晨麗,疑六年「情侶檔」關係終止?

娛樂新聞
By Pat on 23 Mar 2023
Digital Editor

現年34歲的何廣沛跟35歲朱晨麗,自2017年合作拍攝劇集《超時空男臣》時朝夕相對而撻着,多年來都只互稱對方為「好朋友」,雖然從沒公開認愛,但何廣沛三番四次被傳媒拍攝到出入朱晨麗的香閨,在大眾心目中早已被認定為一對,而網民亦覺得他們非常登對。但最近就有人爆料指何廣沛於IG上已經單方面unfollow朱晨麗,懷疑6年的感情就化為流水,相反女方就仍然有follow他,顯得大方得多。

二人關係原本好親密!Photo from IG圖片

朱晨麗並沒有unfollow何廣沛Photo from rebecca_zhu@IG截圖

相反何廣沛卻被發現早已unfollow朱晨麗Photo from matthew_hkp@IG截圖

密友大爆二人關係非淺

無論是幕前幕後,二人都不避嫌地放閃,在拍攝旅遊節目《3日2夜》中,何廣沛更自爆自己是朱晨麗的御用攝影師,其IG上照片都是他影的。其後何廣沛潛水時兩人又互送對方愛心手勢、朱晨麗亦提及到理想中的求婚就希望男方可以潛入水中,而好友蕭正楠和曹永廉亦曾爆料指二人關係毫不簡單,何廣沛會於私下為朱晨麗買早餐等,都不禁令人懷疑二人是否真的只是好朋友般簡單。

《3日2夜》Photo from 《3日2夜》

《3日2夜》Photo from 《3日2夜》

《3日2夜》Photo from 《3日2夜》

2018年當時朱晨麗憑《超時空男臣》奪得「最佳女配角」時,擔任頒獎嘉賓的何廣沛曾經表示:「唔會唔係佢拎,再唔係我將我個獎送畀你」,並送上擁抱。而何廣沛奪得「飛躍進步男藝員」獎時,朱晨麗亦有上前送上擁抱。

VCGPhoto from VCG

VCGPhoto from VCG

近幾個月網上不再互動

有眼利的網民就發現,以往朱晨麗於社交平台出post,何廣沛都會立即讚好或留言,但近幾個月都甚少見到兩人在網上有所互動,雖然何廣沛去年曾經公開表示仍想跟朱晨麗繼續走情侶檔搵錢,如今被發現已經unfollow朱晨麗,很有可能日後已連朋友都無法做成。

《大醬園》劇照Photo from 《大醬園》劇照

《大醬園》劇照Photo from 《大醬園》劇照

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

朱晨麗疑因負面新聞被踢出《巾幗4》何廣沛爆最唔想同江嘉敏合作?!

Aug 31, 2021

港姐冠軍朱晨麗無拍劇逾一年,原本打算靠TVB重頭劇《巾幗梟雄4》復出。惟有傳佢因負面新聞多而被踢出劇組!除此,另一大台小花江嘉敏不止觀眾緣差,亦疑似被何廣沛不滿,暗指佢係「最唔想合作藝人」。

朱晨麗被傳因負面新聞被踢出《巾幗梟雄4》。Photo from 朱晨麗FB

《巾幗梟雄4》有望開拍

無綫重頭劇《巾幗梟雄4》早前被傳因審批劇本制度可能無法開鏡,近日消息有變,指劇集「復活」,惟投資金額將大減,由全劇到內地實景拍攝,改為一個月拍攝期,餘下戲份則留港進行。

《巾幗梟雄4》有望「翻生」開拍。Photo from 巾幗梟雄 TVB

廣告
廣告

朱晨麗疑被踢出《巾幗梟雄4》

朱晨麗原飾演黎耀祥胞妹,與羅子溢有感情線。不過,最近有傳其角色人選一欄突變「懸空、未落實」,無緣劇集。而子溢亦未知將與哪位花旦配對。

朱晨麗被指失落《巾幗梟雄4》角色。Photo from 朱晨麗FB

朱晨麗疑因負面新聞多無緣《巾幗4》

朱晨麗2011年當選港姐冠軍後被大台力捧,但於劇集《大醬園》擔任女主角後卻「失蹤」一年。雖然去年有份參演未播映嘅《飛虎之壯志英雄》,但據悉其戲份較少。今次佢本來有望於《巾幗4》復出,卻突然有傳失落角色。

朱晨麗當選2011年港姐冠軍。Photo from 朱晨麗FB

對於其背後原因,有指係同朱晨麗過往嘅負面新聞有關,例如佢同洪永城合拍《多功能老婆》時,委屈大爆洪永城臨時加插攬腰、親吻等戲份。

朱晨麗同洪永城合拍《多功能老婆》投訴洪永城加親密戲份。Photo from 多功能老婆 TVB

除此,朱晨麗拍《大醬園》時與龔嘉欣傳不和,龔嘉欣不點名指佢耍大牌常請假,影響拍攝進度令自己欠休息入院,有指二人在微博隔空互相指摘。

朱晨麗拍《大醬園》跟龔嘉欣傳不和。Photo from 大醬園 TVB

江嘉敏人緣麻麻

TVB另一「惹火」花旦江嘉敏觀眾緣向來麻麻,甚至連何廣沛都曾在節目《Mean Talk》暗指江嘉敏係其中一位佢「最唔想合作嘅藝人」。

江嘉敏是非多多,觀眾緣一般。Photo from 江嘉敏 FB

TVB三大喇叭

何廣沛早前於《Mean Talk》被問到「最唔想合作藝人」時,透露有三名女藝人被稱為「TVB三大喇叭」。為何被稱為「喇叭」,係因為三人好大聲、好多嘢講、好嘈。何廣沛更坦言拒絕跟佢哋合作,但言論被消音處理,將「喇叭」身份保密,但不少人憑特徵猜測江嘉敏係其一。

何廣沛上《Mean Talk》指唔想同「TVB三大喇叭」合作。Photo from Mean Talk TVB

江嘉敏係TVB三大喇叭之一

新一集《開心大綜藝之暑假玩到盡》中,何廣沛介紹組員時竟大爆「喇叭」真身,名言:「我派出TVB三大喇叭之一,江嘉敏!」江嘉敏亦只好不斷傻笑掩飾尷尬。

《開心大綜藝之暑假玩到盡》中江嘉敏答唔到問題連累隊友。Photo from 開心大綜藝之暑假玩到盡 TVB

江嘉敏被何廣沛嫌棄

同一節目中,何廣沛與郭子豪等人對陳曉華及游嘉欣照顧有加,讚佢哋有樣有氣質,同時卻不斷笑指江嘉敏缺乏內在與外在美,又被指欠缺綜藝感,慘成眾矢之的。

江嘉敏答題失敗,即被何廣沛責怪並想趕佢出隊。Photo from 開心大綜藝之暑假玩到盡 TVB

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel