Winka@COLLAR新歌被批消費前度，爆seed回應haters，反被指EQ低？

By Wing Ws on 27 Mar 2023

Digital Content Writer

COLLAR成員Winka自爆與6年情男友分手後，網絡上對此負評聲音不斷，面對網民聲音，Winka轉發與經理人、朋友對話回應，更直接爆seed回應網民！

Photo from winka_chan IG

女團COLLAR成員陳泳伽(Winka)近日出solo歌《一手造成》，並自爆於去年6月，與拍拖6年圈外男朋友分手，指自出道後兩人步伐不一，令分享慾大減，因此提出分手，Winka於訪問中坦言：「我每次拍拖都係以結婚行先，但突然間對佢冇咗想結婚嘅畫面。」雖然已經分手，但兩人仍保持友好關係，前男友仍然係Winka歌迷會會長。

Photo from winka_chan IG

提出「Pre拍拖」被指消費前男友

不過，對於Winka分手嘅消息，網絡上有唔少負面聲音出現，認為Winka「拜金」、「貪慕虛榮」，入娛樂圈後就開始嫌棄男方，同時，ViuTV日前播出Winka嘅新歌訪問，當中Winka提出自己樂意試「Pre拍拖」：「真係拍拖前我哋可以做拍拖嘅嘢......去了解你拍拖嘅模樣，而再決定同唔同你一齊」，唔少網民再次炮轟Winka消費前男友，又認為佢提出「Pre拍拖」係價值觀不正。

Photo from ViuTV

轉發與前男友對話間接回應haters

昨日（26日），Winka於IG先後貼出與經理人Wing、前男友及細佬對話，轉發前男友對話時指：「Haters gonna hate！」其後，Winka出post翻唱林俊傑《當你》，留言區即出現大量負評，網民批評Winka轉發對話間接反擊haters嘅做法唔夠大方得體，更有人攻擊Winka學歷及家庭：「邊個會當一個中五都畢唔到業嘅人做信仰」、「唔怪得你主子係單親家庭而家明了」。另有人發現Winka刪除咗同Wing對話嘅story。

Photo from winka_chan IG

Photo from 連登討論區

Photo from winka_chan IG

爆seed回應留言區負評反被指EQ低

面對網民負評，Winka直接回應留言，明言轉發對話有徵得當事人同意，但其後刪除同Wing對話係因為「怕連累到Wing會比人鬧所以del返」，更轉發攻擊「單親家庭」嘅留言，指：「鬧還鬧啊唔好講到我家庭嗰邊先單親家庭有咩問題呢？你又明咗啲咩呢？」另有留言暗諷：「拋棄糟糠唔應該只適用於男人，好高騖遠乃人之常情、只能夠講呢個世界就係咁現實」Winka就回覆指：「Are you okay??睇嚟係你嘅親身經歷」。不過，網民對Winka做法評價兩極，有人認為Winka夠霸氣，但亦有人斥責Winka EQ低，更以袁偉豪同佢比較。

Photo from winka_chan IG

Photo from 連登討論區

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

梁文禮成雙面人狠批梁詠琪演唱會，GIGI大方回應獲讚高EQ

20 Feb 2023

梁詠琪(Gigi)闊別5年樂壇，終於於本月17日開始舉行一連三場紅館個唱《梁詠琪Gigi時間遇上我們演唱會》，並於周日完成尾場，豈料商台DJ梁文禮竟然被人發現於周五欣賞完Gigi頭場演唱會時，於官方IG大讚Gigi「好靚」，其後又於不公開的私人facebook上大彈演唱會的流程同Gigi的歌藝，惹來雙面人的爭議，而就梁文禮批評一事，Gigi昨日於個唱完成後在大方回應會繼續做好一點。

Photo from gigileungwingkei@IG

商台DJ梁文禮日前欣賞完Gigi頭場演出之後，就於其官方IG story出post大讚Gigi在台上好靚。其後，卻竟於其私人facebook上狠批Gigi演唱會，寫道：「個flow差，歌編得差，舞差，當然佢唱得差啦~ 其實都預咗，但係無諗過咁離譜，唱K咁！！連《愛自己》都入唔到呀大佬 ? 我全晚都睇得好猛，坐立不安......唯一想讚嘅係，佢短頭髮真係好靚好襯佢，身形好，將啲醜嘅衫都carry得好，好似呢件「着上一張抹完鼻血嘅紙巾」咁。」

Photo from 官方圖片

Photo from leungmanlai@IG

Photo from facebook截圖

事後回應因對Gigi多年的支持比較「肉緊」

而最令人尷尬的是，梁文禮用來「讚與彈」的照片都是同一張，被網民公認為「雙面人」，雖然受到網民的批評，但梁文禮一直未有所回應，值到今早主持節目《叱咤樂壇》，一開始就交代事件，並向梁詠琪道歉。並多次表示因為「肉緊」所以才會在私人帳戶批評演唱會，他認為一個演出的觀點可以有多個面向，他自言多年來都有聽Gigi的歌曲，而且表示4次演唱會都有去欣賞，經過今次事件之後亦向Gigi寫了千字文去「示愛」，但因為自己無對方的聯絡方式，只好透過其同朋友商台DJ Vani將文字傳達。

Photo from leungmanlai@IG

Gigi大方回應仍有好多進步空間

而Gigi昨日完成尾場後接受傳媒的訪問，對於有關梁文禮的批評，就指與此人無特別關係所以不作回應，但就認為每個作品不只是演唱會或是電影，都會有人喜歡或不喜歡，每個人都會抱着自己的期望或者標準去看待作品，希望大家可以給予時間讓她繼續進步。「今次盡咗最大努力未必符合到每個人嘅期望，不過唔緊要，我仲會繼續做㗎嘛，咁我仲有進步嘅時間，所以希望大家畀啲時間我進步，繼續再做好啲啦。」