download HolidaySmart 假期日常 app
TVB樂易玲公開力捧藝人名單!陳瀅、劉佩玥、周嘉洛、吳偉豪等14人

TVB樂易玲公開力捧藝人名單!陳瀅、劉佩玥、周嘉洛、吳偉豪等14人

娛樂新聞
By Jennifer on 29 Mar 2023
Digital Editor

TVB旗下有唔少藝人,而邊啲藝人會獲力捧向來都受到關注。近日高層之一嘅樂易玲接受內地傳媒訪問時就公開咗公司力捧嘅幾位藝人,其中包括曝光率好多嘅陳瀅劉佩玥、周嘉洛、吳偉豪等人,下一個視帝、視后或者就係佢哋?!

近日高層之一嘅樂易玲接受內地傳媒訪問時就公開咗公司力捧嘅幾位藝人Photo from TVB

TVB高層樂易玲公開力捧藝人名單

每年TVB台慶大合照都顯示出藝人嘅身份地位,同時亦揭示邊啲新人獲公司力捧。近年TVB嘅劇集有唔少新面孔,而樂小姐更首次公開TVB嚟緊力捧嘅藝人名單,一共有14位男女藝人,掀起網民熱議。

每年TVB台慶大合照都顯示出藝人嘅身份地位,同時亦揭示邊啲新人獲公司力捧。Photo from TVB

樂小姐作為TVB嘅助理總經理(藝員管理及發展),同一眾藝員關係良好,每年過生日都獲大批男女藝員為佢送蛋糕慶祝,而唔少藝人喺頒獎禮得獎後於台上致辭都會「多謝樂小姐」。

樂小姐作為TVB嘅助理總經理(藝員管理及發展),同一眾藝員關係良好Photo from TVB

張振朗、朱敏瀚、周嘉洛、吳偉豪4大小生有望上位

近日樂小姐就接受內地傳媒嘅訪問,並親口認證公司將會力捧嘅幾位藝員。喺男藝員方面,樂小姐指張振朗、朱敏瀚、周嘉洛、吳偉豪呢4位小生係公司力捧,另外仲有黃庭鋒、丁子朗,樂小姐大讚佢哋都好努力,亦係力捧對象。

樂小姐指張振朗、朱敏瀚、周嘉洛、吳偉豪呢4位小生係公司力捧Photo from TVB

吳偉豪、朱敏瀚、張振朗、丁子朗都曾經攞過「飛躍進步男藝員」,不過現年35歲嘅張振朗年資要比其他人深。另外周嘉洛係幾位小生中資源最好嘅一位,唔止擔正做男主角,入行短短時間已獲得「最佳男配角」、「最受歡迎電視男角色」,有望成為下一個視帝!

吳偉豪係2022年「飛躍進步男藝員」Photo from TVB

丁子朗都曾經攞過「飛躍進步男藝員」Photo from TVB

現年35歲嘅張振朗年資要比其他人深Photo from TVB

周嘉洛係幾位小生中資源最好嘅一位,唔止擔正做男主角,入行短短時間已獲得「最佳男配角」、「最受歡迎電視男角色」Photo from TVB

《美麗戰場》陳瀅、劉佩玥、陳曉華、蔣家旻;《下流上車族》羅毓儀、郭柏妍或成新一代當家花旦

至於女藝人方面,樂小姐表示現時公司投放最多資源嘅就係陳瀅、劉佩玥、陳曉華、蔣家旻,亦係有份出演《美麗戰場》4位女藝人,另外仲有再後生啲嘅何依婷、陳嘉慧、羅毓儀、郭柏妍,樂小姐稱會慢慢規劃,安排啲重點戲、好啲嘅角色,畀機會佢哋發揮。

女藝人方面,樂小姐表示現時公司投放最多資源嘅就係陳瀅、劉佩玥、陳曉華、蔣家旻Photo from TVB

《美麗戰場》4位女藝人都係力捧嘅對象!Photo from TVB

羅毓儀、郭柏妍等,樂小姐稱會慢慢規劃,安排啲重點戲、好啲嘅角色,畀機會佢哋發揮。Photo from TVB

陳瀅近年擔正《美麗戰場》、《痞子殿下》女主角,絕對係力捧嘅女藝員,而劉佩玥亦有唔少新劇,最近喺《隱形戰隊》嘅演出亦好受關注,密密接job曝光率急升。羅毓儀、郭柏妍則憑《下流上車族》而備受好評。

陳瀅近年擔正《美麗戰場》、《痞子殿下》女主角Photo from TVB

劉佩玥亦有唔少新劇,最近喺《隱形戰隊》嘅演出亦好受關注Photo from TVB

羅毓儀、郭柏妍憑《下流上車族》而備受好評。Photo from TVB

內地網民替劉穎鏇感不值

有內地網友表示朱敏瀚、張振朗出道咁耐應該唔算係新人,亦有網民不滿樂小姐寧願捧陳瀅都唔捧劉穎鏇,直言陳瀅演技同身型都唔合格,替劉穎鏇感不值。

有內地網友表示朱敏瀚、張振朗出道咁耐應該唔算係新人Photo from TVB

有網民不滿樂小姐寧願捧陳瀅都唔捧劉穎鏇Photo from TVB

網民留言Photo from 微博

內地網友直言陳瀅演技同身型都唔合格Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

萬千星輝頒獎禮2022|TVB宣傳照被指P圖出事超奇怪!網民:沒錢請人嗎?

6 Jan 2023

萬千星輝頒獎典禮2022》即將舉行,TVB發佈一眾提名人嘅宣傳照,不過今年視后、最佳女配角等禮服造型照卻被指P圖技術非常差,更直指妝容等亦「拖低藝人顏值」。而內地網民更於視后十強候選人下留言「慶祝」有人唔入圍?!

《萬千星輝頒獎典禮2022》即將舉行,TVB發佈一眾提名人嘅宣傳照Photo from TVB微博

TVB公開十強候選人宣傳照,P圖痕跡超重

《萬千星輝頒獎典禮2022》係TVB一年一度嘅盛事,除咗視帝、視后外,今年「最佳女配角」、「飛躍進步女藝員」等獎項亦備受關注,TVB公開咗各大獎項十強候選人官方場刊宣傳照,不過就引起唔少網友嫌棄。

今年「最佳女配角」、「飛躍進步女藝員」等獎項亦備受關注Photo from TVB微博

藝人各有唔同嘅行程,要一次過集合所有候選人影相的確唔容易,相信TVB係為每位候選人單獨影相,之後再將10強P成合照。雖然P圖好正常,但未知係咪時間太過趕急,合照嘅P圖非常怪異,背景亦非常生硬。

未知係咪時間太過趕急,合照嘅P圖非常怪異,背景亦非常生硬。Photo from TVB微博

除咗合照奇怪之外,女藝人嘅單人照亦明顯有P圖痕跡,同背景完全唔融合,有網友直指「退地」做得好差,加上啲陰影亦唔自然,其中羅毓儀更被P成空中飄浮,內地網民直言:「這攝影和修圖技術,要不讓我上吧」

女藝人嘅單人照亦明顯有P圖痕跡Photo from TVB微博

同背景完全唔融合Photo from TVB微博

羅毓儀更被P成空中飄浮Photo from TVB微博

仲有白邊Photo from TVB微博

TVB P圖技術被嫌棄:怪不得會沒落

有網民認為一眾女藝人個個悉心打扮、著上禮服裙都好靚,但TVB嘅P圖技術「拖低」晒候選人嘅顏值。除咗背景出事,P圖更顯得女藝人塊面超紅,照片整體感看又紅又紫。

有網民認為一眾女藝人個個悉心打扮、著上禮服裙都好靚Photo from TVB微博

P圖更顯得女藝人塊面超紅Photo from TVB微博

阿姐都搞唔掂Photo from TVB微博

阿Bob都出事Photo from TVB微博

網民指TVB嘅P圖技術「拖低」晒候選人嘅顏值Photo from TVB微博

唔少網民指:「TVB你是不是沒錢請修圖師」,又直言:「怪不得會沒落」、「以前覺得TVB很潮的,現在看來不僅土,拍照技術也不行」、「P圖師要扣錢」,睇嚟內地網民對於呢輯宣傳照都十分不滿。

唔少網民指:「TVB你是不是沒錢請修圖師」Photo from TVB微博

網民直言:「怪不得會沒落」Photo from TVB微博

睇嚟內地網民對於呢輯宣傳照都十分不滿。Photo from TVB微博

方東昇張宣傳照勁奇怪Photo from TVB微博

內地網民力撐心水候選人,竟「狂賀」蔡思貝不入視后10強?!

另外網民亦有喺十強宣傳照嘅post下面為自己支持嘅候選人打氣,好似「飛躍進步女藝員」中就有唔少人支持Gigi炎明熹、「最佳女配角」蔣家旻、「最受歡迎電視女角色」三太樊亦敏都獲唔少內地網民力撐。

「飛躍進步女藝員」中就有唔少人支持Gigi炎明熹Photo from TVB微博

「最佳女配角」蔣家旻係大熱之一Photo from TVB微博

「最受歡迎電視女角色」三太樊亦敏都獲唔少內地網民力撐。Photo from TVB微博

而喺「最佳女主角」嘅post下面留言「畫風」卻截然不同,除咗嫌棄P圖之外,最多人讚嘅熱門評論第一位竟然係提及未能入到視后十強嘅蔡思貝:「沒有蔡思貝真是太好了」,有人回覆:「確實,有她的劇一律不看」

「最佳女主角」嘅post下面留言「畫風」卻截然不同Photo from TVB微博

最多人讚嘅熱門評論第一位竟然係提及未能入到視后十強嘅蔡思貝Photo from 蔡思貝IG

留言:「沒有蔡思貝真是太好了」Photo from TVB微博

蔡思貝雖然今年無入圍「最佳女主角」,但佢喺2020年已經攞過視后Photo from 蔡思貝IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel