download HolidaySmart 假期日常 app
壽司郎少年悲慘近況曝光!鄰居爆母親唔敢出門,網友:大快人心!

壽司郎少年悲慘近況曝光!鄰居爆母親唔敢出門,網友:大快人心!

時事熱話
By Jennifer on 30 Mar 2023
Digital Editor

日本一名17歲高中生因為喺壽司郎拍片舔豉油樽引發爭議,更令壽司郎官方強硬表示會追究到底。事後該高中生退學在家,近日有日本傳媒訪問佢嘅鄰居,透露少年一家悲慘現況,連佢嘅父母生活亦大受影響!

日本一名17歲高中生因為喺壽司郎拍片舔豉油樽引發爭議Photo from HolidaySmart

近日多間日本連鎖迴轉壽司店生意都受到影響,原因係有人喺店內不顧公共衛生拍片。其中一位17歲男高中生就喺壽司郎舔豉油樽、杯,又將口水沾落迴轉帶上嘅壽司,喺網上引起軒然大波,唔少網友直斥少年行為自私、無公德心。

一位17歲男高中生就喺壽司郎舔豉油樽Photo from Twitter

將口水沾落迴轉帶上嘅壽司Photo from Twitter

十分無公德心!Photo from Twitter

影片連累壽司郎生意一落千丈、股價亦大跌逾150億日圓。惡搞壽司郎嘅少年事後由監護人陪同前往壽司郎道歉,但不獲接受,壽司郎表示已報警,並會嚴正追究當事人嘅法律責任!

惡搞壽司郎嘅少年事後由監護人陪同前往壽司郎道歉,但不獲接受,壽司郎表示已報警,並會嚴正追究當事人嘅法律責任!Photo from 壽司郎

事發至今已過去兩個月,期間少年已退學,留喺家中反省,曾有傳媒訪問少年父母,佢哋表示唔能夠透露與訴訟相關嘅事,但佢父親亦忍唔住哽咽落淚,而少年嘅媽媽亦面色憔悴,坦言係兒子做錯事,被網友批評都無辦法。

曾有傳媒訪問少年父母,佢哋表示唔能夠透露與訴訟相關嘅事,但佢父親亦忍唔住哽咽落淚,而少年嘅媽媽亦面色憔悴Photo from Twitter

最近再有傳媒採訪少年嘅鄰居,有人表示少年嘅媽媽本來係一位美人,但事件發生後消瘦憔悴不少,而日媒訪問其媽媽時,少年嘅媽媽亦係以素顏、樸素打扮受訪。

鄰居表示少年嘅媽媽本來係一位美人,但事件發生後消瘦憔悴不少Photo from Twitter

另外有鄰居指出呢兩個月都無見過少年獨自出門,似乎一直都留喺屋企反省,但少年父親有時因擔心兒子而帶埋佢一齊返工。亦有人稱少年母親都要等到太陽落山,店舖就嚟關門先外出購物、買餸。

有鄰居指出呢兩個月都無見過少年獨自出門,似乎一直都留喺屋企反省Photo from Twitter

雖然少年嘅行為被國內外網民狠批,但鄰居表示少年一家以往與鄰居相處融洽,會幫鄰居做農務,而少年亦好聽父母話,未試過同父母嗌交,又會主動幫鄰居手。唔少網民認為少年今後前途一片暗淡,又認為佢依家嘅遭遇都係自己一手造成。

唔少網民認為少年今後前途一片暗淡Photo from LIHKG

有網民建議佢整容,改名換姓Photo from LIHKG

有網友認為少年依家嘅遭遇都係自己一手造成。Photo from LIHKG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

壽司郎食客籌號超過30分鐘,超惡要求店員補飛!店員高EQ處理獲網友激讚

10 Jan 2022

食肆好多時會列明籌號超過5個將不設「補飛」要重新輪候,但未必個個食客都會遵守。近日有網友影到黃埔壽司郎有食客疑逾時30分鐘先出現,竟要求店員安排佢補飛入座,掀網民熱議。店員超高EQ嘅回應亦獲一致大讚!

近日有網友影到黃埔壽司郎有食客疑逾時30分鐘先出現,竟要求店員安排佢補飛入座,掀網民熱議

「香港突發事故報料區」網友公開食客大鬧黃埔壽司郎片段

香港好多食肆都大受歡迎,午餐、晚餐都會出現滿座情況,所以要先行攞飛輪候入座用餐。「過江龍」壽司郎登陸香港後開咗唔少分店,但間間都大排長龍,即使如此每日都仲有大量食客願意等候。

「過江龍」壽司郎登陸香港後開咗唔少分店,但間間都大排長龍,即使如此每日都仲有大量食客願意等候。

近日喺Facebook群組「香港突發事故報料區」有網友公開一段拍攝於壽司郎門口嘅影片,全片時長為7分45秒。網友稱片段係2022年1月9日下午4點半於黃埔壽司郎拍攝。

近日喺Facebook群組「香港突發事故報料區」有網友公開一段拍攝於壽司郎門口嘅影片

一男一女輪候籌號已逾時超過30分鐘,女子要求店員「補飛」安排入座

片中一男一女正喺壽司郎門口等候入座,女士表現十分不耐煩:「要等幾耐呀?快啲啦!」,終於有店員前來處理,女士指佢籌號已過,但要求店員為佢「補飛」安排入座。

片中一男一女正喺壽司郎門口等候入座,女士表現十分不耐煩:「要等幾耐呀?快啲啦!」

女士指佢籌號已過,但要求店員為佢「補飛」安排入座。

店員則表示相關嘅籌號已經過咗超過30分鐘,按照公司規定將不獲「補飛」,建議佢哋重新攞飛輪候,女士聞言大為不滿,佢指自己係喺預約籌號:「咁樣係咪有啲唔公道?就算要候補係咪要先過walkin嗰啲呢?」佢又指壽司郎咁樣嘅處理方法並唔係第一次:「上次你哋荔枝角(分店)都試過係咁!」

店員則表示相關嘅籌號已經過咗超過30分鐘,按照公司規定將不獲「補飛」,建議佢哋重新攞飛輪候

店員建議畀卡片佢向客戶服務反映情況,女子大怒質疑未過30分鐘

店員一直禮貌回應:「明白明白!」,但重申呢度幫唔到佢入座,稱可以畀張卡片佢向客服方面求助。女士聲量越嚟越高:「你唔好話幫唔到!咁我唔舒服有咩辦法姐?!畀張卡片我無用㗎!依家你哋係要即刻解決問題!」

店員一亦禮貌回應:「明白明白!」,但重申呢度幫唔到佢入座,稱可以畀張卡片佢向客服方面求助

女士又指佢有用手機App睇叫號情況,質疑根本未過30分鐘:「你哋單方面話過咗30分鐘,我哋都可以話唔係㗎,唔係你哋講就係㗎嘛!」,又要求店員提供證據證明叫號過咗30分鐘。店員亦解釋電腦未能顯示叫號時間等資料,但仍帶女子睇電腦資料,由於候補籌號已叫到375號,推算女士所持嘅358號過時已逾30分鐘。

女士又指佢有用手機App睇叫號情況,質疑根本未過30分鐘

店員解釋電腦未能顯示叫號時間等資料,但仍帶女子睇電腦資料,由於候補籌號已叫到375號,推算女士所持嘅358號過時已逾30分鐘。

女士大聲指:「依家點先?快啲解決個問題佢!我哋係咪會快過walkin先,我哋一早攞咗飛!我哋只不過係過咗鐘咋嘛!」,店員亦再強調已過30分鐘,只可以提供卡片,女士大怒:「你咩數據都畀唔到我又叫我排walkin隊!」

女士大聲指:「依家點先?快啲解決個問題佢!我哋係咪會快過walkin先,我哋一早攞咗飛!我咪只不過係過咗鐘咋嘛!」

女子暗示會投訴店員,網友指無理取鬧,反讚店員態度好

女士:「依家唔係食一餐飯嘅問題,呢個係唔公道嘅問題,呢個係原則問題呀嘛!」、「嘥時間啦!講埋啲廢話!你叫咩名!」之後女士就大聲讀出店員名字似暗示會投訴該名店員。

女士:「依家唔係食一餐飯嘅問題,呢個係唔公道嘅問題,呢個係原則問題呀嘛!」

「嘥時間啦!講埋啲廢話!你叫咩名!」之後女士就大聲讀出店員名字似暗示會投訴該名店員

影片最後女士走出商場範圍並繼續大罵:「完全唔合理!唔係食唔食嘅問題,你數據又畀唔到我!」,片中更錄到疑似拍片人嘅聲音:「好嘢好嘢!走咗走咗!」

影片最後女士走出商場範圍並繼續大罵:「完全唔合理!唔係食唔食嘅問題,你數據又畀唔到我!」

唔少網友直指女子無理取鬧,仲要出口傷人十分無品:「影衰晒香港人!」,而片中女店員面對咄咄逼人嘅顧客仍耐心點頭,又冷靜回應,獲讚好有禮貌:「EQ好勁!」

唔少網友直指女子無理取鬧

網民直指女子出口傷人十分無品:「影衰晒香港人!」

片中女店員面對咄咄逼人嘅顧客仍耐心點頭,又冷靜回應,獲讚好有禮貌

圖片來源:壽司郎、Facebook群組「香港突發事故報料區」、LIHKG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel