download HolidaySmart 假期日常 app
郭柏妍學音樂望擺脫「魔音」封號!被老師讚有靚聲?林敏驄:不予置評

郭柏妍學音樂望擺脫「魔音」封號!被老師讚有靚聲?林敏驄:不予置評

娛樂新聞
By Wing Ws on 31 Mar 2023
Digital Content Writer

早前,車總林敏驄邀請咗《下流上車族》一眾演員做演唱會嘉賓,郭柏妍上台獻唱《跳舞街》,原來今次佢事先搵咗唱歌老師練習,老師仲讚佢有一把「靚聲」!

郭柏妍事先搵咗唱歌老師練習。Photo from 郭柏妍 Rosita Kwok YouTube

上年年尾嘅籌款節目《歡樂滿東華2022》中,劇集《下流上車族》演員林敏驄、郭柏妍、鄧智堅等人一同合唱主題曲《一家人》,唔少網民都被郭柏妍嘅歌喉嚇親,直指「五音不全」、「上帝好公平 咁靚女但魔音」,更將郭柏妍封為「魔音芊芊」,對於呢個封號,郭柏妍曾多次喺節目、訪問中話要平反,表示一定會再努力:「下次一定會唱得好畀大家聽!」

林敏驄、郭柏妍、鄧智堅等人一同合唱主題曲《一家人》。Photo from TVB

之前有學過唱歌!

早前,車總林敏驄邀請咗《下流上車族》一眾演員做演唱會嘉賓。郭柏妍日前(29日)就上傳咗一條影片,原來佢喺表演前特登去咗拜師,搵咗歌唱導師Nic Lau劉凱揚上音樂堂,並拍片分享上堂情況。郭柏妍表示佢之前有學過唱歌:「可能我淨係唱一句兩句咁就完㗎啦,咁我就專注地學一句兩句」,但就未試過唱好似《一家人》咁多歌詞,郭柏妍指:「呢首歌(《一家人》)我都擺咗好多感情落去」。當製作組問郭柏妍覺得自己適唔適合唱歌,郭柏妍就好自信咁答:「我好適合㗎,我一定會唱得好㗎!」。

郭柏妍話唱《一家人》擺咗好多感情落去。Photo from 郭柏妍 Rosita Kwok YouTube

即睇更多人氣文章:
%E9%A6%96%E5%B8%AD%E9%9D%92%E5%B9%B4%E5%AE%98-%E6%BC%94%E8%AC%9B">何超欣上國際舞台演講口窒窒,學霸身份被質疑?麻省理工、清華畢業3unshine「最醜女團」成員Cindy瘦身大改形象!退團改名仍未能成功翻盤?

讚「靚聲」:似小朋友啱啱學識講嘢

首先測氣量,郭柏妍去到17.09秒,不過Nic Sir話20秒係正常人都得,叫郭柏妍返屋企練吓。之後,郭柏妍揀咗《喜歡你》嚟唱,但未唱完就俾Nic Sir快手停咗,Nic Sir稱,郭柏妍雖然氣量比較淺,但聲線唔錯,讚佢其實都有一把「靚聲」,並提出:「我發覺你發聲共鳴好似一個小朋友咁」、「冇開發過咁滯,好似一個小朋友啱啱學識講嘢」,於是老師教佢用哼唱作為訓練及建議,郭柏妍跟住老師建議再唱一次,聽落好似好好多!

老師話郭柏妍其實聲線唔錯。Photo from 郭柏妍 Rosita Kwok YouTube

唱歌冇節奏感?

除咗自己嘅YouTube Channel,郭柏妍原來仲去咗「藝人部落格科」,搵另一位音樂老師練車總演唱會上表演嘅歌《跳舞街》,一開始試嘅時候,郭柏妍唱到一半就甩咗歌詞,於是老師教佢跟拍子機唱歌,不過就被老師話「無視拍子機」、「自己創造咗個拍子出嚟」,之後老師改用拍手方式教佢,可能少接觸音樂,郭柏妍試咗幾次都未跟到,搞到後製要快進,不過最尾都做到老師要求,冇咁甩beat!

老師教郭柏妍跟拍子機唱歌。Photo from 藝人部落格科 TALENT VLOG YouTube

林敏驄:不予置評

而喺正式上場,郭柏妍成功唱晒成首歌,中途聽到林敏驄講咗句「咁就死得啦」。演唱完畢後,林敏驄仲好抵死咁評價:「不予置評」、「拍戲嗰時又係咁,而家又係咁,一嚿雞」,江美儀搭嘴咁話:「佢keep到㗎呢方面」。對於郭柏妍今次嘅「平反」,網民紛紛表示有進步:「甩beat了, 甩少咗」、「已經比第一晚進步左」,亦有網民笑指:「進步咗,但都係魔音」、「再一次證明上天係公平」、「魔音都有市場既,好似大宇首倒轉地球甘」。睇嚟要擺脫呢個封號,仲需要再努力一吓~

郭柏妍(左二)成功唱晒成首歌。Photo from 東張+ YouTube

網民話郭柏妍都係有魔音。Photo from 東張+ YouTube

網民留言。Photo from 東張+ YouTube

網民覺得「魔音」都有市場。Photo from 東張+ YouTube

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

李佳芯被指臉圓發福不少?「魔音佳芯」恨開音樂會:我幾鍾意唱歌!

17 Mar 2021

早前換咗個新造型嘅李佳芯(Ali)近日罕有開 live 同網民互動傾偈兼宣傳嚟緊將會喺下星期接力《失憶24小時》播出嘅新劇《愛美麗狂想曲》。而喺直播中,佢更透露自己嘅未來大計!

李佳芯近日罕有開 live 同網民互動聊天

李佳芯喺新劇仲未正式開始宣傳工作就已經不忘派褔利給粉絲,舉行線上粉絲見面會,同粉絲隔空「聚會」一個多小時,傾吓近況之餘亦同網民互動聊天。

李佳芯喺新劇仲未正式開始宣傳工作就已經不忘派褔利給粉絲

喺直播中,Ali 除咗指自己有意開設個人 YouTube 頻道外,有「魔音佳芯」封號嘅佢更表示希望將來有機會舉辦小型音樂會嘅期望:「Mini Concert 呢樣嘢幾好,我幾鍾意唱歌。演戲以外,唱歌係表達自己情緒、或想講嘅嘢嘅一個途徑。想喺呢方面再落多啲苦功,我有繼續練唱歌,有機會都想唱畀大家聽。希望會唱得好啲,同大家會支持。」

Ali 除咗指自己有意開設個人 YouTube 頻道外,仲計劃搞小型音樂會。

正所謂「喺邊度跌低,就喺邊度起返身」,唔知佢又會唔會再唱一次《小幸運》嚟一雪前恥呢?!

正所謂「喺邊度跌低,就喺邊度起返身」嘛。

而一眾粉絲聽後紛紛表示一定會支持外,亦有網友指久未露面嘅 Ali 好似肥咗少少,臉形比以前圓潤咗,不過都仲係咁靚。

有網友指久未露面嘅 Ali 好似肥咗少少。

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel