東南亞首艘迪士尼郵輪！2025年新加坡啟航！迪士尼全球最大郵輪！
Photo from FB@Disney Cruise Line
#全新迪士尼郵輪新加坡啟航
東南亞首艘迪士尼郵輪（Disney Cruise）即將登場！慶祝Walt Disney今年成立100週年，迪士尼日前再帶來好消息，與新加坡旅遊局共同宣布，計劃推出首個「東南亞奇妙郵輪假期」，當中計劃包括迪士尼郵輪～全新的迪士尼郵輪將於2025年啟航，新加坡會作為母港至少5年，係停靠在新加坡的最大一艘郵輪！
Photo from FB@Singapore Tourism Board
#首次在東南亞設立航線
話說迪士尼海上郵輪航線於1998年開始，係Walt Disney除了迪士尼樂園及迪士尼世界之外，另一個重大迪士尼體驗項目。在迪士尼郵輪上除了同樣可以感受到迪士尼童話世界的奇幻樂趣，更可享受在海上航行的體驗，迪士尼粉絲必去！雖然迪士尼旗下有五艘郵輪在全球多個海域航行，包括加勒比海、加拿大、夏威夷、墨西哥、歐洲、澳大利亞等，但今次卻係首次在亞洲東南亞設立航線，下次唔使去到咁遠都可以搭迪士尼郵輪！
Photo from DisneyParks網站
#全球最大迪士尼郵輪
全新型號的郵輪暫時未有命名，但係迪士尼郵輪公司艦隊中的第八艘郵輪。值得一提，迪士尼郵輪主要分為四種級別，分別係「Magic」、「Dream」、「Triton」及「Global」，而全新的郵輪屬於「Global Class」，係全球最大、最高級的迪士尼郵輪，啟航後將會躋身全球十大郵輪！
Photo from FB@Disney Cruise Line
新郵輪的總噸位預計達208,000噸，可容納約6,000人，包括約2,300位船員。據悉該郵輪會以2022年11月從雲頂香港收購的「環球夢號」（Global Dream）進行改裝後再航行，預計採用Green Methanol（綠色甲醇）作為燃料，屬於目前碳排放量最低的燃料之一，亦係郵輪業中首批使用該燃料的船隻之一。
#創新的海上迪士尼體驗
屆時遊客亦可在船上享受獨特創新的海上迪士尼體驗，郵輪不但會特設迪士尼卡通主題客房、特色主題餐廳、適合不同年齡層遊客的遊樂設施及水上活動等，仲有機會與迪士尼多位經典卡通人們見面互動，如米奇船長、迷妮船長、迪士尼公主及漫威超級英雄等，以及觀賞充滿百老匯風格的表演、海上煙花匯演等！話說於2022年啟航的迪士尼郵輪「願望號（Disney Wish）」就有特設迪士尼私人島嶼，未知屆時新加坡會唔會亦都有？一起拭目以待啦！更多關於全新郵輪的首航、未來航程及設施等詳情，有待官方陸續公佈～
Photo from DisneyParks網站
Photo from FB@Disney Cruise Line
Photo from FB@Disney Cruise Line
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
