黎耀祥北上落街冇人認得？除去包裝被指冇星味：其實個樣好路人

近年北上發展嘅視帝黎耀祥拍完電視劇又拍電影，工作接唔停，不過，近日佢同太太出行嘅時候就被指個樣太普通、太路人，搞到認唔到，仲被人影到「炒車」，同當年佢飾演嘅「豬八戒」撞樣！

Photo from 微博

現年58歲嘅視帝黎耀祥近年主力北上發展，接拍多部電視劇、電影，並參與綜藝節目，喺內地小有名氣。近日，黎耀祥現身蘇州景點，有網民影到佢喺當地寺廟，照片中，黎耀祥身穿鬆身灰色衛衣及長至拖地嘅黑色長褲，裝束樸素，身邊未見有工作人員跟隨。除此以外，有人影到黎耀祥同老婆拖手行街嘅影片，似乎係同太太一齊出嚟旅遊。