「影張相嘖！」世界四大著名驚心景點！為左影相可以去到幾盡？

By Charlotte on 01 Sep 2017

Editor

而家愈來愈多人鍾意影一D 出位刺激嘅相，為左影相你可以去到幾盡呢？小編今日介紹一下世界最著名最激嘅自然景點，睇下你有冇膽量挑戰一下。

出發前要緊記安全，最好跟住非常熟悉當地地型嘅人士，千祈唔好獨自獨隊或越過圍欄，留意當地告示，絕對不建議為影相而罔積安全。

挪威南部謝拉格山 - 奇蹟石（Kjeragbolten）

去到挪威梗係要去挪威南部謝拉格山嘅「奇蹟石」，「奇蹟石」位於海拔1000公尺高的兩座山頭之，石頭的體積僅約5立方公尺，石頭位置在係個984米（3,228英尺）深淵上方，吸引好多大膽的觀光客到呢度影相，自拍時一旦唔小心就可能跌落山谷。小心～小心！

Photo from Instagram

挪威- 惡魔之舌 (Trolltunga)

早前有港人去到挪威「惡魔之舌」挑戰極限引體上升，Trolltunga（巨魔舌頭）係挪威Hordaland縣嘅Odda市內，位置於海拔1100米處嘅岩層。不過要去到呢個地方一般需時10 - 12個小時，絕對唔適合老人、兒童或者冇登山經驗嘅人去！ 2016年有超過80,000 登山黎到呢度，如果有興趣去登山嘅朋友要留意返每年十月係最危險最嘅時間，五月至九日就會比較適合。

Photo from Instagram

秘魯馬丘比丘（Machu Piqchu)

馬丘比丘係秘魯一個前哥倫布時期印加帝國遺迹，西北方距庫斯科130公里，遺址喺海拔2350—2430米嘅山脊上。由於呢個地方真好多旅客都會慕名而來，咁靚嘅風景當然要影返張Selfies。但係呢度亦曾經因爲要影Selfies而發生過意外，早前有德國同韓國旅客因爲越過圍欄不幸失足墮下身亡。所以真係要小心D～

Photo from Instagram

非洲南部 - 維多利亞瀑布魔鬼游泳池（Victoria Falls Devil's Swimming Pool）

魔鬼游泳池位於非洲贊比西河的中游，贊比亞與津巴布韋之間，維多利亞瀑布係世界三大瀑布之一，維多利亞瀑布上擁有一個天然嘅泳池。魔鬼游泳池號稱全世界最危險的天然游泳池，位在利文斯敦島的懸崖邊位於瀑布的邊緣，旁邊就係100多公尺深谷。前往魔鬼游泳池必須徒步3小時，並且跳過一個個岩石以避開危險嘅激流，若果失足就會被沖落瀑布。