「印度民族英雄」打死不離一個阿米爾汗!再一次用電影改寫印度傳統文化~

「印度民族英雄」打死不離一個阿米爾汗!再一次用電影改寫印度傳統文化~

生活熱話 電視電影
By Charlotte on 02 Sep 2017
Editor

人氣電影「打死不離三父女 - Dangal」成為近期熱話,電影由印度巨星阿米爾汗(Aamir Khan)監制同主演。 阿米爾汗令到觀眾明白印度電影不單止有歌舞片,佢所演出同製作嘅電影都能夠代表到印度良心。

現年52歲嘅阿米爾 1965年出生印度孟買,阿米爾汗成長於一個電影家族,爸爸係電影製作人,伯父同堂哥都係導演,而佢哥哥Faisal Khan都係一名演員。阿米爾汗曾經歷兩次婚姻,現時有一子一女。
InstagramPhoto from Instagram

 

只有八歲嘅阿米爾汗已經開始參演電影,現時除左演戲同時會參與監製、編劇同導演工作。阿米爾汗之所以成名全因為佢對製片同拍片都非常嚴謹,為左專心拍攝佢堅持唔會同時接拍多部電影,完成一部先會再接拍其他。因為佢對電影嘅執著令佢贏左多個最住男演員獎項以及四個國際電影獎項,佢所主演嘅電影「榮耀之役 - Lagaan」更入圍奧斯卡最佳外語片提名。

香港人開始認識阿米爾汗都係因為電影「打死不離三兄弟 - 3 Idiots」同埋 「來自星星的PK - PK 」。

電影打死不離三兄弟Photo from 電影打死不離三兄弟

 

電影來自星星的PKPhoto from 電影來自星星的PK

 

電影「打死不離三父女 - Dangal」改編自印度摔跤選手瑪哈維亞的傳奇故事。阿米爾汗主演同監製,故事講及印度首位女摔跤冠軍嘅傳奇故事,於印度男女不平等嘅社會觀念下,爸爸唔理其他人冷眼堅持培育兩個女成為國家金牌運動員,兩小時電影未曾有冷場,同埋有多個洋蔥位觀眾入場記得帶定紙巾呀~

電影打死不離三父女Photo from 電影打死不離三父女

 

阿米爾汗為左角色為藝術而犧牲增磅至 97 公斤扮演中年發福,體脂肪高達37%。

電影打死不離三父女Photo from 電影打死不離三父女

 

當阿米爾汗完成晒所有中年戲份後,佢再花 5 個月時間將體脂降至9.67%變返肌肉猛男再飾演年輕版角色!訓練過程成為電影Trailer 一部份,令觀眾完全感受到佢對電影的執著及熱情!

電影打死不離三父女Photo from 電影打死不離三父女

廣告
廣告

早前已經於美國、中國、印度等地上映好評如潮,全球票房逾三億美元成為史上最賣座印度片。由今年五月開始於內地上映以來,累積票房已逾十二億元人民幣,成為中國有史以來票房最高非荷里活電影。

InstagramPhoto from Instagram

 

阿米爾汗非常關注社會問題,佢希望自己嘅影響力可以改變社會不公。2011年,阿米爾汗被聯合國兒童基金會任命為國家級親善大使獲得印度公民最高榮譽。2012年,佢發揮佢嘅影響力,主持電視節目(Satyamev Jayate),以Talk Show 同記者實地報導方式探討印度長久以來嘅社會問題。節目一播出收視率累積超過五億觀眾可謂前冇古人,印度拉賈斯坦邦嘅最高民選長官承諾要盡速判決違法墮胎嘅案件,又促成兒童性侵法在印度下議院的通過,而阿米爾汗亦受邀出席議會委員會,就醫療體系作證!

官網Photo from 官網

 

2012年 阿米爾汗首次登上《時代雜誌》卦面,專文提到佢改變印度電影文化,打破Bollywood一貫電影作風。

aamir-khan

 

 

2013年被《時代雜誌》票選為全球百大影響力人物之一,並用「印度的良心」為題為佢寫一篇專文。

官網 Photo from 官網

 

Text: Holiday editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編~謝謝~)

Holiday長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
Follow Instagram: holiday.presslogic

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel