何超瓊大爆賭王二房秘辛！憶賭王女兒身份成負累，受二太影響終成話事人

娛樂新聞

By Jennifer on 25 Apr 2023

Digital Editor

已故賭王何鴻燊一眾子女中，二房千金何超瓊被視為係賭王接班人，近日佢上內地節目《共同說》，分享兒時與父親相處嘅趣事，又指母親二太藍瓊纓影響佢好深。何超瓊依家係商界女強人，但佢回憶起初初發展時曾因賭王女兒身份，反而無工作。

Photo from 《共同說》

何超瓊大讚父親賭王十分樂觀

二房「大家姐」何超瓊表示父親賭王永遠都好樂觀，無論發生咩事，爸爸賭王都會話：「沒事的」，因為明天就係一個新開始。何超瓊指賭王成日講笑話，又會帶佢哋一班仔女出去，即使喺學校有咩唔開心，賭王都會安慰佢哋：「我們出去玩、出去喝茶，很快沒事了。」

Photo from TVB

二太藍瓊纓係影響何超瓊最深嘅人

雖然何超瓊現時掌管龐大嘅商業王國，但佢指影響自己最深嘅係母親藍瓊纓，超瓊指媽媽係佢毅力嘅主要來源，超瓊回憶指好細個媽媽就已經同佢哋講母親一定係世上最愛佢哋嘅人，亦係最強嘅後盾，但二太亦告誡子女唔好以為咩事都可以搵母親幫手解決。

Photo from TVB

Photo from 《共同說》

超瓊又提到母親對佢哋十分嚴厲，即使子女喺外面吃虧亦唔會安慰佢哋，反而會話：「你回去想好呀，你為甚麼會落得這樣一個下場吧！」令子女可以從新組織事件，用邏輯分辨是非。

Photo from TVB

何超瓊公開如何處理家族「唔聽話」兄弟姊妹

超瓊作為二房長女，一直被視為係賭王接班人，賭王亦曾表示覺得超瓊最似佢。喺家族內，超瓊亦係何家「大家姐」，超瓊指「家姐」只係多一點點責任，同時亦要做好榜樣。主持人問到如果兄弟姊妹中有人「唔聽話」，佢會如何處理？超瓊則指所謂「唔聽話」，其實好多時只係大家有自己嘅諗法，又或者想表現自己，佢會按照大家嘅能力去分配不同嘅工作。

Photo from TVB

Photo from 《共同說》

Photo from TVB

「賭王千金」身份反成負累？！

何超瓊稱外界對於「賭王千金」有一種偏見。佢回憶自己讀完書回港發展創業，開咗公關公司，佢指當時好想證明自己係有能力，唔希望用到父親賭王嘅人脈、資源等，但每次介紹自己，對方已經表示：「你是何鴻燊的女兒嘛！」無人願意畀工作佢做。

Photo from 《共同說》

Photo from TVB

Photo from 《共同說》

何超瓊獲賭王視為接班人

何超瓊指澳門回歸令佢睇到發展機會，於是各父親賭王爭取機會，見到澳門興建觀光旅遊塔佢即向爸爸提議交由佢管理，最終證明自己嘅能力。當初三房千金何超蓮上節目時被主持問到賭王有無同子女講要守住佢嘅事業，當時超蓮表示：「他可能跟超瓊說了，不會和我說。」可見喺賭王心目中何超瓊的確係佢嘅接班人，呢件事喺成個家族都有共識。