住酒店8大注意事項！check清房間免被罰錢、遮防盜眼保障安全
外出旅行住酒店都會擔心衛生同安全問題，去旅遊當然想玩得開心，留意以下8項注意事項，以免人在外地，人生路不熟卻遇上危險，破壞咗好地地嘅一次旅遊經歷！
1. 入門後盡快將全房燈光打開
開燈唔係因為迷信，而係檢查房間燈光是否正常，以免退房時被指燈光出問題要賠款，同時打開燈光可以更清楚觀察到房間，睇下房間周圍有無啲咩破損，保障返自己。
2. 唔好赤腳喺酒店房走動
依家去旅行有唔少人會帶埋拖鞋去，因為酒店嘅一次性拖鞋唔夠舒適。不過著拖鞋仲有一個重要原因，因為多數酒店房間都會舖地氈，但唔知幾耐先清潔一次，基於衛生問題，最好都係著返拖鞋。
3. 唔好用房間內嘅熱水煲
曾有新聞指有旅客會用酒店房間內嘅熱水壺煲內衣內褲，所以之後好多人都會自備熱水煲。
4. 檢查房間內電話
好多酒店房間都會有一個電話，以便旅客同前台職員聯絡。入房後要拎起電話聽下，確保電話運作正常、能夠打通，萬一發生緊急情況都可以即時向外界求助。
5. 仔細檢查房間
檢查清楚房間除咗避免有咩損壞搞到要罰錢之外，更要留意有無攝錄機等。如果入住嘅房間特別多鏡子嘅話，就要更加留意。
6. 記得要扣好防盜鎖
為咗保障安全，要扣實房間嘅防盜鎖，如果想更安心嘅，可以用衣架卡喺防盜鎖同門把上面，確保門外唔會有人輕易開到房門。
7. 遮防盜眼
酒店出入嘅人非常多，可以遮住房門嘅防盜眼，以免外面可從防盜眼窺視。
8. 退房記得要閂房門
唔好以為開住房門會方便房務員執房，因為退房手續未完成之前房間出現任何損壞都要賠償，如果唔關門畀其他人入到房整壞房內設施，甚至偷嘢都會入你數！所以最好都係要關門。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
歐遊5大防盜注意事項！多人行都會中招！買完奢侈品可以咁做！
24 Apr 2023
隨住各地開始復常，唔少人都趁機出國旅行，不過外國人生路不熟，就算同親友一齊出門都可能會出現意外，以下為大家編選咗歐遊注意事項，畀大家旅行前參考一吓～
Photo from 《時尚惡女：庫伊拉》劇照
財不可外露
歐洲扒手猖獗，一唔小心就會失財物，所以最重要嘅係「財不可露眼」，盡量唔好喺人多嘅露出錢財，去到旅遊區可以將手袋、背包放喺身前；餐廳食飯亦要注意，可以將隨身物放喺身前，以免因顧住玩手機而被偷！同時，大家亦要避免帶冇拉鍊嘅袋出門，除咗坊間售賣嘅防盜包，腰包、掛頸包等都可以保護財物。亦可以用手機掛蠅、自備鎖等工具，以作進一步防護。
Photo from 《姐姐風采依舊》劇照
街頭騙案要留神
除咗扒手，旅行都難免會遇上街頭騙案，天下冇免費嘅午餐，大家最好唔好請路人幫手影相，以免被偷手機或事後被索取攝影費，另外，呢類騙案層出不窮，會有騙徒以義賣、聯署收費，大家都可以事先搜尋當地嘅街頭騙案方式，以作準備。
Photo from 《漫漫長日》劇照
證件、錢財分開放
錢財係身外物，唔見錢事小，但萬一丟失證件就會好麻煩，大家最好將旅遊證件及錢財分開空間放，以將損失減少，或將護照放於酒店鎖起。另外，大家亦可以每日只帶預計花費嘅現金出門，以將損失減到最低。
Photo from 《流星》劇照
睇落要似當地人
去旅行難免會想着得靚啲，但事實上旅客好容易成為賊人目標，大家不妨參考吓當地人嘅穿衣風格，融入當地嘅同時，又可以更貼地感受當地交化，另外，有時唔熟路或會查地圖、問路，而因此暴露遊客身份，因此，大家可以事先查看地圖，做好旅行攻略。
Photo from 《原諒他77次》劇照
安全買奢侈品
唔少人去歐洲國家都會大買特買，不過招搖嘅名牌貨品都好容易被盯上！YouTube上有旅行達人建議，可以將購入嘅貨品放喺自備嘅IKEA袋或布袋中，以免將有品牌名嘅紙袋外露！
Photo from 《Emily in Paris》劇照
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
