日本新開富士山展望台！未被外國人發現！更近觀賞富士山壯麗絕景！

疫情解封後，去日本嘅旅客有所增加，觀光點熱鬧非凡。近日，有日媒報道遊日旅客嘅盛況，就連睇富士山嘅熱門景點都人山人海，相機中影到嘅相都堆滿晒人！不過，忍野原來仲有一處未被外國人知曉嘅新開展望台，可以更近距離觀賞富士山！

Photo from 忍野村公式宣傳片

位於忍野八海嘅富士山觀賞點，有嚟自福島嘅女性朝早5點到場守侯，在場仲有唔少觀光客、旅行團，雖然如願影到富士山嘅相，不過都難免地影到唔少人！

Photo from ANNnewsCH YouTube

Photo from ANNnewsCH YouTube

即睇更多人氣文章：
廣告銷售額最高KOL Top10！鄭秀文蟬聯榜首！呢位MIRROR成員吸金力最強！
日本旅遊｜東京Top 5高質壽司任食放題 100款壽司/每日新鮮運到/現場即叫即整

雖然著名觀光點人數眾多，但仍有外國人未知道嘅新景點，可以觀賞到富士山嘅美景！當日，記者於山梨忍野村開車15分鐘，到達山上嘅一座展望台，發現前嚟嘅人唔多，而且可以更近、更清晰咁望到富士山壯麗嘅景色。

Photo from ANNnewsCH YouTube

Photo from ANNnewsCH YouTube

呢座名為「二十曲峠展望テラス～SORA no IRO～」嘅展望台原來係上年9月建成嘅新景點，暫時都冇咩人知道。「二十曲峠展望テラス」位於山頂海拔1155米，企喺寬敞開揚嘅展望台上，就可以望到翠綠嘅山林之上露出大面積嘅富士山，景色壯觀！

Photo from ANNnewsCH YouTube

官方宣傳片中所見，展望台有可以畀遊客躺下嘅蠅網座位，亦有供人休憩嘅座位，大家可以多角度咁觀賞富士山！

Photo from 忍野村公式宣傳片

Photo from 忍野村公式宣傳片

Photo from 忍野村公式宣傳片

二十曲峠展望テラス～SORA no IRO～
地址：〒401-0512 山梨県南都留郡忍野村内野
交通方式：富士急行線富士山站乘搭約35分鐘巴士到達；東富士五湖道路山中湖乘車約35分鐘到達

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

日本最接近天空嘅酒店！近距離觀賞富士山／滿天星空下入睡！

27 Apr 2023

呢間位於長野縣嘅千疊敷酒店，自稱係日本最接近天空嘅酒店！所處高度約2612米，坐擁群山、綠植嘅自然景觀，四季皆有怡人嘅絕景，住客更可以近距離觀賞富士山嘅景色。

Photo from ホテル千畳敷 網站

目前，酒店新增咗一個名為「SO・RA・TO・KI」嘅開放露台，住客可以視線範圍無阻檔咁望盡前方美景。

Photo from ホテル千畳敷 網站

Photo from ホテル千畳敷 網站

酒店房間係傳統日式設計，無論係特別室定一般客室都裝咗大窗戶，可以畀住客望到窗外嘅山景，夜晚仲可以望到滿天嘅星空，非常浪漫！

Photo from ホテル千畳敷 網站

即睇更多人氣文章：
廣告銷售額最高KOL Top10！鄭秀文蟬聯榜首！呢位MIRROR成員吸金力最強！
日本旅遊｜東京Top 5高質壽司任食放題 100款壽司/每日新鮮運到/現場即叫即整

酒店亦翻新咗餐廳及休息室，裝上落地玻璃及大窗戶，等大家可以喺用餐或休息時間都可以觀賞住富士山，享受悠閑嘅時光！

Photo from ホテル千畳敷 網站

Photo from ホテル千畳敷 網站

酒店內仲有一個大浴場，浴池使用天然水，雖然唔係溫泉，但都可以享受身心放鬆嘅浸浴時間！

Photo from ホテル千畳敷 網站

ホテル千畳敷
地址：長野縣駒根市赤穂 759-489
價錢：約16500円（特別室），約13200円（一般客室）
入住時間：14:00，退房時間：9:00