download HolidaySmart 假期日常 app
Alton@MIRROR獲撐做打機擔當!view數仲高過達哥?!網民:殺出新血路!

Alton@MIRROR獲撐做打機擔當!view數仲高過達哥?!網民:殺出新血路!

娛樂新聞
By Wing Ws on 12 May 2023
Digital Content Writer

被網民劃分為「下弦」嘅MIRROR成員Alton,不時開live打機,累積咗唔少觀眾,近日,有網民開post大讚Alton打機片好睇,甚至發現觀看次數高過達哥!

Photo from Instagram @altonwongz

男團MIRROR成員各有發展,人氣亦各有高低,因此被網民劃分為「上下弦」,當中,王智德(Alton)則被視為「下弦」成員,平時除咗演藝活動,都會用個人YouTube Channel及IG開live打機,吸引唔少fans、機友圍觀,最新一條直播片中,Alton問到有冇男性觀眾,發現都有唔少男士過嚟睇佢打機。

Photo from Instagram @altonwongz

Alton打機片仲高過達哥?!

日前,更有網民喺連登以「笑笑下....原來alton wong 打機已經多人睇過達哥」為題開post,發現Alton喺YouTube上嘅打機片觀看次數達到1.5萬,已經超過達哥,雖然有網民其後指出達哥喺另一個平台直播,YouTube影片係用嚟backup,同Alton用「YouTube直播+backup」唔同,不過討論區上一改對Alton嘅負評,網民大讚Alton「打機幾好笑」、「睇住 屢敗屢戰,正呀」、「真心佢eq好高」、「幾有觀眾緣」,更有網民認為Alton終於搵到定位,憑打機片「殺出新血路」,並支持佢成為打機擔當!

Photo from 連登討論區

Photo from 連登討論區

Photo from 連登討論區

Photo from 連登討論區

Photo from 連登討論區

Photo from 連登討論區

Alton月前喺YouTube上傳打機片,都累積咗唔少打機fans,唔少人鍾意Alton嘅節奏,亦有人笑佢成日「卡關」、「小氣簿」、「唔小心爆粗」。

Photo from ALTON WONG YouTube

事實上,Alton以往喺網絡上評價都相對負面,曾被批評跳舞甩舞步、演技/造型出事,不時有人幫佢「改名」,稱Alton為其他「A」字頭嘅英文名,更被嘲為「連登之子」。不過近日「浪浪送行者」一事,多咗有唔少人為Alton撐場,另外有人認為Alton講棟篤笑「節奏幾好」,各方面都有進步!

Photo from Instagram @altonwongz

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

Tiger自嘲MIRROR下弦獲讚幽默,稱未試點知佢得唔得,網民可惜:佢太低調

27 Jun 2022

第16屆鮮浪潮國際短片節日前舉行本地競賽頒獎禮,邀請咗MIRRORTiger擔任頒獎嘉賓,而Tiger係致辭時提及自己係MIRROR嘅「下弦」,講得幽默又得體,引黎唔少人讚好!

TIGER YNY FC Channel 截圖Photo from TIGER YNY FC Channel 截圖

「鮮浪潮」發起主兼主席杜琪峯率先係台上發言,鼓勵年輕人要勇於追夢唔好放棄,亦希望大家接受時代變遷同支持年輕人,唔好乜都覺得年輕人唔及上一代。佢亦提到點解呢排去到邊都見到MIRROR,就係因為佢地成功,並指今次邀請Tiger就係因為佢代表年輕人!

IG @tiger_conservationPhoto from IG @tiger_conservation

而大會邀請Tiger做頒獎嘉賓,佢係頒獎前發表致辭就話近排好多人搵MIRROR嘅成員拍戲,佢都認為係好事,不過好多時都係搵姜濤、Edan、Anson Lo、Jer,雖然都有搵Lokman,但多數都係搵「上弦」嘅人。佢又解釋咩叫「上弦」,就係MIRROR有12個人,多啲人識嘅就係「上弦」,無咩人識嘅就係「下弦」,所以好少人搵「下弦」嘅人拍戲,例如係Tiger啦、Alton、Frankie咁樣,有見及此,所以自己今日係黎搵工作機會,並介紹自己「大家好,我係下弦嘅Tiger」,會場隨即傳來拍掌聲。

TIGER YNY FC Channel 截圖Photo from TIGER YNY FC Channel 截圖

「上弦」同「下弦」係網民根據人氣動漫《鬼滅之刃》而得出嘅講法。MIRROR嘅成員同「十二鬼月」一樣岩岩好有12個,而網民又覺得MIRROR入面有一部分特別出名,有啲就比較少人識,同《鬼滅》入面「十二鬼月」嘅「上弦」實力非常強悍同穩定,而「下弦」成員就不斷被變換取替嘅情況有啲似。今次Tiger就自嘲係「下弦」,無乜人識。

IG @tiger_ynyPhoto from IG @tiger_yny

Tiger後來再解釋點解MIRROR會有「下弦」,可能係有人覺得佢地唔得,覺得佢地無作品,無作品即係無人睇,無人睇就無人氣,無人氣就無人知,所以佢就諗「無作品比人睇到姐係無睇到」,無睇到嘅人又點知佢地唔得。佢又以同齡朋友作例子,老闆通常會質疑年輕人嘅能力,佢表示到底年輕人係「唔得」定係「未得」,佢都唔知答案,但要盡力試下先知。

TIGER YNY FC Channel 截圖Photo from TIGER YNY FC Channel 截圖

佢表示收到大會邀請好驚訝,更表示自己係sell唔講野,但今次就要黎講野,但機會黎到就盡力試,仲話「入行後知道無機會就努力啲,有機會就盡力啲」,仲趁機sell下自己有份參演嘅劇集《死角》,表示會係十月播出,呼籲大家可以留意下「劇中一名長髮男子」,到時再決定佢到底得唔得。

IG @tiger_ynyPhoto from IG @tiger_yny

Tiger嘅致辭得到唔少人大讚,連花姐都轉發佢當日嘅片段。

IG@ahfa0908Photo from IG@ahfa0908

網民就話見到佢係今次嘅努力,並話「係標準以前學嘅演講:幽默、同觀眾互動、令人留印象嘅停頓位、舖排設計,加油!」亦有網民特登搵返佢上年演唱會同參演《男排女將》嘅表現,讚佢跳舞同做戲都幾好,比較少出聲但次次訪問都令人覺得佢好幽默,只係作為藝人太低調,希望佢有多啲機會話比人知佢係得嘅!

LIHKG 討論區截圖Photo from LIHKG 討論區截圖

LIHKG 討論區截圖Photo from LIHKG 討論區截圖

LIHKG 討論區截圖Photo from LIHKG 討論區截圖

《男排女將》劇照Photo from 《男排女將》劇照

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel