向佐現身夜店獲5女相伴疑再背郭碧婷偷食！「得戚」回應惹網民反感？！

娛樂新聞

By Jennifer on 18 May 2023

Digital Editor

向佐同台灣女星郭碧婷結婚後育有一子一女，不過早前向佐被爆疑似偷食，雖然向佐夫婦都無作出回應，但向太就力證兒子兒媳感情不變。估唔到最近有網友再公開向佐現身夜店嘅片段，更有至少5位美女悉心打扮作伴，令向佐又傳出偷食。

Photo from 向佐微博

向佐同郭碧婷婚後分居兩地，向佐被爆疑偷食

向佐同郭碧婷婚前婚後都高調晒恩愛，除咗佢哋會公開合照之外，向太陳嵐亦好中意大晒個仔同新抱嘅照片，致力營造兒子兒媳恩恩愛愛、一家人幸福美滿嘅形象。但由於疫情原因，向佐同老婆子女長期分隔兩地，佢有時會喺微博大表思念之情。

Photo from 向太微博

Photo from 向佐微博

不過去年就有狗仔公開向佐同一位白衣女子喺位於北京嘅婚房過夜，又指兩人狀甚親密，疑暗示向佐背住郭碧婷偷食。向佐同郭碧婷一直無公開回應，而向太就多次代子反駁傳聞，指該女子只係向佐嘅一個大姐姐，兩人係為咗工作先會見面。

Photo from 向佐微博

雖然網民唔太接受向太嘅講法，甚至一度傳出向佐夫婦婚變嘅消息，然而郭碧婷生下兒子後，就同向佐重聚，唔再過分隔兩地嘅生活。

Photo from 向佐微博

向佐再被揭現身夜店獲5女陪伴

向佐同郭碧婷婚姻似乎重返昔日狀態，但近日抖音有網民公開影片，片中向佐應該係身處夜店，佢打扮隨意，上身一件白色衛衣，不過無戴帽、口罩等，佢左右兩邊都坐咗幾位女士，個個都悉心打扮，有網民認為係「陪酒小姐」。

Photo from 微博

女士們身份不明，而且向佐與佢哋都未有咩親密接觸，但有網友指向佐已有另一半都唔「潔身自好」，仲去夜店搵多位美女陪伴：「怎麼也不會是好男人！」直言郭碧婷揀錯老公。

Photo from 微博

郭碧婷與向佐合照破婚變傳聞

先前郭碧婷同向佐、兒子女兒、老爺向華強、奶奶向太等人影家庭大合照，力證夫妻感情不變，估唔到咁快就再傳向佐私生活不檢點，有人替郭碧婷不值，認為佢被向家當作係「洗白」向佐個人形象嘅工具。

Photo from 向太微博

向佐終回應偷食傳聞

向佐現身夜店一度登上微博熱搜，向佐更疑似喺微博發文回應：「深夜加班，後勤同學的雞爪比餿瓜好吃～520來我直播間，有啥當面問～」同時宣傳佢喺5月20日將會開直播，唔少網民不齒佢借偷食傳聞做宣傳。微博上更有人自稱係拍片嘅網民，佢表示自己當時喺上海並作為朋友被邀請參加聚會，佢指照片拍攝於2019年年底：「他要不承認我也無所謂，人在做天在看，祝碧婷和向太安好。」直言睇唔過眼向佐偷食於是隨手公開照片。

Photo from 向佐微博

Photo from 微博

Photo from 向佐微博

相關文章：向佐被爆偷食帶美女回婚房！3點揭郭碧婷嫁入向家飽受委屈？！

相關文章：向佐被揭腎功能已達70歲？向太解釋兒子腎功能差只因呢1個原因！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

郭碧婷兒子百日宴向佐無影！向太like留言耐人尋味，被指「要孫唔要仔」！

10 Oct 2022

向佐近日被指婚內偷食，佢與老婆一直未有回應事件。而兒子小龍眼百日宴上郭碧婷首度現身，身為爸爸嘅向佐竟然缺席，掀起熱議。雖然向太陳嵐有解釋點解向佐唔喺度，但之後佢竟然like咗一位網友嘅mean爆留言，被指早就睇向佐唔順眼？！

Photo from 向太微博

向佐被指偷食後，郭碧婷終公開露面

向佐被拍到與白衣美女回北京婚房，向太指對方只係向佐嘅一個「大姐姐」，但事後仍掀起「向佐偷食」傳聞，連郭碧婷爸爸嘅留言都被指坐實向佐有婚外情。即使風波不斷，向佐夫妻二人都未有公開回應過，唯有兩位家長向太、郭爸爸有為「偷食事件」發言。

Photo from 向太微博

日前向太喺微博公開孫仔百日宴嘅相片，佢表示同時慶祝孫女小奶黃嘅2週歲生日，相中佢同老公抱住一對孫仔孫女，而新抱郭碧婷更係傳出「向佐偷食」後首度公開露面，即時成為焦點。

Photo from 向太微博

爸爸向佐、外公郭爸爸缺席小龍眼百日宴

網友關注身為小奶黃、小龍眼爸爸嘅向佐竟然無出席咁重要嘅宴會，以往經常轉發、評論媽媽微博嘅佢今次更係零表示。向佐嘅微博自7月20號系列自動發出嘅生日動態後就無再更新過，唔轉發兒子百日宴，又唔發微博提仔女，向佐被質疑同郭碧婷嘅婚姻早已亮紅燈！

Photo from 向太微博

Photo from 向佐微博

雖然向太有喺微博下解釋向佐之所以無影全因台灣政府唔畀簽證向佐，不過向佐無動於衷被質疑對妻兒毫不關心。至於郭爸爸唔出現嘅原因，向太就話：「羊了個羊」，有網友猜測係指郭爸爸確診咗新冠肺炎嘅意思。

Photo from 向太微博

向太讚好留言被指睇向佐唔順眼？！

對於郭碧婷點解要喺台灣產子而同向佐分隔兩地，向太就指郭碧婷信任台灣嘅婦科醫生：「三月底回去六月中旬生寶寶了。現在三個人都沒打疫苗。」向太嘅回覆獲讚尊重新抱又識考慮孕婦感受。

Photo from 向太微博

雖然向太一直都幫兒子向佐否認偷食傳聞，但日前有網友發現向太疑喺抖音like咗一個網友嘅留言：「有錢，有兒女，有通情達理的公婆，臭老公遠離，日子太滋潤了。」而微博類似嘅留言都被向太「讚好」？！即時引起唔少網友討論，直指向太根本有「要孫唔要仔」嘅想法！不過現時已經唔見「作者讚過」嘅留言，唔知係向太取消讚好定網友擺烏龍呢？！