download HolidaySmart 假期日常 app
內地遊客熱捧7大香港手信!全香港最好食蝴蝶酥、養顏燕窩糕、港式雪櫃貼

內地遊客熱捧7大香港手信!全香港最好食蝴蝶酥、養顏燕窩糕、港式雪櫃貼

時事熱話 生活熱話 精選購物
By Jennifer on 19 May 2023
Digital Editor

香港自開關後吸引唔少內地遊客來港,近日小紅書唔少內地網友狂推香港必買手信,包括號稱「蛋捲界Hermès」、「全香港最好食蝴蝶酥」等,更有人想搵人代購一嚐滋味,即睇內地遊客最新熱捧7大香港手信!

香港自開關後吸引唔少內地遊客來港

1. 皇玥

大家「和菓子」就食得多,皇玥最近推出嘅中式嘅宮廷「唐果子」亦係近嚟熱門嘅手信之一!唐果子由米芝蓮團隊悉心創作,一共有9種口味,包括芝麻、椰絲、柚子、薑汁、鳳梨、豆沙、蔓越莓同草莓等,除咗口味豐富之外,禮盒設計中又融入咗梅、蘭、菊、竹等元素,包裝好靚,啱晒買嚟做手信送畀人。

禮盒有不同數量選擇,價格由$88起 (全線皇玥門市及網店有售) 送禮自用皆宜!

禮盒設計中又融入咗梅、蘭、菊、竹等元素,包裝好靚!Photo from 皇玥

皇玥另外仲有「香港故事系列」,包裝超有香港特色,有代表性建築、地標等,而禮盒入面就有各種不同口味嘅蛋卷 、蝴蝶酥 、脆條等,買嚟做手信夠晒得體。

皇玥另外仲有「香港故事系列」,包裝超有香港特色Photo from 皇玥

禮盒入面就有各種不同口味嘅蛋卷 、蝴蝶酥 、脆條等Photo from 皇玥

2. 珍妮曲奇驄明小熊

珍妮曲奇喺疫情前已大排長龍,開關後依然好受遊客歡迎,人氣不減。甚至連韓國女團BLACKPINK成員LISA嚟香港開演唱會後都帶埋返韓國!珍妮曲奇亦以「BLACKPINK同款曲奇」獲內地網民追捧,大讚口感超級酥軟。

珍妮曲奇喺疫情前已大排長龍,開關後依然好受遊客歡迎,人氣不減。Photo from 小紅書

連韓國女團BLACKPINK成員LISA嚟香港開演唱會後都帶埋返韓國Photo from 抖音

珍妮曲奇亦以「BLACKPINK同款曲奇」獲內地網民追捧Photo from 小紅書

3. Glory Bakery曲奇

喺小紅書獲唔少網民推介,更指佢「完爆珍妮曲奇」!內地網民表示Glory Bakery曲奇口味眾多,唔算甜,其中檸檬茶口味十分清新,獲唔少網友推薦。

喺小紅書獲唔少網民推介,更指佢「完爆珍妮曲奇」!Photo from 小紅書

4. 帝苑蝴蝶酥

帝苑酒店嘅蝴蝶酥號稱係「全香港最好食嘅蝴蝶酥」!雖然價錢小貴,但仍大排長龍,如果遲咗去仲未必買到!內地網友大讚各款口味都好食,而且包裝精緻適合送禮,更話係「yyds」!

帝苑酒店嘅蝴蝶酥號稱係「全香港最好食嘅蝴蝶酥」Photo from 小紅書

內地網友大讚各款口味都好食,而且包裝精緻適合送禮Photo from 小紅書

5. 陳意齋燕窩糕

百年老字號「陳意齋」不論店舖,定係包裝都好有舊日香港風情,內地網友指燕窩糕人手製作,口感軟熟,甜度適中,吃幾條都唔會膩,又有美顏功效。

百年老字號「陳意齋」不論店舖,定係包裝都好有舊日香港風情Photo from 小紅書

內地網友指燕窩糕人手製作,口感軟熟,甜度適中,吃幾條都唔會膩Photo from 小紅書

6. 旅遊發展局香港特色小食雪櫃貼

有時去旅行都會買當地嘅雪櫃貼返嚟貼喺雪櫃留念,香港旅遊發展局亦有推出香港特色小食系列雪櫃貼,價錢由20幾至60幾蚊不等,有燒賣蝦餃、老婆餅、月餅禮餅、蛋撻、西多士等,造型精緻可愛,好多內地網友一次入手幾個!

香港旅遊發展局亦有推出香港特色小食系列雪櫃貼Photo from 小紅書

造型精緻可愛,好多內地網友一次入手幾個Photo from 小紅書

7. 德成號蛋捲

德成號蛋卷獲封為「全香港最難買嘅神級蛋捲」!每日開店前1個鐘已大排長龍,依然日日沽清!內地網友大讚口感酥脆,唇齒留香,3種口味牛油、椰汁、原味都同樣出色。

德成號蛋捲獲封為「全香港最難買嘅神級蛋捲」!Photo from 小紅書

每日開店前1個鐘已大排長龍,依然日日沽清!Photo from 小紅書

內地網友大讚口感酥脆,唇齒留香Photo from 小紅書

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

《愛回家》拍攝地成內地旅客熱門打卡地?!熊家住千萬單位/新威龍廣場真係存在?

9 May 2023

內地開關後,多咗唔少遊客到港遊玩,繼油麻地警署及麥當勞道打卡,原來TVB處境劇《愛回家之開心速遞》都係遊客們嘅熱門打卡地!小紅書等社交媒體上有唔少劇集fans嘅打卡相,仲有熊家、新威龍廣場等取景地嘅攻略,一齊睇下有邊啲地方啦!

TVB處境劇《愛回家之開心速遞》都係遊客們嘅熱門打卡地!Photo from TVB

熊家原來住豪宅?

劇中提到根叔一家所住嘅大廈位於列堤頓道99號,雖然大部分時間都會影熊家內部,但鏡頭不時會影大廈外貌作交代,但事實上列堤頓道最多去到77號,並冇99號,而鏡頭所影嘅大廈其實喺列堤頓道28-34號嘅文華大廈,而呢一區嘅樓價更係不菲,有網民估計熊家單位價值1500萬人民幣(將1700萬港幣),價錢上嚟睇,熊家似乎唔係草根家庭。而劇情中交代熊尚善(滕麗名飾)及高栢菲(湯盈盈飾)都係住喺列堤頓道1-2,不過佢哋嘅取景地就喺紅磡嘅海韻軒。另外,有眼利嘅網民搵到熊家附近嘅長扶手樓梯喺中環水池巷,而熊家人外出經過嘅地方有必列者街會所及公理堂大廈附近嘅街道等。

根叔一家所住嘅大廈位於列堤頓道28-34號嘅文華大廈。Photo from TVB

有網民估計熊家單位價值1500萬人民幣(將1700萬港幣)。Photo from 小紅書

熊尚善住嘅地方嘅取景地喺紅磡嘅海韻軒。Photo from TVB

網民搵到熊家附近嘅長扶手樓梯喺中環水池巷。Photo from 小紅書

網民搵到熊家附近嘅長扶手樓梯喺中環水池巷。Photo from 小紅書

熊家人經過嘅地方。Photo from 小紅書

熊家人經過嘅地方。Photo from 小紅書

網民打卡相。Photo from 小紅書

新威龍廣場/接龍集團都係商場!

「新威龍廣場」都係劇中人物常去地點,原來個取景地係長沙灣廣場,不過劇組喺後期用CG,將「新威龍廣場」及Logo加上去,至於接龍集團就係荔枝角嘅D2 Place。

新威龍廣場嘅取景地係長沙灣廣場。Photo from TVB

接龍集團係荔枝角嘅D2 Place。Photo from TVB

島大canteen係TVB員工食堂

除咗大廈及街道,大多室內設施如熊家、天台、樓梯間、新威龍廣場內部都係TVB將軍澳電視城拍攝,而劇中嘅香港島大學canteen都係TVB嘅員工食堂,得工作人員先入得。

大多室內設施都係TVB將軍澳電視城拍攝。Photo from TVB

香港島大學canteen係TVB嘅員工食堂。Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel