【健康飽腹！營養師推介3款「愛環境食材」食譜＋1招令鮮味秒UP～】

有冇朋友曾經幻想過未來嘅食物會係點嘅樣？有可能會係一粒能量藥丸、代餐、昆蟲？如果係咁諗嘅話，接下來就可能要打臉了！未來食物其實比想像中更簡單、平凡～即使喺依家都可以輕易到超市買到呢！想緊貼飲食趨勢嘅你，就要認識「50種愛環境食材」（Future 50 Foods），透過飲食習慣改變地球嘅未來～以下小編就搵嚟營養師推介3款健康又不失滋味嘅食譜俾大家！仲靠1招秒增鮮味～快啲睇落去Mark低食譜啦！

#50種愛環境食材，愛自己同時愛環境！

50種愛環境食材又分為11種類別， 包括： 藻類、豆類、仙人掌、穀類、果菜類、葉菜類、菇類、堅果與種子、根菜類、芽菜類、塊莖類。喺香港常見或者可能大家已經成日食嘅好似有紫菜、藜麥、白菜、金菇、合桃、蓮藕等，估唔到佢地都係愛環境食材嘅一種～佢地除咗擁有豐富營養好似蛋白質、纖維、維他命及礦物質外，另一個共通點就係長種長有，可以減輕環境負擔，維持生態發展！對自己健康之餘同時保護地球環境～

【50種愛環境食材】清單：

咁多款食材，除咗家常便飯之外，其實佢地嘅配搭超多樣！接下來嘅3款食譜仲啱哂想要Keep Fit或戒醣等關注飲食嘅朋友～而且賣相色彩繽紛，打卡定係整俾屋企挑食嘅小朋友食都一樣超Perfect～

Photo from HolidaySmart

#備受女士歡迎！甜椒藜麥椰菜花炒飯

Photo from HolidaySmart

椰菜花飯相信對唔少女士嚟講都唔陌生！近年興起嘅低減飲食，唔少人都會嘗試喺主食中減少碳水化合物嘅攝取，除咗可以有助瘦身之外仲可以穩定血糖，因此受到非常多人歡迎！而今次食譜中就加入咗被稱為超級食物及50種愛環境食材之一嘅藜麥，小小嘅穀粒飽含非常高嘅營養價值！而且可以帶嚟持續飽腹感，絕對係瘦身不捱餓嘅不二之選～想夏日瘦身嘅朋友不妨可以試試～

【主要食材】
1/ 甜椒 2個
2/ 藜麥 約半碗
3/ 椰菜花 1個
4/ 雞胸肉粒（按個人喜好加入食材）

【步驟】

A/ 將甜椒切開蓋子，挖空裡面嘅耔後蒸熟備用
B/ 將藜麥煮熟
C/ 以熱油鍋炒香雞胸肉粒，加入家樂牌純鮮雞粉
D/ 將椰菜花及藜麥下鍋拌炒
E/ 炒熟後，放至甜椒內，然後完成！

營養師Mandy：「椰菜花屬於蔬菜類，每100克（烚熟）只有23千卡及近4克碳水化合物，與100克白飯有130千卡及近28克碳水化合物相比，以「椰菜花飯」代替白飯可以減少熱量及碳水化合物之餘，仲可以提供纖維，增加飽肚感。當中加入嘅藜麥，亦含豐富植物化合物，係類黃酮化含物（Flavonoids）嘅理想食物來源，具抗氧化功效，可中和自由基，對抗衰老。」

想炒出鮮味滿滿嘅藜麥椰菜花飯，我地就加入咗家樂牌純鮮雞粉，令到味道秒昇華！最重要佢係無激素^、無添加味精*、無添加防腐劑*，關注健康嘅朋友都可以安心食用～只要搵啱食材及方法，Keep Fit都可以食餐好啦！

??家樂牌 甜椒藜麥椰菜花炒飯食譜 ：https://bit.ly/3Ojt45r

#零失敗！芝士菠菜焗釀大啡菇

Photo from HolidaySmart

平時喺屋企剩係烚菜、炒菜，今個週末不妨整啲新意，焗大啡菇啦！做法簡單零失敗之餘，更可以發揮唔同創意加入自己喜愛嘅食材～今次我地就加咗50種愛環境食材之一嘅菠菜，再蓋上芝士，焗約10分鐘立即香噴噴！

【主要食材】
1/ 大啡菇 2個
2/ 菠菜
3/ 芝士
4/ 香草（按個人喜好加入香料）

【步驟】
A/ 大啡菇先用濕布或廚房紙濕水抹淨，去蒂備用
B/ 將菠菜加入家樂牌鮮菇粉煮熟後，砌成至適當長度
C/ 將菠菜放上大啡菇上，灑上芝士及香草
D/ 回焗爐預熱180度後，焗約15分鐘後完成！

營養師Mandy：「好多人以為，要攝取纖維就一定要食菜，但其實菇菌類都屬蔬菜類別之一，而且熱量低。以大啡菇為例，一塊都只係約20千卡！大啡菇仲含有多種礦物質，其中一種就係硒，有助保持免疫系統健康。另外，食譜中嘅波菜含豐富葉黃素、玉米黃素同胡蘿蔔素，可幫助眼睛過濾藍光同紫外光嘅傷害，降低白內障同黃斑點病變嘅風險。」

聽到依到，小編都好想即刻食返啲菠菜，嚟緊夏天戶外活戶都可以減少啲自由基傷害，Keep住靚靚皮膚～

但係平時食菠菜味道總係有啲苦澀味？小編帶走苦澀味嘅一秘技，就係加入家樂牌鮮菇粉提味！家樂牌鮮菇粉採用含有日本鮮菇萃取，採用全素配方製造，素食者都可以安心食用！加上同樣天然無添加味精及防腐劑*，餸菜鮮甜秒Up～用佢嚟代替平時煮餸嘅鹽糖就更健康啦！

??家樂牌 芝士菠菜焗釀大啡菇食譜 ：https://bit.ly/3oiy1AT

#食得至Smart！香煎鱈魚扒配西蘭花蓉

Photo from HolidaySmart

想要瘦身、減重時，好多人都會多攝取蛋白質～食嚟食去都係雞胸肉、雞蛋，有時真係望到都悶～依個香煎鱈魚扒配西蘭花蓉就啱哂想要攝取蛋白質嘅朋友！鱈魚嘅蛋白質含量不比雞胸肉低，有助維持飽肚感。加埋西蘭花蓉，又Fresh又夠飽～而且鱈魚扒方便易煎，西蘭花蓉則可以加入喜愛味道嘅家樂牌濃湯寶系列提味，再搞成蓉即完成！新手都可以輕鬆變大廚～

【主要食材】
1/ 西蘭花 1個
2/ 鱈魚扒 1塊
3/ 野菌
4/ 合桃

【步驟】
A/ 砌好西蘭花及野菌，加入家樂牌濃湯寶鮮雞濃湯煮熟
B/ 將西蘭花放入搞拌機，加入少許濃湯寶鮮雞濃湯搞至泥狀，即可放於碟上
C/ 洗淨鱈魚扒，並用廚房紙印乾
D/ 以小火煎至鱈魚扒金黃色，放於西蘭花蓉上
E/ 加入野菌、合桃，即完成！

營養師Mandy：「鱈魚係一種深海魚，含豐富蛋白質外，仲有奧米加三，有助降低膽固醇及血脂水平。美國心臟學會都建議每星期食兩次（每次3安士）含奧米加三嘅魚類，有助改善心臟健康。以西蘭花蓉代替醬汁，如：忌廉汁或芝士汁，不但可以減脂、減卡路里，仲能夠不知不覺間攝取纖維，增加飽肚感。加上西蘭花係眾多蔬菜之中屬中鈣量蔬菜，一杯（156克）熟西蘭花已含62毫克鈣質，有助維持骨骼健康。」

要講到補腦食物，點少得50種愛環境食材－合桃～加埋落去西蘭花蓉或作伴碟，集齊3種口感，令成碟賣相＋滋味秒加分！想提升西蘭花蓉嘅鮮味，今次小編就加入咗濃湯寶鮮雞濃湯，以天然材料熬製，無添加味精*，只需加入一粒即可以為西蘭花蓉味道變得更濃郁！方便又健康，絕對唔怕失手～

??家樂牌 香煎鱈魚扒配西蘭花蓉：https://bit.ly/3BFZgII

#啟發無限煮食靈感！居家必備家樂牌，餸菜鮮甜秒Up～

Photo from HolidaySmart

認識完50種愛環境食材，想食得「有營」同時愛護環境，嚟緊不如發掘更多創意食譜，食出未來啦～喺屋企煮嘢食，點少得家樂牌產品作為最強嘅百搭伙伴～全系列同樣3大無添加：無添加防腐劑*、無添加味精*、無激素^！純鮮雞粉、鮮菇粉、純鮮雞汁，無論係醃肉、炒菜一樣OK！而濃湯寶有6款口味包括：鮮雞清湯、鮮雞濃湯、豬骨、鮮魚、牛肉、鮮菇，全以天然材料熬製，輕易整出汁、醬、湯～快啲到各大超市入手，抓住一家人嘅胃啦！

*製作過程中，不添加味精及防腐劑
^無添加激素飼養靚雞，家樂牌純鮮雞粉、家樂牌純鮮雞汁、家樂牌濃湯寶鮮雞濃湯均無激素

Mandy Wong｜營養師及作者
著有《飲食陷阱－30個愈食愈fit的食物營養知識》及《飲食陷阱2－30個要靚要fit必備的食物營養知識》

Text：HolidaySmart editorial
Photo source：HolidaySmart & 營養師
Featured for：Knorr

^本文章的圖片均經其本人或其公司授權，其他媒體不得轉載