download HolidaySmart 假期日常 app
吳千語現身康城紅地氈原圖曝光!性感造型掀熱議,真人被指差距大

吳千語現身康城紅地氈原圖曝光!性感造型掀熱議,真人被指差距大

娛樂新聞
By Jennifer on 22 May 2023
Digital Editor

現年29歲嘅吳千語同百億富三代男友施伯雄愛得高調。佢近日出席康城影展並憑「中門大開」性感禮服裙登上微博熱搜,但由傳媒拍攝嘅紅地氈原圖曝光,吳千語條裙被指質感差,內地網友更稱佢:「皮膚狀態和眼神也能看出年齡感了」。

現年29歲嘅吳千語同百億富三代男友施伯雄愛得高調。Photo from 施伯雄微博

吳千語內地人氣力壓林峯老婆張馨月?!

吳千語同林峯分手後已各有新伴侶,佢與百億富三代施伯雄傳緋聞多時,但一直未有承認戀情。施伯雄卻以「細ac」透露對吳千語嘅感情,多次示愛終於「守得雲開見月明」,獲千語BB承認男友地位。

吳千語同林峯分手後已各有新伴侶,佢與百億富三代施伯雄傳緋聞多時,但一直未有承認戀情Photo from 吳千語微博

施伯雄之前以「細ac」透露對吳千語嘅感情,最終「守得雲開見月明」,獲千語BB承認男友地位。 Photo from 施伯雄微博

越住越富貴嘅吳千語喺內地人氣唔錯,微博fans超過700萬,小紅書、抖音亦有唔少fans。網民經常比較佢同林峯現任妻子張馨月,指張馨月愛「模仿」吳千語,內地網友似乎更喜歡吳千語。

吳千語喺內地人氣唔錯,微博fans超過700萬,小紅書、抖音亦有唔少fansPhoto from 吳千語微博

公開戀情後兩人愛得高調Photo from 吳千語微博

吳千語出席康城影展紅地氈獲讚優雅有氣質

吳千語最近就出席康城影展,佢以一套淡紫色嘅禮服裙行紅地氈,露肩禮服裙性感高貴,更deep V至肚臍,「中門大開」盡晒身材,吳千語呢一身打扮更登上微博熱搜,獲內地網民大讚佢「美出天際」、「千語真的顏值好高」、「狀態太好了吧」、「優雅又有氣質」。

吳千語最近就出席康城影展,佢以一套淡紫色嘅禮服裙行紅地氈Photo from 吳千語微博

露肩禮服裙性感高貴,更deep V至肚臍Photo from 吳千語微博

「中門大開」盡晒身材!Photo from 吳千語微博

吳千語呢一身打扮更登上微博熱搜Photo from 吳千語微博

吳千語獲內地網民大讚佢「美出天際」、「千語真的顏值好高」、「狀態太好了吧」、「優雅又有氣質」。Photo from 吳千語微博

原圖曝光!吳千語被指差距大?

不過同時亦有「吳千語戛納生圖狀態(戛納即康城)」話題登上熱搜,原來係外國傳媒拍攝嘅康城影展紅地氈相片,當中亦有吳千語,網友表示佢喺外國傳媒鏡頭下依然充滿仙氣,氣質滿滿,但亦有人指佢真人同微博公開嘅靚相有所差距。

同時亦有「吳千語戛納生圖狀態(戛納即康城)」話題登上熱搜Photo from 吳千語微博

禮服裙廉價、吳千語被指皮膚狀態不復當年

首先佢一襲紫色禮服就被指質地差,原圖中裙擺嘅皺褶好似未熨好咁,睇落遠不如吳千語微博啲相咁精緻,網友指:「這個禮服看起來有點廉價」,而且裙嘅顏色有啲舊,唔襯吳千語膚色:「看起來有點黑有點土」。

吳千語一襲紫色禮服就被指質地差,原圖中裙擺嘅皺褶好似未熨好咁Photo from 微博

吳千語微博公開嘅靚相更精緻Photo from 吳千語微博

網友指:「這個禮服看起來有點廉價」Photo from 微博

另外千語BB亦被指臉上有痘印等瑕疵,眼下乾紋嚴重:「顏值也不像以前那麼驚艷美貌了,皮膚狀態和眼神也能看出年齡感了。」

千語BB亦被指臉上有痘印等瑕疵,眼下乾紋嚴重Photo from 微博

網民直言:「顏值也不像以前那麼驚艷美貌了,皮膚狀態和眼神也能看出年齡感了。」Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

吳千語教路點樣揀筍盤!獲2任有錢男朋友愛錫,全靠「反差萌」?!

31 Oct 2022

現年29歲嘅吳千語同百億富三代男友施伯雄公開戀情後越愛越高調,男友更多次晒甜蜜合照宣示主權。近日吳千語上《絲打圍爐》時就分享「揀筍盤秘笈」。佢同前男友林峯、現任男友施伯雄一齊時都獲對方錫到濃,個人魅力爆燈?!

近日吳千語上《絲打圍爐》時就分享「揀筍盤秘笈」Photo from 《絲打圍爐》

吳千語與百億富三代施伯雄戀情公開

吳千語2018年同百億富三代施伯雄傳出緋聞,有指佢早已搬入男方名下位於九肚山價值$5,000萬豪宅共賦同居,不過佢未有承認戀情,反而係施伯雄多次喺微博讚好、轉發女方以「宣示主權」,又多次發文表示想公開合照,但稱先要得到吳千語同意。

吳千語2018年同百億富三代施伯雄傳出緋聞,有指佢早已搬入男方名下位於九肚山價值$5,000萬豪宅共賦同居Photo from 施伯雄微博

由此可見吳千語家庭地位之高!日前兩人終於公開戀情,施伯雄亦越愛越高調,喺微博post出擁抱、貼面合照,大晒同吳千語嘅甜蜜日常。感情狀況十分穩定嘅吳千語最近上《絲打圍爐》做嘉賓。

日前兩人終於公開戀情,施伯雄亦越愛越高調Photo from 施伯雄微博

施伯雄post出擁抱、貼面合照Photo from 施伯雄微博

施伯雄大晒同吳千語嘅甜蜜日常。Photo from 施伯雄微博

吳千語分享「筍盤」3大條件

今集主題係「獵筍盤秘笈」同場仲有陳欣妍,對於「筍盤」,吳千語提出3個條件:心地好、事業好、有責任心。佢表示揀男朋友一定要心地好、人品好,佢亦指事業亦好重要,對自己嘅工作一定要有熱誠:「就算佢呢一刻可能唔係最叻嗰個,但你覺得佢係一隻有投資潛力嘅股票。」

今集主題係「獵筍盤秘笈」同場仲有陳欣妍,對於「筍盤」,吳千語提出3個條件Photo from 《絲打圍爐》

吳千語指事業亦好重要,對自己嘅工作一定要有熱誠Photo from 《絲打圍爐》

吳千語:「就算佢呢一刻可能唔係最叻嗰個,但你覺得佢係一隻有投資潛力嘅股票。」Photo from 《絲打圍爐》

喺責任心方面,吳千語指比較容易睇到嘅係可能佢屋企有養寵物,睇佢照顧得好唔好,再進一步觀察嘅可能係男方點樣同女友屋企人相處。吳千語坦言佢都重視外表,當主持人蝦頭指如果個男仔係「少少岩巉」,吳千語即斬釘截鐵稱:「咁無可能(接受)!」

吳千語表示進一步觀察嘅可能係男方點樣同女友屋企人相處。Photo from 《絲打圍爐》

吳千語坦言佢都重視外表Photo from 吳千語微博

吳千語坦言重視外表,施伯雄完全符合「筍盤條件」

吳千語指佢覺得如果對方無肥嘅都無問題,因為可以減,但佢直言:「一定要減!」佢認為熱愛生活嘅男生應該唔會肥得去邊。佢指中意自律嘅男仔,即使係上班族平時都會做運動,行程好穩定。

吳千語指佢覺得如果對方無肥嘅都無問題,因為可以減,但佢直言:「一定要減!」Photo from 《絲打圍爐》

吳千語指中意自律嘅男仔,即使係上班族平時都會做運動,行程好穩定。Photo from 《絲打圍爐》

吳千語表示佢搵另一半唔一定要靚仔,但要「大方得體」同合眼緣。吳千語現任男友施伯雄作為百億富三代,事業方面唔使多講,佢亦有養寵物、平時都會做運動,完全符合吳千語嘅「筍盤條件」!

吳千語現任男友施伯雄作為百億富三代,亦有養寵物,完全符合吳千語嘅「筍盤條件」!Photo from 施伯雄微博

獲2任有錢男朋友愛錫,千語BB魅力過人

吳千語入行以嚟同林峯嘅戀情廣受關注,向來低調處理感情事嘅林峯不但公開承認同吳千語嘅戀情,更肉麻叫女友做「BB」,又曾經連續講7次「好愛」千語,兩人發展至同居生活,可惜呢段感情最終未能開花結果,而吳千語現任男友同樣都十分癡情,未公開戀愛時就經常喺微博暗中向女友示愛,公開後更恨不得公告畀全世界聽佢有幾愛女朋友!

吳千語入行以嚟同林峯嘅戀情廣受關注

林峯不但公開承認同吳千語嘅戀情,更肉麻叫女友做「BB」,又曾經連續講7次「好愛」千語Photo from 吳千語微博

吳千語現任男友同樣都十分癡情,未公開戀愛時就經常喺微博暗中向女友示愛Photo from 施伯雄微博

兩任「鑽石王老五」男友都錫到千語BB濃,到底佢有咩過人魅力?喺節目中吳千語亦有分享少少心得,佢指首先要擴闊自己嘅圈子,結識多啲朋友;另外就係出門都要打扮同化妝,畀一個好嘅印象人哋。吳千語又指要展示到自己係欣賞另一半,不過佢就指自己好少撒嬌。

吳千語指首先要擴闊自己嘅圈子,結識多啲朋友Photo from 《絲打圍爐》

另外就係出門都要打扮同化妝,畀一個好嘅印象人哋。Photo from 《絲打圍爐》

兩位主持同陳欣妍就指吳千語外表有女人味,但中意嘅嘢比較硬朗,呢種反差萌反而更加吸引異性。

兩位主持同陳欣妍就指吳千語反差萌好強Photo from 《絲打圍爐》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel