TVB《真係唔好笑》突然停播！改幾次播放時間都救唔返？網民：節目名已經說明一切
TVB遊戲節目《真係唔好笑》月前播出，由何廣沛、麥美恩、馮盈盈、郭子豪、羅毓儀、方紹聰、彭慧中主持，原定播放13集，但前日（20日）播到第8集後就突然停播，改播第二個節目。有傳曾志偉睇完覺得「真係唔好笑」，用一年時間大執，仲改咗幾次播放時間，但最終都係救唔返，有網民就提出3個導致停播嘅原因。
Photo from TVB 綜藝 YouTube
出動女藝人「扮醜」搏到盡
TVB遊戲節目《真係唔好笑》每集都會邀請唔同嘉賓，各人會玩搞笑對決、小遊戲，例如含「血水」忍笑，當中出動唔少「女神」崩壞樣，馮盈盈、游嘉欣更犧牲個樣「扮醜」出鏡，真係搏到盡！
Photo from TVB 綜藝 YouTube
Photo from TVB 綜藝 YouTube
傳曾志偉覺得「真係唔好笑」
據報，呢套節目每集耗資近百萬，有指製作費上千萬，但據聞上年曾志偉睇完覺得個節目「真係唔好笑」，打算抽起唔播，但經一年時間大執後，終於上月決定播出。
Photo from TVB USA Official YouTube
改咗幾次播放時間
《真係唔好笑》播出後反應似乎一般，TVB一直未有公布收視。據知，節目原本由4月1日起逢星期六晚上21:45-22:30播放，但4月22日起改為22:15-23:00播出，至前晚改22:30-23:15播放後便遭停播。據myTVsuper網頁所見，今個禮拜六晚上22:30將改為播出《共創明「Teen」活出藍天》，與行政長官提出嘅「共創明「Teen」計劃」有關，未知其後會唔會再播埋其餘嗰7集。
Photo from mytv super
事實上，《真係唔好笑》自去年宣布錄製至今，都有唔少討論，有人就覺得似其他電視台／海外遊戲節目，如韓國《Running Man》、日本《24小時絕對不能笑》、ViuTV《膠戰》等，但遊戲節目最緊要好睇，網民就覺得《真係唔好笑》就因為3個原因，間接導致節目腰斬。
Photo from 連登討論區
個名出事
上年節目名出街後，已經有網民覺得「老土」、「尷尬」，再加上網民覺得節目內容麻麻：「節目名已經說明一切」、「（腰斬）因為真係唔好笑...」、「呢個節目應該叫『真係唔好睇』」、「個名太衰 連我老母都話 聽到就唔想睇」。
Photo from 連登討論區
Photo from TVB 綜藝 YouTube
Photo from 連登討論區
Photo from 連登討論區
遊戲老土
另有網民指出遊戲「老土」，令節目內容尷尬：「90年代式笑位」、「2023仲玩呢啲無聊嘢」、「抄橋抄慢廿年都算，重要抄得咁劣」。
Photo from 連登討論區
Photo from 連登討論區
Photo from 連登討論區
主持、嘉賓冇花火
有網民就覺得係主持同嘉賓嘅問題，認為雙方互動都冇火花，所以玩小遊戲都唔好睇：「得個嘈字」、「呢個節目其實唔entertain觀眾係佢哋自high...」。
Photo from 連登討論區
Photo from 連登討論區
Photo from TVB 綜藝 YouTube
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
羅天宇、張景淳深圳擺攤賣雞蛋仔！網友：深圳擺攤都比在TVB掙得多
3 May 2023
近日有內地網民喺微博、小紅書晒相表示卡深圳見到羅天宇、張景淳、李興華擺攤賣香港特色小食，包括：魚蛋、雞蛋仔、碗仔翅、奶茶等。唔少網民都同佢哋合照大讚真人好nice，更有網友直言：「可能在深圳擺攤都比在TVB掙得多。」
Photo from 微博
好多廣東嘅市民其實都係睇TVB長大，近年唔少香港演員、歌手都北上掘金，證明香港藝人喺內地都有市場，大部分人都會選擇直播帶貨，亦有如佘詩曼、胡杏兒等出演綜藝節目或內地電視劇。除咗上節目、拍劇、直播，仲有藝人揀開小食攤賺人仔？！
Photo from 抖音
有內地網民喺網上公開唔少照片，表示TVB藝人羅天宇、張景淳、李興華喺深圳擺攤，從照片中可見佢哋3人身穿制服，上面分別寫上「羅小二」、「張店長」、「李老闆」，攤檔售賣嘅係香港常見嘅特色小食，有魚蛋、雞蛋仔、碗仔翅、奶茶等等。
Photo from 微博
Photo from 小紅書
據網民公開嘅相片，張景淳負責賣魚蛋，而羅天宇則主力整雞蛋仔，雖然攤檔仲有其他員工，但佢哋兩個都落手落腳、親力親為，有網友同佢哋合照，大讚佢哋真人超nice！
Photo from 微博
Photo from 小紅書
Photo from 小紅書
Photo from 微博
Photo from 微博
張景淳雖然之前被指因為遲到而暫時調離《愛回家》劇組，但現時已回歸，加上佢飾演嘅「龔燁」戲份頗多，另一方面羅天宇亦係TVB力捧嘅小生，工作量唔少，因此有內地網民見佢哋出現喺深圳擺攤感驚喜，有疑似知情人就回覆指張景淳係喺香港拍完《開心速遞》就馬不停蹄趕過去深圳開檔。
Photo from TVB
Photo from 羅天宇IG
Photo from TVB
近年越嚟越多TVB藝人北上掘金，佢哋都提到喺TVB工作時十分辛苦，所以鍛練到佢哋身心。有網友好奇羅天宇、張景淳明明有工作，點解仲要上深圳擺攤，一嚟應該係支持好友李興華嘅小店，亦有網友笑言：「可能在深圳擺攤都比在TVB掙得多。」
Photo from 微博
Photo from 小紅書
唔少同佢哋影咗合照嘅內地網友都大讚羅天宇、張景淳真人靚仔，不過晒出嘅相片卻被網民指：「黑眼圈和眼袋好明顯」，該網友即表示照片無加到任個filter。可能係拍完戲就北上擺攤所以顯得比較疲累。
Photo from 小紅書
Photo from 小紅書
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
