內地挖呀挖老師現真樣捱轟，真實年齡係40歲大媽？無懼素顏大方回應

生活熱話

By Wing Ws on 23 May 2023

Digital Content Writer

抖音上憑一首「挖呀挖」兒歌迅速爆紅嘅湖北幼教「花花」黃老師，因甜美聲音及可愛外表成為網紅，但同時亦爆出唔少爭議，更遭到網民攻擊。

Photo from 抖音

3場直播勁賺200萬人民幣

呢位湖北幼教音樂老師「花花」，現時抖音粉絲人數逾700萬，憑簡單上口嘅兒歌，及錄製與小朋友一同歌唱嘅影片而爆紅，其中最為人熟知嘅係「挖呀挖」呢首兒歌，成為網民熱話。據指，黃老師開3場直播，勁賺約200萬人民幣（約222萬港元）。

Photo from 抖音

首次出鏡即捱轟

爆紅後，唔少人對呢位外表甜美嘅幼教老師感到好奇，早前黃老師參加內地電視台錄製歌曲嘅影片，首次正式出鏡，見到素顏嘅黃老師戴黑色棒球帽、藍色裇衫，正唱「挖呀挖」兒歌，不過少咗濾鏡，網民覺得黃老師判若兩人，睇若相對成熟，更有網民狠批黃老師唱歌嘅時候嘴歪、牙齒唔齊，塊型都同美顏下嘅瘦面有唔少差距。

Photo from 微博

真實年齡係40歲大媽？

有網民搵出黃老師喺上年發佈嘅貼文中寫道：「38歲了，第一次打扮自己，彷彿回到了18歲，上了年紀再累，也值了」，影片中嘅可愛女教師竟然係一個就嚟40歲嘅大媽，唔少網民都非常意外，更有人表示難以接受。

Photo from 微博

真樣曝光，網民態度兩極

日前（20日），黄老師更出席公開活動「美好鄉村生活節」，與當地文旅局局長一同跳「挖呀挖」，有網民更拍下黄老師嘅真實面貌，據悉，黄老師當日以素顏示人，但唔少網民直呼同美顏濾鏡下完全係兩個人嚟，更有網民批評：「沒有美顏沒法看了」、「再也不想看到這個挖呀挖呀挖了」、「退錢」，但亦有唔少人力撐，認為黄老師作為素人已經好靚女。

Photo from 小紅書

Photo from 微博

正面回應批評

事後，黄老師喺社交平台上發文回應：「視頻也好，直播也好，開濾鏡也是想讓最好的狀態展現給大家。我想大家錄視頻、直播或者是拍照片也都要開美顏或者濾鏡吧，其實我和大家開美顏和濾鏡的想法都是一樣的。在線下參加公益活動我可以用素顏大大方方來和大家見面其實也就是想把最真實的自己帶給大家。希望我們每個人都可以用最真實的自己來過好自己的每一天。」

Photo from 微博