download HolidaySmart 假期日常 app
蒙嘉慧自爆沉迷打機廢寢忘餐 伊健勸阻不成 一齊玩到唔願出街

蒙嘉慧自爆沉迷打機廢寢忘餐 伊健勸阻不成 一齊玩到唔願出街

娛樂新聞
By jack on 24 May 2023
Digital Content Writer

49歲的蒙嘉慧(yoyo)與55歲的鄭伊健是圈中令人羨慕的恩愛夫婦,兩人婚後生活低調貼地,有傳兩人前年移居日本,yoyo不時在FB分享日本生活日常,間中更會貼出夫婦間的甜蜜對話放閃。眾所週知,Yoyo與伊健同樣熱愛打機,最近Yoyo迷上玩《薩爾達傳說:王國之淚》,伊健見她太過沉迷,勸她休息一下,怎料轉過頭伊健自己卻玩到停不了手,更不願出門吃飯,兩夫妻的搞笑互動令人羨慕不已。

蒙嘉慧 FBPhoto from 蒙嘉慧 FB

Yoyo一出即買薩爾達新作 獲網民讚識貨

一眾機迷期待已久的年度大作《薩爾達傳說:王國之淚》於本月12日面世,作為薩爾達忠粉的Yoyo在遊戲發售當日即買回家試玩,她在FB貼出一張《薩爾達傳說:王國之淚》實體遊戲卡的照片,笑言想請假打機。前日(22日)Yoyo在FB上傳多張生活照。她貼出的照片在一般人看來只是普通植物及小風車,但在薩爾達的玩家看來就會發現,這些照片跟遊戲中出現的角色及場景都非常相似,看來Yoyo這段時間都沉迷在薩爾達的世界。不少同樣有玩薩爾達的網民紛紛對照片表示有共鳴:「d相好好笑 識d野喎」、「d圖全部睇得明」

蒙嘉慧 FBPhoto from 蒙嘉慧 FB

蒙嘉慧 FBPhoto from 蒙嘉慧 FB

蒙嘉慧 FBPhoto from 蒙嘉慧 FB

蒙嘉慧 FBPhoto from 蒙嘉慧 FB

蒙嘉慧 FBPhoto from 蒙嘉慧 FB

蒙嘉慧 FBPhoto from 蒙嘉慧 FB

兩夫婦沉迷玩《薩爾達》廢寢忘餐唔願出街

同時Yoyo亦發文分享與伊健的搞笑打機日常,近日Yoyo玩到深夜仍不願睡覺,伊健提醒她要休息:「喂,打到兩點好瞓喇」可是Yoyo依然玩到廢寢忘餐,伊健再出言相勸:「好抖下啦⋯」Yoyo竟反過來導老公打機:「不如我送個game畀你。」隔天伊健卻變成沉迷遊戲的一員,更打到不願離開家門,說道:「俾我打多陣先出門口」Yoyo笑稱兩夫婦都對遊戲中毒太深,無法自拔。

蒙嘉慧 FBPhoto from 蒙嘉慧 FB

蒙嘉慧 FBPhoto from 蒙嘉慧 FB

幸福生活惹人羨慕 網民建議兩夫婦開直播打機

不少網民看到Yoyo與伊健的打機日常,紛紛表示羨慕,又讚二人的生活簡單幸福又有情趣:「那怕一齊中毒太深,最重要開心就夠」、「所以你哋咁夾囉!幸福」、「可以一齊中毒,真係幸福生活」另外,有許多網民更留言建議伊健Yoyo兩夫婦開直播打機:「伊健打機直播,一定好多人想睇 」、「我想睇夫妻對打直播」、「不如叫某人打機開直播,唔開樣都好,想睇高手的操作」、「幾時可以直播鄭生打機嘅情況比我哋睇呀」

蒙嘉慧 FBPhoto from 蒙嘉慧 FB

蒙嘉慧 FBPhoto from 蒙嘉慧 FB

蒙嘉慧 FBPhoto from 蒙嘉慧 FB

蒙嘉慧 FBPhoto from 蒙嘉慧 FB

更多相關文章

鄭伊健自爆全年只做一樣工作,其餘時間都係打機!網友封為「人生贏家」

19 Oct 2022

現年55歲嘅鄭伊健即將於11月喺紅館開演唱會,另外佢主演嘅電影《深宵閃避球》現正上映。近年鄭伊健工作量唔多,佢上電台節目《早霸王》就提到呢幾年時間自己都係打機、玩電子產品,今年淨係做咗一件事,網民大為羨慕,更封佢做「人生贏家」。

現年55歲嘅鄭伊健即將於11月喺紅館開演唱會,另外佢主演嘅電影《深宵閃避球》現正上映Photo from 《深宵閃避球》

鄭伊健宣佈紅館開演唱會,號召力依然強勁

鄭伊健喺90年代嘅樂壇、影壇都有好多代表作,包括《古惑仔系列》、《風雲》等。不過近年嚟鄭伊健嘅作品就唔多,雖然甚少喺幕前出現,但佢嘅人氣依然高企,今年11月鄭伊健相隔3年再於紅館開演唱會,號召力仍然強勁,門票迅速售罄。

鄭伊健喺90年代嘅樂壇、影壇都有好多代表作,包括《古惑仔系列》、《風雲》等。Photo from 鄭伊健IG

今年11月鄭伊健相隔3年再於紅館開演唱會,號召力仍然強勁,門票迅速售罄。Photo from 鄭伊健IG

近日佢主演嘅電影《深宵閃避球》正在上映,鄭伊健亦多咗喺大家面前出現,近日佢就上電台節目《早霸王》做嘉賓,分享佢最近嘅生活。

近日鄭伊健上電台節目《早霸王》做嘉賓Photo from 早霸王Facebook

鄭伊健一年只做一件事?其餘時間都打機

鄭伊健提到佢呢幾年都係打機、玩下唔同嘅電子產品,又同主持人討論Switch遊戲《Splatoon》,仲表示用VR就可以同朋友見面,睇嚟佢涉獵甚多。鄭伊健一向都係大細路,平時中意打機、做運動,佢同老婆蒙嘉慧亦係因打羽毛球結緣。

鄭伊健提到佢呢幾年都係打機、玩下電子嘢Photo from 蒙嘉慧Facebook

鄭伊健一向都係大細路,平時中意打機、做運動,佢同老婆蒙嘉慧亦係因打羽毛球結緣。Photo from 《深宵閃避球》

鄭伊健指佢今年成年無做過嘢:「一年做一樣嘢。」而今年相信就係籌辦演唱會,連主持人聽到佢咁講都大表羨慕:「真係好爽!」有網友感歎:「幾十歲人只係玩玩玩,仲唔係人生贏家?!」

鄭伊健指佢今年成年無做過嘢:「一年做一樣嘢。」而今年相信就係籌辦演唱會Photo from 鄭伊健IG

網友超羨慕,封鄭伊健為「人生贏家」

網友表示好多人嘅夢想係做「廢青」,而鄭伊健就真係做到,又指佢同老婆蒙嘉慧閒時去日本住幾個月咁,生活夠晒寫意。有網民稱當年鄭伊健拍完《古惑仔》後賺到盆滿缽滿,又將收入用嚟買樓投資,所以即使工作量唔多都唔使擔心收入問題。

網友表示好多人嘅夢想係做「廢青」,而鄭伊健就真係做到Photo from LIHKG

網友指鄭伊健同老婆蒙嘉慧閒時去日本住幾個月咁,生活夠晒寫意。Photo from 鄭伊健Facebook

有網民稱當年鄭伊健拍完《古惑仔》後賺到盆滿缽滿,又將收入用嚟買樓投資Photo from LIHKG

網友:「咁先係人生贏家!靚仔、做過明星,紅又紅過,歌手又做過,電視又玩過,電影又拍過,型又型過,又少負面新聞,形象又變返清新」,大讚鄭伊健做20年嘢就可以一直過自己喜歡嘅生活,人生應該無遺憾咁話!

網友指鄭伊健:「咁先係人生贏家!Photo from 《深宵閃避球》

網友稱鄭伊健做20年嘢就可以一直過自己喜歡嘅生活,人生應該無遺憾咁話!Photo from LIHKG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

鄭伊健隔近4年11月開演唱會 完騷或與太太蒙嘉慧享受悠長假期

3 Oct 2022

聽日(4號)就係鄭伊健嘅55歲生日,佢日前宣布會係今年11月開演唱會,希望透過演唱會發放歡樂,又指希望正日本打理房地產公司嘅太太蒙嘉慧(Yoyo)可以到場睇騷,仲表示完騷就會同太太繼續悠長假期!

IG@ekin_cheng_official 截圖 Photo from IG@ekin_cheng_official 截圖

公布演唱會+生日雙喜臨門

鄭伊健日前宣布會係11月21號至24號、26號至27號係紅館開共6場「Here & Now 2022鄭伊健演唱會」,距離佢上次演唱會已經隔近4年,是次為慶祝開騷,唱片公司仲為伊健舉行發布會,送上生日蛋糕預祝佢4號嘅55歲生日,可謂雙喜臨門!

娛樂新聞台 截圖Photo from 娛樂新聞台 截圖

藉演唱會發放正能量

佢表示開騷決定得好突然,雖然公司對開騷計劃已久,但因疫情多次延期,最後經投票決定係11月如期舉行﹐仲大爆投票時「惟獨我一個唔贊成開!」仲爆自己成日話「不如唔好做」,但今次想藉演唱會帶娛樂比大家,發放正能量。

娛樂新聞台 截圖Photo from 娛樂新聞台 截圖

演唱會大玩藝術美學

今次演唱會會改成三面台,伊健話希望可以帶到新鮮感比歌迷同觀眾,音樂電影設計同劇本都由伊健親自操刀,主題圍繞近幾年世界嘅變化,「希望大家好似睇緊一套Live嘅電影,有歌又有表演,有少少抽象,會憑歌寄意」。

娛樂新聞台 截圖Photo from 娛樂新聞台 截圖

由於早前有演唱會發生舞台事故,伊健都表示會特別小心,希望將事件由逆變正,指自己係歌手,但要舉行演唱會唔係歌手一個人嘅事﹐團隊合作非常重要,仲透露會有視覺藝術美學襯托歌曲,係舞台上落足心思。

娛樂新聞台 截圖Photo from 娛樂新聞台 截圖

網民冀唔好請「大灣區哥哥」?

伊健過往嘅演唱會都甚少請嘉賓,佢就透露「嘉賓真係未知」,講到嘉賓相信唔少得伊健一班《古惑仔》兄弟,不過成員唔少都選擇北上發展,網民就表示唔太想睇陳小春、謝天華等「大灣區哥哥」;而年前黎明嘅演唱會就邀請過伊健做嘉賓,兩人仲合唱《友情歲月》,網民更期待伊健請返黎明呀!

LIHKG截圖Photo from LIHKG截圖

LIHKG截圖Photo from LIHKG截圖

《古惑仔》電影截圖Photo from 《古惑仔》電影截圖

娛樂新聞台 截圖Photo from 娛樂新聞台 截圖

疫情不忘keep fit

發布會上傳媒大讚佢現時身型好fit,鄭伊健就謙稱「假象黎嘅」,不過就話自己不嬲都有行山,又提到自疫情以來大家都容易患「疫情肥」,不知不覺間就唔同咗樣,佢認為身體狀態好重要,大家都會因為無法外出又或者要戴口罩等因素而無做運動,所以鼓勵大家要注意健康。

IG@ekin_cheng_official 截圖Photo from IG@ekin_cheng_official 截圖

希望太太蒙嘉慧到場支持

鄭伊健同太太蒙嘉慧婚後低調甜蜜,兩人係日本發展房地產生意,幾乎係日本長居,伊健發公布演唱會消息亦都第一時間幫手宣傳,而伊健亦提到雖然有好多未確定因素,但都希望太太可以到場睇騷!

蒙嘉慧 Yoyo Mung FacebookPhoto from 蒙嘉慧 Yoyo Mung Facebook

改口話Yoyo唔肥只係強壯

Yoyo曾經係社交平台投訴被鄭伊健話佢係肥婆,被問到係咪成日話太太肥,伊健就即刻搖頭話無,改口話「佢強壯咗姐」,不過就話強壯但無keep住操就會變肥。

蒙嘉慧 Yoyo Mung FacebookPhoto from 蒙嘉慧 Yoyo Mung Facebook

蒙嘉慧 Yoyo Mung FacebookPhoto from 蒙嘉慧 Yoyo Mung Facebook

完騷或與太太悠長假期

被問到完騷後係咪就會返日本陪Yoyo,伊健就坦言不嬲贊成大家去旅行睇多啲,係咪去日本又未必,但鼓勵大家可以試下悠長假期,「望下個世界係咪真係適合自己」,又表示仲有好多地方值得去,世界變化得太快,「唔睇嘅嘢可能就再睇唔到,但我哋睇到嘅嘢,就會留喺自己腦裡面。」

蒙嘉慧 Yoyo Mung FacebookPhoto from 蒙嘉慧 Yoyo Mung Facebook

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物嘅資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel