download HolidaySmart 假期日常 app
2023年最佳航空公司排名公開!卡塔爾航空得第二,唯一香港航空公司上榜

2023年最佳航空公司排名公開!卡塔爾航空得第二,唯一香港航空公司上榜

旅遊攻略 旅遊新聞
By Jennifer on 01 Jun 2023
Digital Editor

開關後唔少香港人都出國旅行,早前航空評價網站「AirlineRatings.com」就公開2023年最佳航空公司排名榜,其中去年嘅第一位—卡塔爾航空今年只得第二位,前十有香港航空公司上榜,其排名公開!

早前航空評價網站「AirlineRatings.com」就公開2023年最佳航空公司排名榜Photo from 《衝上雲霄》劇照

舊年第一名嘅卡塔爾航空(Qatar Airways)今年屈居第二,新西蘭航空(Air New Zealand)取代佢登頂第一位!新西蘭航空嘅經濟艙將推出首創Skynest空中膠囊,提供6個超過200cm嘅平躺床位,床位備有枕頭、床單與毛氈,還有窗簾確保使用者私隱,即使經濟艙都可以得到全面嘅休息。

舊年第一名嘅卡塔爾航空(Qatar Airways)今年屈居第二

新西蘭航空(Air New Zealand)登頂第一位

Skynest空中膠囊預計將於2024年正式登場,網站表示呢個設計十分吸引,更係新西蘭航空獲選為第一名其中一個因素!而卡塔爾航空雖然失落第一名嘅寶座,但就連續第4年獲得「最佳商務艙獎」同「最佳餐飲獎」。

Skynest空中膠囊預計將於2024年正式登場

卡塔爾航空雖然失落第一名嘅寶座,但就連續第4年獲得「最佳商務艙獎」

第三位係阿提哈德航空(Etihad Airways)、第四位係大韓航空(Korean Air)、第五位則係新加坡航空(Singapore Airlines),新加坡航空公司同時爾獲得「最佳頭等艙獎」。

第五位則係新加坡航空(Singapore Airlines),新加坡航空公司同時爾獲得「最佳頭等艙獎」。

第六名係澳洲航空(Qantas),澳洲航空仲獲得「Best Lounges」、第七位係維珍澳洲航空/維珍航空(Virgin Australia/Virgin Atlantic)、第八位則係台灣嘅長榮航空(EVA Air),大家飛台灣可能都會搭長榮航空。

澳洲航空獲得「Best Lounges」

第八位則係台灣嘅長榮航空(EVA Air)

至於第九位係香港嘅國泰航空(Cathay Pacific Airways),國泰航空去年排第11位,今年成功擠身前10名!第十位係阿聯酋航空(Emirates)。排名榜上仲有其他港人熟悉嘅航空公司,如全日空(All Nippon Airways)、JAL分別排第十四位及十九位。

第九位係香港嘅國泰航空(Cathay Pacific Airways),國泰航空去年排第11位,今年成功擠身前10名

第十位係阿聯酋航空(Emirates)。

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

泰酷航空2024年啟航,首批航線飛香港、台灣、東京!機上供應omakase?!

31 May 2023

泰國新航空公司「泰酷航空(Really Cool Airlines)」將於2024年啟航,首批航線更有香港份,同時推出全球限量999位傳奇系列會籍。大家以後飛泰國就有多一個航空公司選擇啦!

泰國新航空公司「泰酷航空(Really Cool Airlines)」將於2024年啟航Photo from 泰酷航空

泰酷航空首批航線有香港、東京、台灣、新加坡,預計之後亦會增加歐洲、澳洲等長途路線。對於香港遊客嚟講最重要嘅當然係機票價格,泰酷航空嘅票價、機型等資料暫時仍未公佈,大家可以留意消息。

泰酷航空首批航線有香港、東京、台灣、新加坡,預計之後亦會增加歐洲、澳洲等長途路線Photo from 泰酷航空

雖然未公佈票價,但泰酷航空推出全球限量999位傳奇系列會籍,目前已接受申請。會費一年約為$6,000美元,可享有約$15,000美元福利及折扣,包括每年免費搭2次商務客位,不設機票限期,亦可選擇任何航線;半價優惠券2張,有效期為12個月;每年可2次免費升級經濟客位至商務客位,有效期同樣係12個月。

泰酷航空推出全球限量999位傳奇系列會籍,目前已接受申請Photo from 泰酷航空

會員每年可免費搭2次商務客位Photo from 泰酷航空

泰酷航空未公開機型,不過喺官方網站就可以睇到飛機外型以藍色同白色為主,並有好明顯嘅「COOL」字,機艙前面嘅部分更模擬戴上耳機,似乎係走活力嘅路線。

官方網站就可以睇到飛機外型以藍色同白色為主,並有好明顯嘅「COOL」Photo from 泰酷航空

官網又透露飛往日本嘅航班可以享受omakase師傅負責嘅餐桌體驗,其他航線亦可以品嚐到美味嘅泰國菜,甚至更有泰國出名嘅街頭美食提供。

官網又透露飛往日本嘅航班可以享受omakase師傅負責嘅餐桌體驗Photo from 泰酷航空

泰酷航空似乎喺飛機餐上面花咗唔少功夫Photo from 泰酷航空

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel