向華強爆周星馳片酬6年狂升250倍！向太曾笑周星馳「貪小便宜」？！

電視電影娛樂新聞

By Jennifer on 02 Jun 2023

Digital Editor

向華強同向太都開咗抖音帳號，向華強最近拍咗好多短片分享香港電影黃金時代。其中一條片佢就透露咗周星馳嘅片酬喺6年內急升至1,500萬，連向生都忍唔住指升得好快。有網友就稱估唔到向華強會公開提及周星馳。

Photo from 《大內密探零零發》

向華強開抖音分享周星馳拍《大內密探零零發》片酬

近年向太開咗抖音，更加入直播帶貨行列，向華強亦開設抖音帳號，平時向氏夫婦都會合作拍下短片。最近向華強就喺抖音拍咗一個名為「向生與香港電影的黃金時代」系列短片，分享佢多年嘅投資電影嘅經歷。

Photo from 向華強抖音

其中一條片佢罕有大談周星馳，令唔少網友都感吃驚。向華強就喺影片中提到星爺其中一套經典電影—《大內密探零零發》，佢指當年周星馳嘅片酬係1,500萬。

Photo from 《大內密探零零發》

周星馳片酬6年狂升250倍，指劉嘉玲感激向華強夫婦

佢指星爺嘅片酬喺6年內由6萬升到1,500萬，連向生都忍唔住話：「這麼厲害！」當時星爺已拍咗《賭聖》、《逃學威龍》、《鹿鼎記》、《家有囍事》、《唐伯虎點秋香》、《國產凌凌漆》等，套套都係經典，票房成績亦相當驕人，難怪片酬會暴升250倍。

Photo from 向華強抖音

Photo from 《賭聖》

Photo from 《逃學威龍》

Photo from 《唐伯虎點秋香》

向華強又表示《大內密探零零發》嘅女主角係劉嘉玲，當時佢無咩戲拍，但拍完呢套戲運氣就嚟，向華強稱：「她常常對我們兩夫婦很感激這樣子。」佢指呢套電影亦發揮咗劉嘉玲嘅喜劇演技，結果電影亦十分成功。

Photo from 向華強抖音

Photo from 《大內密探零零發》

網友驚訝向華強公開提周星馳

雖然喺1996年1,500萬嘅片酬係天價，但唔少網友都指星爺絕對值呢個價。亦有人對於向華強公開提及周星馳感意外，因為之前有傳向華強夫婦同周星馳曾有過不愉快事件，向太亦對佢非常不滿，所以見到向華強講周星馳，內地網友表示：「格局很大，能講星爺了」、「以前的恩怨不重要了，相識就是緣分」

Photo from 向華強抖音

Photo from NETFLIX

Photo from 向華強抖音

向太曾笑周星馳貪便宜

之前向太出演內地綜藝節目《我家小兩口》時就被問到有係遇過「裝出一副特別厲害的樣子，但其實特別慫（淆底）」，佢秒答：「周星馳呀！」向太舉例指玩滑翔傘時周星馳亦話要玩，向太：「反正有人給錢嘛，佢就貪便宜！」但一飛嘅時候星爺就忍唔住狂講粗口：「整個山谷都聽到他的髒話。」向太公開調侃星爺，兩人感情似乎唔錯。

Photo from 《我家小兩口》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

周星馳60歲生日工作伙伴爆私下一面，最愛吃棒棒糖，惜錯過摰愛至今單身

22 Jun 2022

6月22日係周星馳嘅60歲大壽，內地媒體就為星爺發起「人人都愛周星馳」一連三日直播，首集主題係同周星馳一齊拍戲嘅體驗，邀請咗星爺執導電影《新喜劇之王》嘅演員鄂靖文，同埋參與《西遊·降魔篇》、《美人魚》幕後創作嘅導演、演員盧正雨。

Photo from 周星馳影迷會微博

#星爺工作態度認真

盧正雨認為星爺有齊一個認真嘅電影人應有嘅特質，要興奮嘅時候一時保持興奮，遇到唔好嘅野又會好冷靜，有時以為佢要發火，但佢又格外有耐心一直教你，重複教一個幾鐘，目的就係拍好作品！而都表示同意，佢話星爺工作時比較嚴肅，比較寡言同要求嚴格，所以群眾演員會有少少怕佢，但就笑言可能星爺係電影入面嘅形象太深刻，自己並唔怕佢，亦同意星爺好樂意教戲，仲好注重細節，唔理係主角定配角都會睇得好仔細。難怪係星爺嘅電影入面每一個人物都各有特色！

Photo from 微博圖片

#私下愛分享美食

工作還工作，兩位都透露星爺私下其實好鍾意分享美食，鄂靖文就話星爺同戲入面反差好大，並唔會有戲入面嘅搞怪表情，但為人好溫和好斯文，而且有可愛嘅一點就係好鍾意食棒棒糖！仲話同星爺一齊工作最好嘅一點就係伙食永遠都會好好。盧正雨就反而覺得星爺無咩特別嘅地方，話星爺同啱Channel嘅人自然就會多啲野講，有好野就會叫埋你一齊食，而且提到佢唔鍾意一個人食飯，所以通常都係一班人一齊食。